“တော်တော်ကို ကြောက်ဖို့ကောင်းတာပဲ”
ယန့်ရှီတစ်ယောက် တံတွေးကို ဂလုခနဲ မျိုချလိုက်ပြီး တုန်လှုပ်စွာ ရေရွတ်လိုက်ပါတော့တယ်။
“ဘာဖြစ်လို့လဲ”
ချင်းကျူလည်း အံ့ဩသွားပါတော့တယ်။ သူက ဘာဖြစ်လို့ ဘာမှ မခံစားမိတာလဲ။
“သမီးလည်း သေချာတော့ မသိဘူး။ ဒါပေမဲ့ ကြောက်ရွံ့ဖို့ကောင်းတဲ့ ခံစားချက်ကိုတော့ သမီးခံစားမိနေတယ်”
ယန့်ရှီလည်း ကိုယ်လေးကို ကျုံ့လိုက်ပြီး ချင်းကျူရဲ့ လက်မောင်းထဲ မျက်နှာကို ဖွက်ထားလိုက်ပါပြီ။ ဒါပေမဲ့ သူမ ချောင်းကြည့်နေတာကြောင့် မျက်လုံးနှစ်လုံးကတော့ ပေါ်နေပါသေးတယ်။ အခုတော့ သူမရဲ့ လက်ဝါးနှစ်ဖက်နဲ့ မျက်လုံးကိုပါ အုပ်လိုက်ပါပြီ။
“ထူးဆန်းတယ်”
ချင်းကျူလည်း ဘာဖြစ်လို့ ဖြစ်မှန်းမသိ ဖြစ်နေခဲ့ပါတယ်။
သူက အလွန်ကို အစွမ်းထက်နေတာကြောင့် အန္တရာယ်အငွေ့အသက်ကို မရရှိတာပဲလား။
ပြန်စဉ်းစားကြည့်တော့လည်း ဖြစ်နိုင်ပါတယ်လေ။
သူ့အတွက်ကတော့ ဘယ်လို ရန်သူမျိုးပဲ ဖြစ်ပါစေ ယင်ကောင်တစ်ကောင်လိုပဲ မသိသာတော့ပါဘူး။ ဒါကြောင့် အန္တရာယ်အငွေ့အသက်ကို သူ့အနေနဲ့ ဘယ်လိုလုပ်ပြီး ခံစားမိမှာလဲ။
ပြီးတော့ သူ့ရဲ့ မူလကိုယ်ပွားကလည်း ဘိုးဘေးသူတော်စင်တစ်ဦးလို အစွမ်းထက်နေပါပြီ။ ကိုယ်ပွားအနေနဲ့လည်း ဘာအန္တရာယ်အငွေ့အသက်ကိုမှ မရရှိခဲ့ပါဘူး။
ယန့်ရှီကတော့ ဇီဖူအလယ်အဆင့်ကိုသာ ရောက်ပါသေးတယ်။ ဒါကြောင့် သူမက ကွဲပြားနေတာပါ။
လှိုဏ်ဂူထဲ ဝင်ရောက်လာချိန်မှာတော့ အပူချိန်ဟာ ရုတ်ချည်း ကျဆင်းသွားတာ တွေ့လိုက်ရပါတော့တယ်။ တကယ်လို့ သာမန်လူတစ်ဦးသာဆိုရင် နေရာမှာတင် သွေးခဲသေဆုံးသွားမှာပါ။ ဒါပေမဲ့ ရွှေရောင်အလင်းကြောင့် အအေးဓာတ်ဟာ လျှင်မြန်စွာ လွင့်ပြယ်သွားခဲ့ပြီး လှိုဏ်ဂူတစ်ခုလုံး နွေးထွေးနေပါတော့တယ်။
“ဒီအမှတ်အသားတွေက..”
ဘယ်ဘက် ကျောက်နံရံအရှေ့မှာ ချင်းကျူရပ်ရင်းကြည့်နေမိခဲ့ပါတယ်။ ဒီနေရာမှာ ထူးဆန်းတဲ့ သင်္ကေတ အမျိုးမျိုးကို ထွင်းထုထားတယ် မဟုတ်လား။ ဒီသင်္ကေတတွေဟာ လှိုဏ်ဂူရဲ့ နံရံတော်တော်များများကို နေရာယူထားသလို ရှုပ်ထွေးနက်နဲပြီး သာမန်မှော်သင်္ကေတတွေနဲ့ မတူပဲ ကွဲပြားနေခဲ့ပါတယ်။
YOU ARE READING
တာအိုခဲတံ ( အပူအပင်မဲ့ အင်မော်တယ် ) (ချင်းကျူ) ( စ / ဆုံး )
Adventureedited April 18/2022 ၀တ္ထုလေးနဲ့ #တာအိုရေစက် ဆုံခဲ့တော့ review လေး တစ်ခုကို ဘာသာပြန် ရေးပေးလိုက်ပါတယ်ဗျ။ မူရင်း၀တ္ထုအောက်မှာ ပရိတ်သတ်တစ်ယောက် English လို ရေးထားတဲ့ review လေးပါ။ အပူအပင်မဲ့ အင်မော်တယ် ၀တ္ထုက အမျိုးမျိုးသော ရှန်းရှ သိုင်းလောကရဲ့ esse...
Book 18 Ch 1 - 7
Start from the beginning
