تحمل جنوني وضمني حيل لصدرك

افتراضي رد: روايتي الثانية : تحمل جنوني وضمني حيل لصدرك / كاملة

تحمل جنوني..[ 11 ]

الكل سكت وصاروا يطالعوا فيه
نواف حس بهدوء غريب وطالع فيهم: خير..؟
عمر: لا بس حابين نعرف من مين...
؟
نواف: ايه ترى اللقافه ما يمدحون فيها ابد
زياد بيرد له الحركه: لقط وجهك ههههههههه
>سكت لانه محد ضحك غيره<
نواف طنشهم وفتح الرساله و ابتسم لما شاف الاسم
وقراء الرساله انقلب وجهه 180 درجه..(*_*
وووووو
*
*
*
ساره: ها..محمد جى..؟
الجده شيخه: ما ادري عنه
ساره بتحطيم: أوووف .. طيب فين الباقين..؟
الجده شيخه: غلا طلعت غرفتها .. و امك كانت ترتب ملابسك وبعدها راح تنام
ساره باستغراب: ملابسي..؟(وسكتت ثواني) لا يكون... >> وسكتت
... طلعت بسرعة لغرفه امها وفتحت عليها الباب شافتها جالسه على سجادتها و تقراء قران.. ساره قفلت الباب وراحت لناحيه السرير وجلست...
ام ساره وهي تقفل القران: صدق الله العظيم
ساره: فين الملابس الي جابها محمد..؟
ام ساره وهي تمثل الاستغراب: أي ملابس..؟
ساره: ماما
ام ساره وهي طالع بنتها: نعم
ساره: لا تكذبي دوبها (قاطعتها امها بعصبيه)
ام ساره: هي لا تنسي انك تكلمي امك حلوه هذي لا تكذبي
ساره بانزعاج: خلاص خلاص اسفه بس امي تقول انها شافتك وانتي ترتبي ملابسي
ام ساره: ايش دراكي انها ملابسك..؟
ساره: وي أمي قالت.؟
ام ساره: لا ما هي ملابسك اصلا جدتك ايش دراها اذا كانت ملابسك ولا لاء..
ساره وهي مو مرتاحه . طالعت امها نظرات مو مفهومه: ما ادري احس انو في شي مخبينه,, قلبي مو مطمني
ام ساره قامت وشالت سجادتها و شرشف الصلاه عنها بدون ما ترد على ساره
ساره طلعت من غرفه امها و اتوجهت لجناح غلا ودقت الباب
غلا طلعت لها وهي لابسه الروب حق النوم: هلا ساره
ساره: محمد جى..؟
غلا بترقيع: لا ولا تستنيه لانه مطول , وبعدين ملابسك ما راح ناكلها كذا كذا راح تشوفيها
ساره: غلا ترى ما تعرفي تكذبي بسرعة فين الملابس .. ولسى امي دوبها قالت شافت ماما جالسه ترتب ملابسي
غلا: ساره عن الهبال يعني بالعقل ليش بنخبي ملابسك عنك
ساره: غلا والله لو اكتشفت انك مسويا شي من وريا يا ويلك
غلا حطت يدها على خصرها: لا والله ايش بتسوي يعني
.............. : غلاي فينك طولتي عند الباب
ساره طيرت عيونها: دحين مو عساس محمد ماجى .. (بقهر) .. غلا أنا ديني ودين الي يكذب علي ليش سويتي كذا..كان قلتي الملابس جات حتى لو ماعجبتني والله ما راح ازعل زي ما زعلت دحين ... بس الا الكذب يا غلا
غلا: لحظه ساره افهميني (قاطعتها وهي مقهوره)
ساره: ما راح افهم شي يعني بعرف ايش راح يصير لو قلتي يعني حتى ماما كانت تعرف و (وسكتت وبعدين كملت)
أي شي سوا فينه أي شي تبغوا الا الكذب خلي ملابسي عندكم احتفظوا فيها حتى لو ارسلتوها وما عجبتني ما راح البسها .. ليه يا غلا ليه,,؟
.. وراحت غرفتها وهي مره مقهوره..
ميار سمعت الباب وهو ينفتح وصارت تصرخ: اطلعي برا
ساره وهي مو مستوعبه: نعم
ميار: لا مو انتي كنت اقول لشغاله تطلع برا
ساره وهي طالع وراها تتاكد ورجعت تتطالع ساره: بسم الله عليك أي شغاله .. وليش تطرديها..؟
ميار: كانت ماسكه جوالك
ساره بصدمه: جوالي أنا
ميار: ايوه .. حتى شوفتها جالسه ترسل رساله
ساره طالعت مره ثانيه وراها وبعدين لفت ناحيه ميار: بسم الله الرحمن الرحيم..بس أنا دوبي داخله الغرفه ما شفت لا شغاله ولاشي
ميار: الا كانت دوبها طالعها بس كانت تجري
ساره باستيعاب: انتي جالسه تالفي قصه من عندك صح
ميار وهي تهز راسها ببراءه (بمعنى لا): أنا ما اكذب
ساره لما سمعتها قالت ما اكذب اتذكرت سالفه غلا و امها وانقلب وجهها (وبصوت مخنوق): ميوره روحي عند امك
ميار وهي تتمد فوق السرير: ما ابغى
ساره: ............... (لا رد)
*
*
*
نواف صار يقرى الرساله و الاسم اكثر من مره
عمر بخوف: خير صاير شي للاهل
نواف بدون أي استيعاب: ايه ايه << وتركهم وحرك لبيتهم
وتفكيره كله في الرساله
*
ريوف شافت نفسها في المرايا وابتسمت برضا على شكلها وراحت ناحيه صالون الضيوف ودخلت: السـ (قاطعها صوت)
موضي: انتي باي حق تمنعي رنا تسلم على نواف
ريوف بصدمه: تكلميني..؟
موضي: عن الاستغباء الزايد
ريوف والدموع تتجمع في عينها ومنزله راسها في الارض: ............ (لا رد)
موضي: تكلمي باي حق .. مو هذا مقامك وجهك في الارض على طول مفشلتنا وخلاص
ريوف لا شعوريا رفعت راسها على فوق عشان تقاوم الدموع: اووووه
رنا وهي طالع ريوف من فوق لتحت : يعيني لازم تعاندي كلام امك قالت راسك في الارض<<وشدت عليها
ما قالت راسك فوق ولا الناس هذي الايام تفهم بالمقلوب
نواف دخل عليهم: السلام عليكم
ريوف طالعت اخوها
نواف وهو مو فاهم شي: اشفيكم (وهو يطالع ريوف)
موضي طنشت نواف وطالعت رنا وبابتسامه: و جاكي نواف الين عندك يلا قومي سلمي عليه
رنا قامت وهي مستانسه وراحت لناحيته بس هذي المره غير كانت بتضمه
بس نواف مد يدها وهو مستوعب السالفه عارف حركات خالته وبنتها وفهم انو قالوا لموضي انو ريوف منعت رنا من انها تسلم عليه
رنا اختفت ابتسماتها ومدت يدها: كيفك نواف..؟
(وابتسمت وهي مقهوره لانها ما صدها و ماعطها وجهه)
نواف وهو يسحب يده: بخير
وتركها وراح لريوف مسكها من يدها: عن ذانكم
وطلع من صالون الضيوف و اتجهوا للحديقه ترك ريوف وطالع فيها
ريوف وهي تتنفس بصعوبه: ........... (لا رد)
نواف وهو خايف عليها: تكلمي ايش قالو لك
ريوف حطت يدها على وجهها وانفجرت بكي
*
*
*
ميار بابتسامه: وبس وهذي اخر حلقه اتفرجتها حق اسبونج بوب
ساره وهي متمدده فوق السرير:ما ودك تنامي عند امك..؟
ميار: لا
ساره: طيب خلاص اسكتي بدون ولا كلمه ترى مره صدعت صرت اتخيل صورت سبونج قدامي من كثر ما تحكيني عنه (*_*
ميار: خلاص بس بقلك اخر شي
ساره: اوووف وبعدين يعيني .. قولي بسرعة ..؟
ميار: حاولت اقرى الكتاب
ساره بطفش تعطي ميار ظهرها: أي كتاب..؟
ميار وهي تبلع ريقها: الي ماما اعطتك ياها حق الزواج
ساره فزت من مكانها ولفت ناحيه ميار: حلو والله.. من جد اللقافه قتلت الحمار .. وبعدبن امك وابوكي يقولوا أنا خربتك (واتنهدت عشان تحاول تمسك اعصابها ) ايش قريتي فيه
ميار بزعل: يالله منك اصلا أنا ما فهمت ولا شي (وباندفاع) وبعدين احنا اتوعدنا انو ما نخبي شي عن بعض يعني انتي الي مو صح مو انا المفروض تقوليلي كل شي قرتيه
ساره وهي تغير الموضوع: فين جوالي..؟
ميار طالعتها بدون ما تتكلم أي كلمه
ساره مطنشتها وصارت تدور جوالها الين لقيته جنب ميار اخذته ورجعت تتمدد
وطالعت ميار: خير مضيعه شي في وجههي
ميار: انتي من لما صرتي مع نواف << قصدها اتزوجتي نواف..^_*
و انتي بس تعصبي عليا وما صرتي تقوليلي كل شي ونزلت من فوق السرير وهي ماسكه المخده
ميار وهي تكمل: طيب أنا احوبك ليش انتي تعصبي عليا .. أنا احوبك تقومي طول الوقت تزعليني انتي صرتي زيهم ماتفهميني ورمت المخده عليها بس طبعا ما جات على وجهه ساره وطلعت من الغرفه
ساره: اوووووف..يعني دحين القاها من فين ولا من فين..؟
(وفزت من مكانها مره ثانيه) يا ويلي دحين لاتروح تقول لامها انها قريت من الكتاب
وراحت لناحيه جناح محمد وغلا وشافت ميار وافقه و تدق الباب بشويش
ساره راحت لناحيه ميار وشالتها: ميووره اسفه
ميار وهي تضحك ودموعها على خدها: ههههههه خلاص سامحتك
ساره وهي تبوس خدها بقوه: اااخ بس ... يا ريت كل الناس زيك
ميار وهي مبسوطه: وانتي كمان ههههه
ساره وهي تنزل ميار: طيب يلا نام و راي بكره اشياء كثيره
ميار وهي تتمد فوق السرير: طيب
ساره اتمددت جنب ميار و مسكت جوالها عشان تشوف كم بقي من رصيدها
.. وبعد دقيقه..
ساره: مين لعب بجوالي..؟
ميار: ايوه شفت الشغاله مسكته
ساره: كيف مسكته وانا محطيه رمز قفل..
ميار: شوفتي بس عشان احنا قلنا ما نكذب على بعض راح اقلك أنا مسكته وجلست العب فبه الا فجئه اسمع يطلع صوت حق الرسايل توت توت..توت توت زي كذا
ساره: اها.. يعني مو الهرجه الي مالفتها من قبل شوي خير ان شالله ... يلا الحمدلله ارسلتي رساله لاحد أنا من زمان ما ارسل خلي على اقل يفرح انو شاف اسمي << و اثقه الاخت T_T
*
*
*
نواف: خلاص هديتي
ريوف الا كان خشمها احمر من البكي وفي يدها المنديل (وبصوت مبحوح): مستشاره ابليس قعدت تخاصمني قدام رنا واختها وتقول أنا منعت رنا انها تسلم عليك وقعدت تهزءني و رنا جلست تتشمت
نواف بهدوء: اول شي اسمها امي..ثاني شي هزئتك وش قالت لك..؟
ريوف: ما ودي اقول عاد انت تعرف كلام امك .. وبعدين اذا اليوم انت تاخذ حقي بعدين لما انت تتزوج وش راح اسوي أنا بنفسي..؟ (ورجعت الدموع تتجمع في عينها)
نواف: لا تسوي شي .. تعالي كل يوم عندي روحي عند صحباتك حاولي قد ما تقدري انك لا تحتكي فيهم وبعدين شكلها خالتك هالمره مطوله الجلسه عندنا
ريوف: نواف تكفى لا تسكن برى البيت ما اقدر اعيش فيه وانت مو موجود
نواف بستهبال: لهدرجه تحبيني
ريوف ابتسمت غصب عنها: لا بس والله ما اعرف ايش راح يسوا فيني أنا خايفه حيل يا نواف و رنا هالمره شكلها مو ناويه خير ابد .. وانت تعرف امك لو قالت لها شوفت ريوف طايره بسما بتصدقها
نواف: لا عاد مو لهدرجه مهما كان هذي امك واكيد راح تحن عليك
ريوف ابتسمت نص ابتسامه وبهم: اجل انت لسى ما عرفتها,,( $_$
نواف ابتسم وهو بغبر السالفه: اليوم شفت زياد
ريوف: ............. (لا رد)
نواف وهو يكمل: و اتكلم عنك..
ريوف طالعته: وش قال..؟
نواف: مو اتكلم اتكلم بس قال هلا باخو زوجتي
ريوف وهي تنزل راسها وتلعب بالمنديل : اها..بس لسى ما صار شي
نواف: طيب ليه ما توافقي ترى طيوب وحبوب حيل (وابتسم)
ريوف طالعته: مادري للحين مافكرت في الموضوع
نواف و الابتسامه مازالت عليه: بس الرجال مستعجل..
ريوف: والله ما دري خليه بعد زواجك بعدها يصير خير
نواف: عندي احساس انك راح توافقي
ريوف ابتسمت بدون ما ترد عليه
نواف هو كانه افتكر شغله: ايه صح
(وطلع الجوال من جيبه) ساره هذي انهبلت ولا انهبلت
ريوف: ههههههههههه ليه .. وش سوت..؟
نواف وهو يمد جواله: شوفي بالله ايش راسله
ريوف وهي تاخذ الجوال من يده بابتسامه: الله يستر..
(وصارت تقرى بصوت عالي وهي فيها الضحكه كانها حاسه انو ساره مسويا مصيبه)
مشتاق