مشتبه ،، براحتج وهاذا بيتج شوكت متجين هلا بيج
حور ،، تسلم
زينه ،، راح افتقدج يولي تعودت عليج ونبي
حور ،، راح نلتقي شكرا لان كنتي انسانه حبابه وياي
زينه ،، كانو اختي الله شاهد
حور ،، عمري
رحمة ،، ردتج بنت اليه وكل العمر تكضي ويانا
لكن هيه قسمه الله يوفقج بنيتي واعتبري هاذا بيت اهلج ابوابه مفتوحة الج بكل وقت حتئ
المفاتيح خليهم عندج شوكت متجين انتي منا وبينه
حور ،، اوي باجي
_ دمعت عيونها كامت حضنت رحمة وصارت تبجي هيه وياها سلام طلع وهوة يرعد من الغضب
وهيه بداخلها مرعوبه من ردت فعله بس لازم تخطي
هل خطوة كثير اسباب تحثها علئ هل تصرف
بعدها كل واحد راح ؏ غرفته
ثاني يوم حور جمعت كل شيئ يخصها وساعدتها زينه ومشتبه وصلوها الشقتها ورتبت وياها اغراضها
ومشتبه تسوك الها كل شيئ تحتاجة تغدو سوئ
لعد العصر تركوها وطلعو و مشتبه وصاها
اي شيئ تحتاجة تخابرة واذا تخاف تجي تبات يمهم
بعدها طلعو سدت بابها قفلته وصارت تتامل المكان وحدها بمكان غريب حست الخوف يتسلل
القلبها بس تجاهلة هل احساس وراحت الغرفتها
اخذت منشفه ودخلت للحمام ترست البانيو
بالماء نزعت ملابسها ودخلت تريد ترتاح تنزل
كل همومها بهل حمام غافله عن العيون الي
ترقبها وهيه تلتهب نار فجاة جفلت علئ صوته
المرعب بالنسبة الها هاذا اليوم فهمت انو هل شخص
صار كابوسها ومراح تخلص منه بسهوله
الحاضر
نفس الموقف كانت مسترخيه بالبانيو فجاة اندك الباب بقوة فزت مرعوبه جسمها ارتعد فكرة ممكن لحكها لهنا وراح يعذبها من ذاك اليوم
بسرعه كامت لفت المنشفه ؏ جسمها وطلعت
حور ،، منو
_ حجتها بصوت يرجف لان لساتها ذكريات ترعبها
لانها مازالت تعاني من الماضي رد عليها
جواد ،، تعالي تعشي دكتورة
حور ،، مااريد عمو تعشو انتو بالعافيه
جواد ،، براحتج بابا
_ رجعت جففت شعرها وهيه بالمنشفه رمت جسدها
علئ سريرها المريح وبسرعه غفت اليوم كان طويل
ومتعب خلصت اسبوع كامل بالمزرعه
والعصريات تطلع تتونس هنا حاولت قدر المستطاع
تنسئ لحد مااتصل بيها المحامي مال المستشفى
البارت 12
ابدأ من البداية
