__والله مو قصدي شي عوفيني الله عليج كافي ..جاي تأذيني ! .... جنت ادفع بيها واحجي .. فعلاً جانت تأذيني من اضربني ..
__ كحا..ب شتريدين نعوفجن على حل شعرجن ! امج وابوج ماتو تريدن اديحن بالشوارع ساقطة زركة ..والله اربيجن على ايدي
جانت ماتنطيني مجال احجي ... تضرب بحقد كأنما حاقدة او عدها ثأر ويانة من سنين طويلة وهسه صارتلها الفرصة تاخذ حقها !!
ولو اهلي دائماً يستخدمون هذا الاسلوب !
كلشي عدهم بالاجبار والقوة ..
مثلاً اذا طفلة رفضت تروخ للمدرسة تتعنف بأقوى الاساليب حتى تروح غصب عنها ! وهذا أسلوب فاشل لان كلنا نعرف الطفل يسمع للكلام وطرق الاقناع افضل من استخدام القوة نتيجتها تكون عكسية تخلي الطفل يرفض كلشي ينفرض بالقوة علية !ومثلاً احد المواقف كنت طفلة خطر أبالي سؤال وحبيت أسال والدي ....
__بابا ..
___كولي شرايدة
__كل الناس بالدنيا مسلمين
__وشجاب هذا السؤال على بالج
__ اريد اعرف كلنا مسلمين
___ لااا اكو هندوس واكو مسيح واكو صابئة وبعد كومة اديان !
__ زين احنه ليش صرنا مسلمين
__ لج زركة كومي من يمي ! انعل ابوج لابو الرباج شتريدين تصيرين سويدة
ماعرفت اربي ساقطة ياريت لو خلقة بيها خير ..! بدل ما يشرحلي ويعلمني ! صار يضرب بية ويغلط علية ! اني جنت محتاجة جوابة احب اعرف كلشي .. من اني صغيرة احب اجمع معلومات ..اتعلم لغة .. بس للأسف اهلي ما دعموني بالعكس حاربوني واستخدم اسلوب القوة وياية ومنعوني حتى من السؤال والاستفسار ...
شفت امل تبجي ولبست ملابسها مجبورة ..
من زينة تتقرب عليها تضل خايفة ترمش هوايه وتلبس بصدريتها اسرع ... شتكول زينه تجاوبها اي بدون اي رفض ... كملت اخذت جنطتها وراحت للمدرسة
زينة رجعت تكتب بموبايلها وتضحك .. كامت من مكانها وباوعت عليه وكالت ::-__اليوم اني رايحة لاهلي مااجي للمغرب ماشي ممنوع تطبخن شي احمي مال البارحه واكلو
__ليش اني اعرف اكدر اسويلهم شي بسيط
__ انجبي زركة! قابل خايفة عليج ومااخليج توصلين الطباخ بس مااريد تطبخن شي وتخلصن كلشي بالثلاجة منا وجاي نقتصد وندبر نفسنا بالموجود ...موجود تمن ومركة احميها وتزقنبوا ...
__بس بيبي شلون تاكل اكل بايت خايف موزين عليها
___لطلعين حجة بعمتي حتى ادفعيها عليه والله اطيح حظج واشهرج شهيرة هسه افتهمتي حمي لعمتي وياكم وتاكل شتريدين ابقى ٢٤ ساعة مكابتلكم واطبخ وانفخ ايي خوش تالي عمري اصير زينة الخدامة لخلقلكم الزفرة ..
DU LIEST GERADE
أمرأة بلا قيود
Sonstigesتدور أحداث هذا القصة عن فتاة تعيش حياة قاسية ومضطربة يسودها الظلم والتنمر والاجبار لتتمكن فيما بعد التخلص من هذا الجحيم يشاء القدر الى نقلها الى جحيم اخر ... بعد رحلة من العذاب والمأساة تتمكن من اختيار مصيرها ورسم حياتها بما يناسبها هي أليوم امر...
الـبـــــــــــــارت 3
Beginne am Anfang