قيود عشك الشيخ

قيد الواحد والعشرون

عافني اصارع الوجع وحدي صرخت استنجدت احد يجي ويساعدني روحي طلعت وانا اذب من راسي

نمت بالكاع تراب اشهك وانفاسي عالية نغزات كلبي شوي،شوي تكبر اكثر فأكثر

رجع جرني بدون رحمة وشمرني بالسيارة و طبك الباب ما كدرت بعد احجي شي تعبت وخاوت قواي

ضليت بس انفاسي وصوت شهكاتي الي كلساع تهرب مني شهكة ودموعي تنزل بهدوء

جسمي يرجف بطريقة تخوف بحيث كمت انفض بطريقة غريبة حسيت روحي جاي تطلع شوي شوي

غمضت عيوني وانا صورة حسن وامي وفاطمة ثقيف الحجية جميلة  مرت مقابيلي كل الاحبهم

غمضت عيوني وسلمت امري وانتهيت خلاص

فتحت عيوني اباوع انا نايمة بالكاع بغرفة فارغة بس مليانة تراب

باوعت داير ما دايري ماكو لا شباك بس باب والغرفة صغيرة حيل بس وصخة وتراب ماليها

استندت ع حايط لزمني وجع قوي بكلاتي ما كدرت اكوم صرخت وبجيت بقهر بس بصوت ناصي ما بية بعد ابجي روحي رايحة

زحفت حاولت اوصل للباب ما كدرت بقيت بنص الغرفة اصارع الخوف والوجع والرهبة الي اجتاحني

بالف يا ويل وصلت للباب رفعت ايدي اريد افتحها ما تنفتح يعني مقفولة

ما كدرت بعد اختنكت حيل وخاصة الغرفة ما بيها شباك ولا بيها شي يدخل منة الهوة والضوة

صرخت بفزع::- فتحووو الباببب ثقيييف وييينننكككك مووو تدددريي بيةةة اااخاااففف مننن الضلللمممةةة ثقققيييففف افتتتحح الباااببب افتتتحهااا

كمت ادك ع باب واصرخ جان اكو مجال من جوة باوعت للمكان اكو ضوة يجي خفيف ظليت خالة خشمي ع فتحة واتنفس

اختنكت ما اكدر ابقة هيج رجعت اصرخ واصرخ وماكو صوت معقولة هذا عقابي عافني هنا اموت ومحد داري بية

جعت وجسمي كام ينتفض ودوران اجتاحني غمضت عيوني ونمت ما اعرف فقدت الوعي دعيت بعد ما اكعد واموت واخلص من حياتي

بس خاب ضني من كعدت الغرفة هندس الخوف استوطن كلبي وبجيت بفزع وصرخت::- ثقييييفف اففتتححح البببااابب افتتتحهااا افتح الباب راح اموت من الخوف افتحها

ماكو جواب متت من الخوف والبرد صك عظامي صك حسيت نفسي اريد حمام

مثانتي امتلئت بجيت وصرخت باسمة بس ماكو رد معقولة ما سمعني ما كال هاي ماتت عاشت معقولة هذل الشخص الي حبيتة وفضلتة ع اهلي طللع مااا يستاهل مااا يستاهللل

صح وحقة صعبة حيل صعبة والمنظر الي شافنا بي انا وسرمد حيل صعب وصعب يستوعبة العقل والمنطق بس غييررررر يخللليييننيي افههممةة

كلساع اباوع للغرفة واتخايل شغلة بيها من ساعة الي وكعت وتعالجت عد السادة اخاف اكعد وحدي واخاف من الضلمة