ကျိမြန်က ရှောင်ကျားရှုကို နင့်နင့်နဲနဲ စိုက်ကြည့်လျက် သူ့လက်ထဲရှိ ကတ်ပြားကိုသာ တင်းတင်းကြပ်ကြပ် ကိုင်ထားလိုက်သည်။
"လဲ့ယန်ရေ မင်းကရော ဘာလို့ အမဲသားစတိခ်နဲ့ ကဏန်းဥပေါင်းလို့ ရေးတာလဲ ..."
အစီအစဉ်တင်ဆက်သူက ပြုံးကာ မေးလိုက်သည်။
လင်းလဲ့ယန်က ကျိမြန်ကို အပူတပြင်း လှမ်းကြည့်လိုက်သည်။ သဲလွန်စတစ်ခုခု ပြောပေးစေလိုဟန်ပင်။ သို့သော် သူ၏ ခပ်ဖျော့ဖျော့ မျက်ဝန်းတစ်စုံနှင့်သာ ရင်ဆိုင်လိုက်ရသည့်အတွက် အံ့ဩသွားကာ ခေါင်းကို တမင်တကာ ငုံ့လျက် အကြည့်လွှဲလိုက်တော့သည်။ ထို့နောက်တွင်မှ ခေါင်းကို တစ်ဖန် ပြန်မော့ကာ ဖျစ်ညှစ်ရယ်မောလိုက်သည်။
"ဘာကြောင့်လဲဆိုတော့ ကျိကောက ဘယ်အချိန်စားစား အမဲသားစတိခ်ကိုပဲ မှာတတ်လို့ပါ သူက နိုင်ငံခြားကနေ ပြန်လာတာဆိုတော့ အနောက်တိုင်းအစားအစာတွေကိုပဲ စားနေကျဖြစ်နေတာလေ ဒါပေမယ့် တစ်ခါသား ကျွန်တော်တို့တွေ ဟော့ပေါ့သွားစားပြီးကတည်းက အမဲသားစတိခ်ကို သိပ်မစားတော့ဘဲ ဟော့ပေါ့ဆိုင်ကို ခဏခဏ သွားတော့တာ ကဏန်းဥပေါင်းကကျ သူအကြိုက်ဆုံး မနက်စာ ဒါကိုပဲ မနက်တိုင်း မှာပြီးတော့ တစ်ခြားဟင်းတွေကို စားတယ်ဆိုတာ တော်တော်ရှားတယ် ..."
"မင်းတို့နှစ်ယောက်က မနက်စာလည်း အတူတူစား ဟော့ပေါ့လည်း သွားစားဖူးတယ်ဆိုတော့ နှစ်ယောက်ကြား ဆက်ဆံရေးက တော်တော်ကောင်းတယ်ထင်တယ် ..."
တင်ဆက်သူက အရွှန်းဖောက်လိုက်သည်။ ထို့နောက် ရှောင်ကျားရှုကို မေးလိုက်၏။
"ပုစွန် ဟုတ်လား ဒီအဖြေက တစ်ခြားသူတွေနဲ့လည်း မတူဘူးနော် ဘာလို့လဲ ပြောပြပါဦး ..."
ရှောင်ကျားရှုက ကျိမြန်ကို ခွင့်ပြုချက် တောင်းလိုဟန်ဖြင့် လှမ်းကြည့်လိုက်သည်။ ကျိမြန်က သူ့ကို နက်နက်ရှိုင်းရှိုင်း ပြုံးပြကာ ခေါင်းငြိမ့်ပြလိုက်သည်။
တင်ဆက်သူက အရွှန်းဖောက်လိုက်၏။
"ကြည့်ပါဦး ဒီနှစ်ယောက်ကတော့ ... ဒီလို အချင်းချင်း နားလည်နိုင်စွမ်းနဲ့ဆို မင်းတို့နှစ်ယောက်ကို အမှတ် ၁၀၀ ပေးရတော့မှာပဲ ..."
![](https://img.wattpad.com/cover/350237009-288-k409402.jpg)
YOU ARE READING
ကိုယ် မင်းကို ဘယ်လိုဖွင့်ပြောရမလဲ (IQ Team ကစာစဥ်တစ်ခုပါ) (Completed)
FantasyHow to say I love you Description လူအချို့မှာ စတင်ကြုံတွေ့စဉ်က မျက်မုန်းကျိုးမိသော်ငြား ပိုပြီး ရင်းနှီးလာလေလေ သဘောကျမိလာလေဟူသည့် ခံစားချက်ကို ပေးစွမ်းနိုင်ပေသည်။ သို့သော် အချို့မှာမူ စတင်တွေ့ဆုံစဉ်က သဘောကျမိသည့်တိုင် သိလေလေ ပိုပြီး နားလည်ရခက်သည်ဟ...
79 - 80
Start from the beginning