حوريتي

part 24

شهم : اففففف الحمدلله وهيه شونها

دكتوره : زينه بس لازم تعوض الدم يلي خسرته هيه حامل حملها حتى ما ثابت بعدهي ب شهر الاول لازم تتغذا شربوها حليب وعصاير فيتامينات راح اكتبلها علاجات وسولها معلاك اهم شي وبذن الله صير احسن هسه هيه نايمه تكمل مغذي و تكدرون تطلعوها وهاي صور الطفل يمكن اول سونار

شهم : ماشي شكرا دكتوره ،
ضليت اباوعلهن ودنيه ما واسعه بعيوني جنه حبه فستقه

ابو شهم : الف مبروك بويه هاي مرتك بخير هيه وطفل

ام شهم : ع خير ان شاءلله

شهم : ان شاءلله ،
طبيت للغرفه لكيتها نايمه وجها احمر والعيون مورمه كعدت يمها ولزمت ايدها ضليت منتظرها اباوعلها

حور : حسيت بدوخه براسي فتحت عيوني بتعب لكيت روحي ب مستشفى سمعت صوته كبل درت على جه الصوت

شهم : كعدتي بنيتي

حور : جان لازم ايدي وخرت ايدي بسرعه ولزمت بطني وجع خفيف ضليت ابجي  ،
اااا ااالطفل صار شي هوه موجود

شهم : كافي بجي زين زين بس خطر شوي صيري زينه ونحجي

حور : وخر مني وين عمه و عمو ما اريد اشوفك

شهم : مو بكيفج فاهمه

حور : تصدك شي الكتروني وانت تعرف غسان وتعرف شيريد تعرف نذالته

شهم : كافففي انعمه على عيوني من شفته حاضنج وانتي بره

حور : شوف كامرات بيتكم ولا تجيني بعد

شهم : عندي تصاوير بس مشفهن

حور : ميهمني ،
ردت اكوم عاط بيه .

شهم : ضلللللي ..

حور : انتبهت الابره يلي بيدي ،
هههااي شنووووو

شهم : هيه تخاف من دم والابر سريع لزمت ايدها ،
اششششش شوفي

حور : شش...ششنووو وخرها الله يخليك

شهم : شوفي سونار اول صوره الابنه

حور : احذته منه حرفيا الدنيا ما واسعتني من فرحه ،
فستقايتي الحمدلله بخيررر انت وضليت وياي مثل ما تفقنه

شهم : ضليت اباوعلها ،
يعني من تحجين وحدج هاي ويا تحجين مو

حور : مدخلك ،
درت وجهي جها ثانيه وضليت اباوع بصوره ولازمه بطني

شهم : استغفر الله صبرك يا ربي

حور : يمكن غفيت و ما حسيت بنفسي لان تعبت حيل وما الي خلك شي كلش بسببه جنت راح اخسر ابني

شهم : شفتها نامت مغذي خلص رحت كتلهم اجت بنيه شلته اباوعلها عقجت حواجبها اخذت صوره خليتها بجيبي و شلتها بهدواء صعدتها ب سياره خليتها على رجلين امي و توجهنه للبيت اول ما وصلنه تلكونه ،
بويه لا يطلعون صوت هسه اجي واتفاهم وياهم