=شن رايك نعاودوا اللقطه مرة تانيه..
_اما لقطه..
=هادي اللي كنا نحكوا عليها..
_فكيني من هبالك..
=لا بنعاودوها وتوا..وناضت..
قعد يشوفلها بعدم استيعاب..
_نوض هيا..
غير نظره عنها القدام واشرلها بيده تقعمز وهو ...
/قعمزي وهفتي سلم بنتي قعمزي..
=والله لما نعاودوها وتوا..
شافلها بصدمه..
وهي بحده واصرار..
غير نظره عنها وهو يحرك في راسه يمين ويسار..
=هيا نوض..
_حسبي الله ونعم الوكيل..وناض وقف..
ضحكت ولفت وبعدت كم خطوه..بعدين التفتله وجاته تجري..
وهو يشوف حواليه كان في حد يتفرج عليهم وتجيه خبطه ع كتفه..يشوف تحت يلقى شيتاتها طايحات..
=شن تراجي قيم اللي طيحته..
رفع نظره ليها وهو يشوفلها بإمتعاض بعدين نزل ع رووس صوابعه وهو يقول..
/استغفر الله العظيم..
ولم شيتاتها ووقف ع حيله ومدهولها.
هي ابتسمت ابتسامه عريضه وخدتهم ورمشتله عيونها وهي تقول..
/ميرسي مسيو..
ضحك وقال :ماتبي الا كف بقفا يدي..
