&&&&&&&&&&& عند رامي # نضت صباح درت الروتين ديالي لي هو دوشت و بدلت حوايجي و حبطت وجدت لفطور فطرت و رحت ديراكسيو لمركز الشرطة ( ياك هاك يسموه ولا نن 😂) ( اي حقا رامي يخدم بوليسي و هو الشاف تاع المركز لي يخدم فيه ) حتى 5 باه خرجت و تفاهمت مع ايهاب نخرجو كيف كيف رحت للدار بدلت و ترميت فوق البونك باه نرقد بصح ما قدرتش جات في بالي ريان و كيفاه راهي و واش راهي دير دايما هكا نقعد نخمم فيها وليت نروح نسهر فالكاباريات باه ننساها مي والو ( رامي عايش وحدو يماه ماتت كي ولداتو و باباه حي مي كي شغل مكاش ماشي لاتي كامل بوليدو عاود الزواج زوج خطرات مور ما ماتت مرتو الدوزيام سمح فيها و طلقها / من بعد تعرفو فلي بارت الجايين / و الثالثة مزالو معاها و عندو معاها طفل في عمرو 19 عام )
&&&&&&&&&&&& نروحو عند احمد # ( لي هو بابات رامي ) قاعد فالفوتاي تاع الصالون مع مرتو و وليدو احمد : سامية راني رايح فواياج يامات و نرجع سامية ( مرتو الثالثة ) : لوين احمد : واش دخلك ديجا الديفو فيا لي راني نقلك و شحال من خطرة نقلك ما دخليش روحك فيا وين رايح و وين كنت و معامن تهدر ... انا الراجل ماشي نتي سامية : سمحلي والله مانزيد نسقسي احمد : فارس فارس : انعم بابا احمد : اتهلا فهاذي لي راهي قدامي و راح نخليلكم المصروف ما نطولش و نرجع سمانة برك فارس : معليه ا بابا ربي معاك ( طيط طيط علبالي تلفتهالكم / فارس هو نفسو لي كانت معاه هيبة و هو خو رامي من البابات عندو 19 سنة يقرا فليسي بيسك معاود ) ( احمد معذب مرتو و مايحبهاش راه مخليها هكاك برك باه يضربها و يعيط عليها ) __ احمد راه رايح فواياج تاع خدمة ( من بعد تعرفو واش يخدم ) &&&&&&&&&&&&
عند نهال . هيبة . شهرة . يسرى # كنا قاعدين فالبيت حبينا نديرو سهرة باه نحو على خاطر هيبة و نسوها شوية درنا الماييس و لاتاي و الشوكولا و شعلنا لاتيلي درنا فيلم و قعدنا نتفرجو كنت هكا 👇

Oops! This image does not follow our content guidelines. To continue publishing, please remove it or upload a different image.
سهرنا حتى خلاص الفيلم و رقدنا
&&&&&&&&&& عند ايهاب # مور ما فطرنا انا ورامي رحنا للبحر قعدنا شويا و كل واحد راح للدار غير وصلت بدلت و رقدت
&&&&&&&&&&&
اصبحنا و اصبح الملك لله 🥰 عند نهال # فطنت جوايه 6.20 رحت دوشت و حبطت وجدت قهوة طلعت نوضت يسرى باه تروح لليسي و شهرة باه تروح للخدمة و هيبة خليتها تريح هبطنا تقهوينا و طلعت قعدت نشوف واش نلبس حتى جات شهرة مرايا شهرة : ليوم انا نخيرلك اللبسة انا : نعرف ذوقك كيفاه داير تسما مكلاه شهرة : خسارة عليك تشكي في قدراتي 😅 انا : خلاص همال ازربي ما نديرش الروطار خيرتلي شهرة هكا 👇
Oops! This image does not follow our content guidelines. To continue publishing, please remove it or upload a different image.
لبست تمتم و ديت معايا يسرى وصلتها لليسي و ديراكسيو للشركة لقيت العارضات 2 لوخرين تماك مع ايهاب و اكرم كانو يستناو فيا تأسفت على الروطار و ركبنا فالطرونسبور حنا و طاقم التصوير و رحنا للبلاصة وصلنا كانت بلاصة شابة شغل جاية غابة كبيرة و محاوطينها شجر و من الطرف جايا بركة ( ليسونسيال تخايلو البلاصة كيما حبيتو ) حطو الطاقم الماتريال ديالهم و جا عندنا ايهاب ايهاب : كل عارضة رح تلبس لبستين و تتصور بيهم بمختلف الوضعيات اكرم : ايهاب ما نستناوش جان ايهاب : حكيت معاه راه قريب يوصل انا : وين راهم اللبستين لي نلبسوهم ايهاب : دوك تعطيلكم السيكرتيرة ليندة لكل وحدة فيكم لبستها انا : اكي عطاتلنا ليندة الحوايج هكاك شويا و جا ميسيو جان جان : ديزولي على الروطار ( بيانسور الهدرة بالانجليزية) ايهاب : لا هادي حتى حنا ما عندناش بزاف ملي وصلنا جان : اهيه وين راهم العارضات لي خيرتهم نتا ميسيو ايهاب ايهاب : هاذ الثلاثة و بدا يعرفنا هاذي 1 سيرين هاذي 2 مرام هاي 3 نهال خزر فيا جان : لوكان جبت نهال وحدها تكفي ماعرفتش واش نقول و زدت شفت ايهاب حمار و زير على يدو رحت من قدامهم شفت كرسي بعيد قعدت فيه نستنا وقتاه يعيطولنا نبدلو و يحطولنا المكياج
_________________________
راني ندير البوسيبل ديالي باه نكتب و كي نكول عليكم اعرفو بلي راني مشغولة و راح نسيي كل ما نكون ليبر راح نكتب بارت ولا زوج 😊