هلا بيكم بالبارت الاول
من حب گلبي.
من هسة موعد نزول البارتات
كل اسبوع يوم السبت بارت واحد.
تنبيه : القصة لاتمد للواقع بصلة
واحداث واقعية قليلة يلي تنذكر من ضمن
الاحداث الي وقعت بنهاية الحرب وتفاصيلها
اغلبها من خيالي الخاص.
واذا تردون معلومات وتفاصيل اكثر واقعية ودقة
عن الحرب فشوفوا فيديوهات الشرح باليوتيوب يلي تسرد
تفاصيل الحرب الواقعية.
......
مطلع سنة 1986
بعد مرور خمس سنوات من لحظة اشتعال شرارة
حرب الخليج الاولة، بين العراق وايران،
والي استمرت لثمان سنوات كاملة.
اطول حرب عربية وقعت بين الدول العربية الشقيقة
وانطبعت احداثها بالتاريخ بدون ماتنسي.
داخل مقر البصرة، وگف بطوله الفارع وضخامة جسمه المليان بالعضلات بشكل مبالغ بيه خلاه يتميز بشكل واضح بين افراد الجيش وسهل ملاحظته بسبب جسمه وطوله لانه ماله اي شبيه من بينهم وهو يعتبر اضخمهم.
چان واگف قابض على جگارته بين شفايفه يراجع وية اخوه خطة طلعتهم لشبه جزيرة الفاو.
شارحله الي لازم يسويه بعد ما اجاهم امر مباشر من الرئاسة بدز فريق خاص لهناك يرافق السفن النفطية • نفس ماگلتلك سجاد تاخذ وياك الفين جندي مشاة وميتين دبابة وراح ترافقكم مية وخمسين طيارة حربية، تطلع منا على المثنى بعدين تسدارون لمنطقة الفاو وشط العرب محملين وياكم تريلات النفط مهمتكم تسلمون النفط بايد السفن الامريكية والفرنسية بالخليج العربي!، وتأمنون المنطقة من الهجمات الايرانية!.•
• دكافي عقاب لخاطر الله فهمت، خمسمية مرة عدتلي هالاسطوانة!.• بملل صابه رد سجاد على اخوه الچبير الي عض باطن خده حاد عيونه عليه، ويلي چانت بلون ازرگ فاتح ينبهه للمرة المليون • اني داعيد واصقل بيك حتى تنتبه! كل مرة تطلع تشكيلة سفن نفط عراقية بالخليج العربي، ايران تهاجمها وتدمرها اقل غلط يصير هالمرة رگبنا تطير بيه.•
• ادري ادري ترة ما منضم للحرب هستوني!، ادري الاقتصاد تعبان ولازم نحافظ على تصدير النفط مقابل الاسحلة ونعوض الفلوس المدينونيين بيها!، واذا صارت مشكلة انكتل بس كافي وربك حفظت الحچي هاهية.• بضيگة خلق رد سجاد وطگت روحه من يوم طلع اسم عمود يقود هالمهمة يلي متأكدين اثنينهم انه ابوهم الجنرال هو يلي حشره بيها وعقاب گاعد يعلمه شنو المفروض يسوي.
YOU ARE READING
1980
Romanceحِبني ماضل وكت هذا الوطن بي حرب . مثلية عراقية +18، عامية، تحتوي الفاظ جريئة وصريحة عامياً، مشاهد حربية ومشاهد تعنيف.
