اهوجــس وياخذنـي علـى بــابــك الهوجاس .

Part 16

« قسم عبدالرحمن»
عبدالرحمن نايم : يابنتي بنام
هناي بزعِل : قوم وراي جامعه !
عبدالرحمن يعدل شعره : تونا تونا !
هناي مدت يدها توريه الساعه : شوف شوف ٩
باقي ساعه !
عبدالرحمن باس يدها : خلاص خلاص! قمت
هناي احمر وجِهها ورجعَت شعرها على ورا ، قام ياخذ شور ، ودخلت جيلان بعد ماطقت الباب : يالله عطيني اياهم احس اشتقت لهم !
هناي : ياحلوك يااحلا عمه !
عبدالرحمن تقدم باس راسها : انتبهي لشغلس خلاص
جيلان ببتسامة : توصي حريص ؟
هناي : ايه بعد ما اخلص من محاضراتي نطلع
جيلان : الساعه كم ؟
هناي تطالع ساعتها : تقريبآ الساعه ١١ مناسب ؟
عبدالرحمن تنحنح : مافي رجال واقف يعني ؟!
هناي مسكت يده : اكيد موافق ولا ؟
عبدالرحمن: ودي اقول لا بس يالله روحو استانسو
جيلان : اطلق اخو قسمم
هناي : ناخذ الجادل و منصوري
عبدالرحمن قاطِعها: ماسمعت ؟
هناي : ناخذ الجادل منصور
عبدالرحمن ببتسّامه:  ايه حسبالي
هناي بعبط : تراه اخوي وشدعوه ؟
كتمت ضحكتها تدندن اغنيه الغيره عذروب ، هناي لاحظت وضَربتها : جيجي خير !
«فــي بيت ام تركي الساعه ١٢ص»
ابو تركي : افهمي انا اقولتس وشلون راح تفصلين بينهم يالطب يا المحل
ضي : يبه ترا المِحل فيه حلا وفيه عاملين
ابو تركي قام : عاد بكيفس
تركي دخل وهو يدندن : وش فيكم ؟
ضي تكتفت بزعل : مافي شي
حظنها على جنب : افا اختي الكبيرة زعلانه ؟!
ضي قامت : بروح اشوف منصوري
تركي سحبها يجلسها جنِبه : اجلسي بس وش فيتس ؟
ضي : تهاوشنا انا وابوي عشان المحل
تركي : طيب ؟
ضي : مدري من قاله اني راح اسوي عمليه في محل الورد ؟!
تركي كتم ضحتكه : مدري انا سمعته يكلم سعود
والله اني ماسك اعصابي كن الي قاله !
ضي : ليش وشهو قايل ؟
تركي : يقول انه مو لازم زواج بس ملكه وخلاص مارح تكملين بطب
ضي بقهر : وهاذا وانا راح اخذه !
تركي : ماعليتس منه بس
« فـي الجامعة »
طلعت لان عندها بريك : غزيل!!
غزيل ضحكت : ماقلت شي غلط !
هناي : واضح ؟
غزيل : صدق تعالي معي بيتنا من زمان ماجيتي عندي في البيت !
هناي : ودي لا كان مقدر
غزيل : افا ليش ؟
هناي تطلع جوالها : بطلع مع البنات اليوم تجين ؟
غزيل شافت نجلاء من بعيد وسحبت هناي : تعالي بوريس شي
هناي استغربت: وش فيتس ؟!!
غزيل : يالله علامتس وقفتي !!
نجلاء جات لـ هناي : اوه هناي هنا يالله انك تحييها
هناي ببرود : هلابس
نجلاء تحاول تستفزها : تدرين
هناي قاطعتها بتكشير : ماابغا ادري عن شي فاهم !
غزيل بعصبيه : انتِ في راسس حرش !!
نجلاء بتمثل بلبرئه : وش سويت لكم !
هناي ببتسامه سخريه : ابد انتِ ماتسوين شي بريئه وع صدق
غزيل دفتها عشان يمشون : ابعدي ياجعلتس الماحي !
«فــي بيت ابو عبدالرحمن »
جيلان بطفش : مشاري خلهم تراني تعبت !
مشاري يتاملهم : واخخ ماشاءالله خلاص ودي اتزوج
جيلان : صدقني مارح يجون نقطة جمال ذول هههه
مشاري : ببلغ عليتس بقول انتس تتنمرين علي
جيلان شافت سعود يقوم مسكت راسها : مشاري لا لا اخ ياراسي !
مشاري انبسط: قام المزيون
جيلان تلحفت : اذا صاح مالي دخل !
مشاري: ماعليه
جيلان غمضت : نشوف
مشاري اخذه وقعد يلعبه : طالعه على عمه مزيون
جيلان: ابوك يالكذب
مشاري : مانمتي !!
بكت نايا ، جيلان : شفت !
مشاري: انتِ قلتي سعودي مو نايا !
يوسف دخل : وش فيها اميرتي ؟
مشاري: دز دز بس !
يوسف : اقول !
مشاري: رح قل هناك لا تقول فرق راسي هههه
جيلان: ياخي اناحي البزران ولا البزران الكبار !
« فــِي نادي الفروسيه »
فيه مسابقه والكل متوتر سليمان والود وام سليمان وحتى هي نفسها ، قصيد بتوتر : يمه خايفه !
تركي : ماعليتس انشاء الله انس تاهذين المركز الاول
قصيد بسخرية: لا بصراحه راح التوتر !
الود ؛ وش فيك على الرجال تراه يهديك !
قصيد مسكت كتوف الود : تعالي بدالي !
تركي يطالع الوقت : يالله ترا الوقت من صالحنا روحي تجهزي باقي ١٠ دقايق
قصيد توترت اكثر من قبل : يمه !!
ام سليمان حظنتها: اهدي خلي ثقتس باالله قويه وهزميهم
تركتها قصيد وارحت تستعد وبعد ماخلصت راح لـ خيلها : شوف حبيبي راح نفوز انشاء الله فاهم ! 
تركي : جاهزه ؟
قصيد هزت راسها بنعم وركبت على الخيل : بسم الله
ورحت الساحه وكان التوتر محل المكان ياكمله خايفه ومو قادره تخذل مدربها وخايفه من كثير اشياء ممكن تحصل يس لفت نظرها تريك الي قاعد يشجعها من بعيد ويقول لها تتمسك اذا نط الخيل حست ان التوتر بدا يتبخر ، ويدا قفز الحواجز وكانت واثقه بنفسها وبقدراتها وبدت تعرض بكل مهاره ، وبعد انتهاء دورها اخرجت وحظنتها الود : كنتي تجنني قسم !
سليمان: ايه والله
قصيد فكت نفسها منهم وجلست : احس للحسن التوتر ماراح!
تركي : يالله بعد اشوي عرض النتايج
قصيد ركضت : ياالله
الرجل : الفائز بـ المركز الثالث عمر الشريف
قصيد شدت على يدها بتوتر : يالله ! 
الرجال : الفائز بـ المركز الثاني سفانه ماجد
قصيد فقدت لامل : شكلي ماني
قاطعها صوت الرجال : الفائز بـ المركز الاول قصيد الفيصل
قصيد فز قلبها بفرحه : لا لا لا
تركي بفرح : مبروك !
قصيد حظنته بدون وعي منها ، شال يده من ظهرها : قصيد ! 
قصيد وعت على نفسها : اسفه اسفه ماحسيت بنفس
تركي وجهه انقلب : المداليه
قصيد ركضت تاخذ المداليه وقعدو يصورن .
« في قسم عبدالرحمن »
خلص دوامه ودخل للغرفه استغرب لانها المفروض الحين طالعه مع البنات ، حست فيه دخل غطت وجهها ماتبغاه يشوف دموعها ، حس فيها تبكي وجلس على السرير: كلميني !
هناي : بنام
عبدالرحمن سحبها يجلسها : كلمني وش صار ؟
هناي تحاول تصرف الموضوع: مافي شي بس راسي يعورني
عبدالرحمن بحنان : ولي راسه يعوره يبكي كل ذا البكاء ؟
هناي هنا انفجرت بكي ، اخذها لحظنه يحس قلبه يتقطع كل ماسمع شهقاتها
بعد ماهدت اشوي اخذت لها نومه ، دخلت جيلان : هنا
عبدالرحمن: اصص مارح تروح روحو انتو
جيلان : ليش وش فيها ؟
عبدالرحمن: مافيها شي تعبانه بس
جيلان حزنت : سلامتها
عبدالرحمن : الله يسلمس
جيلان : ترا نايا وسعودي عند مشاري
عبدالرحمن هز ارسه : طيب
جيلان طلعت ، لف عليها وتنهد من نطقت وهي نايمه اسم نجلاء واخذ جواله وبدا ينفذ خطته ، فزت من نومها : بسم الله
عبدالرحمن فز معها وبدا يمسح على ظهرها : بسم الله عليتس
هناي تبعد خصلات شعرها : وش تسوي ؟
عبدالرحمن غطى الجوال : شغل
هناي هزت راسها : بروح اشوف وين عيالي
عبدالرحمن سحبها : مع مشاري اجلسي بس
هناي شافت العود وتبغا تغير جو : اعزف الي
عبدالرحمن ببتسامه اخذ العود : انتي اعزفي
هناي : معرف
عبدالرحمن عطاها العود وجاء وراها يعلمها : كذا عطيني يدس
هناي تتامله وهو يعزف ، لاحظ ناظراتها وباس راسها بستلطاف  ، عبدالرحمن حط راسه في كتفها : يقولون اللي تحبّه تضمه بالعين
أنا بأي عين أضمك وأنت عيني ..!!
«فــي غرفة الجادل »
كانت تتجهز لطلعه الا توصلها رساله ان الطلعه تكنسلت : وش صار؟
محمد درعم : على وين
الجادل ببتسامه: اوه وينك مختفي بصراحه اشتقت لك
محمد حظنها : ناقصه حنان ندق على سليمان ؟
الجادل احمر وجهها ضربت يدها : عيب !!
محمد : امزح معتس !
الجادل كانت بتتكلم بس دق الجوال وكان سليمان ، محمد ببتسامه خبث اخذ جوالها قبل لا تاخذه : والله الطيب عند ذكره ههههه
الجادل وسعت عيونها بصدمه: حمود !!
محمد : هلا والله بنسيب
سليمان استغرب الصوت : محمدي !
محمد : اوه ليش داق على جوالي !!
سليمان: تصدق دقيت عشان مشتاق لك هههه
محمد بنذاله عطا الجادل الجوال : خذ مرتك تقول انه ولهانه حيل هههههه
الجادل وسعت عيونها: حمود لا تخليني اكب عفشك هاه !
محمد رفع يده بستسلام وطلع : لا لا استسلم
سليمان: الو !
الجادل زاد احمرار وجهها : هلا
سليمان ببتسامه: وش اخبارتس ؟
الجادل ضحكت: من الحين مجهز الهجه يعني !
سليمان: وش رايتس ؟
الجادل: يضحك قسمم هههههه
سليمان : لا تضحكين ترا بجي بيتك !
الجادل ضحكت: لا لا خلاص مارح اضحك
سليمان: لا انتِ ناويه علي الهلاك يعني !!
« فــي سيارة تركي »
جُند : والله ان توديني فاهم !!
تركي مسك راسه: جُند ترراني متاخر
جُند: تروك تقفى
تركي : خلاص ٩ وانتي في البيت
جُند تاشر على عيونها : من عيوني كم تركي عندي ؟
تركي : وين بيتها ؟
جُند طلعت جوالها : هاذا الموقع
تركي : تمام
جُند شافت انه مو تركي الي تعرفه وفي نص تفكيرها الا تصدم السياره : يمه!
تركي انفجع: بسم الله
نزلت بنت ووجهها مخطوف ، نزل تركي وشاف ان الصدمه خفيفه وطلع جواله : بدق على نجم
البنت يدها ترجف : يستحسن
تركي شاف رجفتها : الغلط علي اختي وانشاءالله بعوضك ادخلي السياره على مايجي
البنت ركبت سيارتها ورجع تركي وهو يشوف جُند تصوره وقال بروقان : شدعوه لهاذي الدرجه انا حلو
جُند ضحكت : ارسلتها للبنات يشوفون اخوي المودب
ركب السياره وماهي دقايق الا وصل نجم ، نجم لف للبنت : معك تامين ؟
البنت : ايه معي
نجم : بنكشف على السياره ونشوف كم المبلغ
تركي مسح وجهه : انشاءالله
نجم : رقمك
تركي : ٥٥******
نجم : حنا راح نكشف على السياره ونشوف كم المبلغ
تركي : ابشر
جات السطحه واخذت السياره وشاف البنت تدق ولا احد يرد : اقدر اوصلس
البنت باحراج : لا لا ماله داعي
جُند بطفش نزلت : وش قومك انت اخلص !
تركي : بنت !
جُند شافت البنت : اهلا اسفه مره على الي حصل
البنت : عادي ياقلبي انتِ
جُند : تعالي معنا نوصلتس
البنت : لا عادي
جُند : انتِ وش اسمك ؟
البنت بحياء: اسمي دُرر
جُند : اسمك حلو
دُرر : تسلمين
تركي : ماتكملون سوالف في السياره
جُند مسكت يدها : تعالي هاذا ازعجني !
دُرر استغربت الميانه ، ركبو. السياره وجلست جُند ورا مع دُرر ، تركي : لا والله انا سواق !
جُند : اخي العزيز بس سولف مع البنت
دُرر كتمت ضحكتها من غرابتهم وقالت بصوت منخفض : صادق اركبي معاه قدام عيب
تركي : شوفي البنت نقدت علينا !
« فــي بيت ام محمد»
ام محمد تكلم ام تركي : الا اقولتس وش رايتس نروح نكشت  ؟
ام تركي : والله فكره
ام محمد : زين
ام تركي : عاد متى ؟
ام محمد : اتوقع ذا لسبوع الخميس زين ؟
ام تركي : ايه ايه زين
ام محمد : عاد علميهم اكتبي في القروب
ام تركي : طيب بشوف
« فــي قروب " عائلة ال منصور "»
ام تركي : السلام عليكم
الجده غدير: وعليكم السلام
ابو عبدالرحمن: وعليكم السلام
ام تركي : عائلتي العزيزه قررت انا وام محمد نطلع كشته من معنا ؟
عبدالرحمن: افا نخليكم لحالكم اكيد معاكم
ام تركي تحب عبدالرحمن: والله كفو ولدي
جُند : ايه مره حلو
الجادل: طيب متى ؟
ام تركي: الخميس ذا
هناي : مره مناسب ماعندي محاضرات
« فــي الربع الخالي الساعه ١٢م»
جالس ومعه براد الشاهي وحاط خالد عبدالرحمن ، مايدري وين الله حاطه في العايله من الدوام للبر عند النياق ومتلثم من شدة البرد والناقه حاضنته : والله احلا قرار تصدق
نايف : يابن الحلال قروشني امس بغيت اطيح انا والطياره !
خالد يدخن : خله على ذا الشبهه مسوي شخصيه
نايف : شخصيه على نفسه ياحبيبي
خالد : خلاص عاد انت ابغاك تروق خلك منه وش صار على عرسك ؟
نايف : للحين ماشي زين بس لو انها ماتغير رايها في اخر لحظه كان
خالد : وش صار بعد ؟؟
نايف : تقول ابغاه بعد شهر واحنا متفقين ذا السبوع
خالد : يمكن عندها ظروف اصبر على البنت
نايف : يارجال طـ ، قاطعه فزت خالد
نايف خاف : يارجال وش فيك !
خالد ماسك رجله : عقرب
نايف : وين ؟
خالد يقاوم الالم : خلاص خلاص ترا تاخر الوقت نروح ؟
نايف صار يشيل لاغراض بعشوائية: تبغى المستشفى ؟
خالد : لا لا
نايف وسع عيونه : من جدك والله ان تروح !
خالد ركب السياره: يابن الحلال مايحتاج متعود !
نايف : اركب اركب بس ويصير خير
« فــي غرفة جُند و ضي »
جُند تكلم : والله انها سوت كذا قهرتني قسم
قصيد : وش سوت حسافه غبت !
جُند بحماس : والله فاتس تدرين دارين ذيك انفصلت بسبب ذي الهوشه
قصيد بفرح : اخيرآ كان ودي بردت خاطري المديره
جُند تذكرت وش صار اليوم : تدرين الغبي تركي صدم بنت مسكين واخذت حسابها انستا والله انها عسل
قصيد اختفت ابتسمتها من تذكرت حظنهم : ايه ؟
جُند : اسمها دُرر ياحلوها
قصيد بتسليك: مشاالله
جُند عدلت جلستها: وش فيتس احس فيتس شي ؟
قصيد بتوتر : لا مافي شي بس جاني النوم
جُند : يالله مع السلامه تعالي بكره فاهمه لا اشوفتس غايبه !
قصيد ضحكت : يوه اكيد وش ذا التهديد القوي ههههه
جُند ضحكت : يالله اشوفتس بكره
قصيد : يالله باي
دخلت ضي : وجدوه تعالي ساعديني
جُند : وش ذا الورد كله !!
ضي : طلبيه الباقه كبيره فيها وابتلشت حرفيآ
جُند عرفت انها راح تكرفها: انا بنام
ضي : جُنوده !
جُند : بكره عندي مدرسه والوقت متاخر اسفه اختي العزيزه
-.-.-.-.-.-.-.-.-.-.-.-.-.-.-.-.-.-
عطوني رايكم في البارت ، لا تنسون النجمه 🌟