أمرأة بلا قيود

الـبـــــــــــــارت 11

تقربت علية ام وسيم ..
تضرب بية برجلها حيل بدون وجع كلب ! وبدون رحمة ... كأني عدوتها من سنين طويلة ! ....

___ اتركيها بس خلي نفتهم منها ...

((وكف فوك راسي ...ضل يسألني ...يمكن نصف ساعة يسأل بية اسئلة عميقة مو عادية ...( انتي من وين ! شكد عمرج ! شمخلصة دراسة ! وين عرفتي وسيم ! صار شكد متزوجين ! حتى اغرب سؤال عن نوع الموانع لنستخدمها حتى لا يصير حمل ))

__ اني مااستخدم مانع ويمكن حامل ...(( ام وسيم ضلت تضرب على وجهه حيل .... وجهه صار احمر ...تفتر فوك راسي وتصرخ .... كأنها عدها عزاء ...كل ماتفوت من يمي تضربني برجلها حيل ...

___ باجر من الصبح ناخذها تسوي تحليل ! اذا مو حامل اطلكي غصباً عنج وتخلعي ! لج ادعي من الله مو حامل ... الله يحبج وماتطلعين حامل والله اشوفج الموت بعينة صبح ومسية (( وهم اجت علية كفشتني من شعري وتسحل بية بالكاع ...ابو وسيم يخاف يحجي وياها .. جان يحاول يخليها تسكت حتى يسألني ... من شافها هدئت او سكتت شوية سألني *

__ انطيني رقم اهلج لازم نتواصل وياهم

__ اني مااكدر اخليك تتواصل ويا اهلي ! مهزومة من عمي ولو يعرف يكتلني

__ولج اييي كح...بة خليني اموتها .. والله شو الا عمج يعرف ... الا نوصلة (( اجتي ولزمتني من بلعومي وبصقت بوجهي ))
هاي جايبها من الشارع ! حتى اهل ماعدها ! شمدرينا كم واحد نايم وياها ! شنو هالقذرة هاي شجابنة عليها ! ولج اني مختارتلة عروس ومقررة ازوجة شنو انتي حتى تلتفين جوه ابني وتقنعي ياخذج ... (( جانت تصرخ بكل صوتها ..اثناء صريخها تنفغل وتجي تضربني حتى جسمها صار يرجف ))

___ اوكفي عوفيها بلكي البنية حامل ويصير شي بالطفل هذا هم ابنه .... عوفيها راح تموتيها ...

___عوفني الجلبة هاي اريد اموتها ...ولج باعي والله الا ازوجة غصباً عنج واكسر راسج

__ بس كافي كافي راسي راح ينفجر والله كافي لا تجرين بشعري ..

___ والله الا ازوجة ...اسمعيها زين ماشي

__ روحي زوجي .. خلصيني منا مو والله موتيني كافي اني بشر مو جماد حتى تضربيني هذا الضرب واتحمل ..(( من شافتني رديتها بهاي الطريقة ...فتحت عينها حيل ولطمت على وجهاا ))

___ تعال شوف عيني تعال اسمع ... اسمع هاي الچيرة الزركة شتحجي ...ولج فهميني شلون قشمرتي واخذج ... عاف بنات اختي وحدتهن تحطج جوة رجلها وادوسج .... شجابة عليج بسحورتج كلشي سويتي اكيد سحرتيلة وقشمرتي ...

__ اوكفي .(( لزمها ويقنع بيها تهدء شوية موزين عليها تعصب لهاي الدرجه ...ورا شوية باوع علية ))
مو مشكلة هسه ضلي هنا اليوم وباجر ناخذج نسويلج تحليل وورا التحليل نتفاهم ...

(( رجعت ام وسيم تضرب بية وترزلني كأني وحدي المسوية هذا الخطأ...سحبها زوجها وطلعها برة وسد الباب وقفلها ...رحت ورا الباب احجي ويا