رائحة الخبز الشهي هذا ما التقطه أنفه فور إستيقاظه أزاح الغطاء ببطء واستقام واقفاً فهو لم يستيقط مبكراً كعادته فاليوم هو الجمعة يوم إجازته، خرج من غرفة النوم واتجه للمطبخ و إقترب منها بخفة
إبتسمت لتيـن برقة عندما شعرت بـمن يحيط خصرها ..
وهمست قائلة: صباح الخير يا شعوبتي
إمتعضت ملامح شعـيب برفض قاطع لذلك الاسم ولكنه لم يرِد أن يكسر خاطرها فهتف بحنان وهو يدفن وجهه بعنقها
_صباح النور يا مالكة القلب والوجدان
إتسعت إبتسامتها حتى تحولت إلى ضحكة رنانة فضحك معها قائلاً: اممم إيه سبب الضحكة الجميلة دي؟
إستدارت تواجهه قائلة بسعادة: ماتتخيلش اللقب دة بحبه قد إيه، ليه مكانه خاصة عندي هو و
قاطعها شعـيب وهو يلثم وجنتها بقوة: حبة القلب
همست لتيـن بخجل: بالظبط كدة يا حبيبي، يلا نفطر بقى عشان هنزل لمرات عمي عشان نجهز لغداء العيلة
عانقها بقوة هامساً: سيبك من الأكل والعيلة وركزي معايا أنتِ وحشتيني قوووي، مابقتش ألحلق أقعد معاكِ
هتفت ببراءة: أنتَ اللي واحشني أكتر الشغل واخدك مني خالص
_الشغل! دة على أساس إني مطلبتش منك آخد أجازة ونروح أي حتة لوحدنا وأنتِ اللي طلعتيلي 100حجة عشان ألغي الفكرة!
عانقته لتيـن بقوة: إن كان عليا عايزة آجي معاك لآخر الدنيا بس هنسيب العيال لمين؟ أنتَ اللي مصمم نكون لوحدنا، وأنا ما اقدرش أسيبهم لوحدهم أكتر من يوم!
شعـيب بخشونة: لكن تسيبيني أنا عادي! مش كدة؟
هتفت تراضيه: أنا معاك دايما بقلبي
ربت على كتفها بقوة: كتر خيرك
تأوهت بقنوط: شعـيب ماتحسسنيش إني مقصرة معاك
أجابها بمسكنة: أنا سكت خالص أهو
زمت شفتيها بغضب من نفسها فهي بالفعل مقصرة معه فقالت: إيه رأيك بعد ما التجمع العائلي يخلص ونطلع لشقتنا تاني أحضر سهرة خاصة لينا؟
لمعت عيناه بعبث وإبتسمت شفتاه قبل أن تكمل لتيـن: نعمل فشار ونتفرج على فيلم أنا وأنت والأولاد؟
قضم شفتاه بقسوة وأزاحها بغيظ واتجه إلى غرفته فهمست لتيـن بتعجب: هو مش بيحب الفشار ولا إيه؟
تبعته إلى غرفته وقالت: شعـيب تعالى نرقص
هتف بذهول: نعم يا أختي!
إقتربت منه قائلة: مش رقص شعبي زي ما أنتَ متخيل
شعيب بتهكم: أومال إيه؟ إفرنجي!
أجابته بحنق: أيوه تعالى نرقص سلو
_نرقص سلو الساعة 11الظهر؟ روحي ربي عيالك يا لتيـن يلا ياماما الله يباركلك
أنت تقرأ
شعيب"الجزء الاول من سلسلة نبضات بين الوجدان"
Romanceكانت تهابه دوناً عن الجميع فهو الأكبر والأكثر قساوة بين أقاربها .. ولكن من كان يدري أنه سـيكون طوق النجاة الذي سـينتشلها من بؤرة هلاكها الجزء الاول من سلسلة نبضات بين الو روايـة رومانسي أجتماعي .. بقلمي: شيمـاء عصمت ..
