المخلص "باللهجة العراقية "

بارت اضافي

-توه غفى واني امسح دمعه توكع اختها شيخلص هالعمر اذا من هسه وهيج حركوا كلبه دنكت بسته وراك طريق طويل وحركان دم من كون من راحتي لراحتك يالحنين ما يعرفون طيبتك ولا برائتك الي يسمع عنك يحكم عليك بحكم قاسي بدون ما يشوف معدنك
يارب بحق نبيك ترفع من شانه وتخرس كل الحلوك الي حجت عليه..

-سديت الباب وعفته نايم ويشهك وهاي ام السان الصغيره تهدد بابوها تروح وتجي وترطن نص كلامها
ما مفهوم بس طربتها وحكيره الله لا يوفقج شذى حتى الجهال راح تخربلي اخلاقهم..

-انفتح الباب وطل علينا بابتسامته الي ترد الروح عسى ما ننحرم منها وركضت الفتانه لحضنه.. بابي علاوي دم علاوي يبجي ومستمره ام لسان خرطت الاول والتالي وهو على على الباب حتى بعده ما دخل..

-وهو يحجي وياها يريد يفهم وينزع بحذائه.. الله يساعدك..

-رفع راسه وايده توقفت عن فتح الحذاء ركز بوجهي.. جنتي تبجين؟!.. علاوي شبي وينه..

-تنهدت واحاول اصبر نفسي شكله تعبان مو حمل نتلاكاه بهيج مشاكل..

-ما بي شيء حبيبي ارتاح وبعدين نحجي كالعاده اطفال بينهم ومشاكلهم الما تخلص معليك بحجيها..

-هو ذب حذاءه وكام رفع قمر الي تعلكت بركبته وتبوس بوجهه..وينه علاوي عيون ابوك شبيك شعجب ما واكفلي بالباب يمشي ويحجي ويا كوم ولك الرجال ما يتزعل..

-دخل للغرفه ورجع عليه.. شبي ما تحجين مو من عوايده ينام هيج وكت منو وياه..

-شبيك بابا مو كتلك عمه شدى ويا واني طربتها بنعال تحرد كلب علاوي..

-عيب بابا لا تخليني ازعل منج حجاها والتفت عليه مبتسم.. هاي عرمه مثل عمتها..

-تركنا ودخل يم علاوي شوي وطلع وعلاوي على ظهره ويضحكون تنهدت براحة من شفت بسمه ابني الي لهسه وجهه مطعون احمر..

-جيبيلي ملابس الي ولعلوش خلي اسبحه جسمه حار..

-سبحه واخذته منه وهو بين ما كمل جهزت الغده الهم
وعلاوي بعدها نفسيته تعبانه والشهكه مجلبه بي..

-خليت الماعون والتفتت عليها وهي تحجي لابوها الي صار بعد شيخلصنا قمر ولطشت بسالفة
تالي شالت كذلتها تعدل بشعرها وكملت حجي.. واني كتلها انتي اكبسز انتي حكيره لا تحجين على اخويه وطربتها بنعال..

-التفت عليه ضام الضحكة.. صار عدنا اثنين ام لسان..

-بابا عيب روحي بعد ما احجي وياج هيج معلمكم اني ها احجي..

-برطمت وراحت لحضنه.. والله معليه هي تطرب علاوي وتغلط كتلها عيب بابا ما يقبل اتكلي حكيره انتي انجبي انت مو ما تقبل واحد يحجي عيب هاي عمه شدى تحجي عيب..

-وانتي خيره منو لعد يكلها حكيره ويرفع عليها النعال كومي من حضني يلا انتي ما يفيد وياج روحي بعد ما احبج وحتى طلعه ويانا ما تطلعين بعد ام السان طالعه عينج..