بين نيران الحب

الجزء الاول

كمت من فراشي غسلت و بدلت و فتت للمطبخ جانت امي واكفه تنضف

رحت سويت ريوك كعدت اخوي علي

نيران : علي علي كوم يلا كافي نوم

علي : ما اكوم طفي الضوه وسدي الباب

نيران : ولككك علييييي

علي : راح اخلي امي تجي تكسر راسج

نيران : والله خخوش يتهدد
فاتت امي

- شبيكم من الصبح

علي : يمه ما تخليني انام

نيران : ولك زعطوط هس توك خامس ابتدائي و جاي تتحكم براسي كوم عاد

- انتِ انجبي و روحي للمطبخ تعالي ساعديني اذا بيج خير

نيران : سكتت طلعت و سديت الباب رحت تريكت وحدي و كمت شلت الصينيه خليتها ع السنكي رحت ارتب بل صاله و غرفه ماما و بابا و طلعت للحمام نصفته وغسلت الملابس طلعت برا جان ابوي جايب حبل يشد للملابس التفت عليه و ضحك

- عرفت راح تحتاجينه هاي سويته الج يابه شوفي

- نيران : عاشت ايدك يابه  خخوش حبل

- يلا راح اروح تحتاجون شي

نيران : سلامتك يابه
راح و كمت شريت الملابس و فتت جوه جان البيت كله يلمع بس غرفتي لان الاستاذ نايم ما اكدر انضف كعد علي و فتت الغرفه

طلعت كل غراضي و ارتب بيهن كلهن و مسحت ميز الكراسي و خليت الكتب و نضفت كل الورق الي ما اريدها حركتها و كلشي رتبت الجربايه امي صاحتني ع الغده

اتغديت و غسلت المواعين و كمت صليت ونمت
كعدت العصر كمت غسلت و صليت و اخذت كتبي بل حديقه كعدت

طلعت القصائد ادرسهن و الايات القرانيه و درست شويه صار المغرب كمت سويت عشه ويا امي و تعشينه ابوي طلع وامي كعدت ع التفزيون واني و علاوي نلعب ورق

مليت و كمت نمت تعبت

استمرينا علئ نفس الروتين اجه يوم الاحد و ابوي نقلني ع المدرسه الجديده

كعدت الصبح نشيطه غسلت و بدلت اخذت جنطتي و ابوي كال اني اوصلج كلتله تمام

طلعنا اني و ابوي امشي احس روحي استحي الناس كلها تباوع واني خاتله ورا ابوي من الخوف مدري ليش اخاف

وقلق طلعنا و فتت للمدرسه ابوي فات للاداره واني وكفت برا شويه و ابوي طلع رجع للبيت واجت مدرسه اخذتني للصف فاتت و الطالبات كلهن وكفن

- استريحُ بنات استريحُ
بنات هاي طالبه جديده شنو اسمج ماما

نيران : اديه ايد بإيد و راسي منزلته
ءء اسمي نيران نيران

- ها اي بنات هاي نيران طالبه جديده روحي ماما كعدي بمكان بين ما تتعرفين علئ الطالبات

نيران : رحت كعدت اخر رحله درس ورا درس و احسه صعب شرحهم يختلف ما افتهم عليهم