SHIPS

YOU ARE READING

Fanfiction

| SKZ's real life ver; but just for entertainment only | -written in Burmese -collaborate with Dannik_tj

#boylove #fanfic #gay #hyunlix #minsung #myanmar #romance #skz

part 4(z+u)

Start from the beginning

by shanemann622

ရုတ်တရက်ခေါင်းပေါ်ရောက်လာတဲ့အဝတ်တစ်ထည်နဲ့ အဝတ်ပေါ်ကလက်ချောင်းသေးသေးလေးရဲ့အထိအတွေ့တွေကြောင့် Hyunjin ရဲ့တစ်ကိုယ်လုံးတောင့်တင်းသွားရသည်။ စားသောက်နေကြသည့် member များကထိုနှစ်ယောက်ကိုအာရုံမစိုက်ပေမယ့် Changbin ကတော့ တောင့်တောင့်ကြီးနဲ့ခေါင်းငုံ့ကာမျက်နှာရဲနေသည့် Hyunjin ကိုကြည့်၍မသိမသာခိုးပြုံးလိုက်မိသည်။

သူတို့စားသောက်ပြီးစီးသွားသောအခါ Changbin နဲ့ Hyunjin ကပန်းကန်ဆေးတာဝန်ယူပြီး Lee Know ကအရံဟင်းတွေကိုရေခဲသေတ္တာထဲပြန်ထည့်ကာ စားပွဲကိုသန့်ရှင်းရေးလုပ်နေသည်။ထိုအချိန် တံခါးဖွင့်သံကြားလာရပြီး Lee Know မျက်လုံးတွေက တံခါးဝသို့ချက်ချင်းရောက်သွားသည်။

" Hyung တစ်ယောက်တည်းပြန်လာတာလား "

တစ်စုံတစ်ခုကိုရှာဖွေသောမျက်လုံးများဖြင့် Chan၏နောက်ဘက်သို့ကြည့်ရင်း မေးလိုက်သော်လည်း chanက lee knowရဲ့အမေးကိုချက်ချင်းပြန်မဖြေပါ။သူကပင်ပန်းနေပုံရတဲ့မျက်နှာနဲ့ အိတ်တစ်လုံးကိုင်ကာ အိမ်ထဲဝင်လာပြီး ရေခဲသေတ္တာနားသို့လျှောက်သွားသည်။ Lee Know ကသူ့အမေးကိုပြန်မဖြေသည့် Chan ကိုလိုက်ကြည့်နေပြီး အဖြေကိုစောင့်ဆိုင်းနေသည်။ Chan ရေသေတ္တာကိုဟိုကြည့်ဒီကြည့်လုပ်ပြီးနောက် ပြန်ပိတ်လိုက်ကာ စားပွဲပေါ်ရှိရေခရားထဲကရေကိုအပြည့်ငှဲ့ပြီး တကျိုက်တည်းမော့သောက်လိုက်သည်။သူရေအဝသောက်ပြီးနောက် မျက်လုံးတစ်စုံကသူ့ကိုစူးစိုက်ကြည့်နေတယ်လို့ခံစားနေရတာကြောင့် သူ့ခေါင်းကိုစောင်းငဲ့ကာ ပြန်ဖြေလိုက်၏။

" အင်း ဟုတ်တယ် Hannie က သူအကလေ့ကျင့်မလို့ဆိုပြီးကျန်ခဲ့တာ မနက်ဖြန်ကျရင် မင်းဆီကထပ်အဆူမခံချင်ဘူးတဲ့လေ "

Chan ရဲ့ပိုပိုသာသာအပြောကြောင့် Lee Know ကမျက်နှာပျက်သွားကာ နာရီကိုလည်းပြန်ကြည့်လိုက်သည်။ အချိန်က ၁၂နာရီကျော်နေပြီ မနက်ကျရင်လည်း schedule နှစ်ခုကရှိနေသေးသည်။ နာရီကိုကြည့်ရင်း တစ်ခုခုတွေးနေပုံရတဲ့ Lee Know ရဲ့မျက်နှာကြောင့် Chan ကမသိမသာပြုံးလိုက်ရင်း

" ပြီးတော့ သူဘာမှစားရသေးတာလဲမဟုတ်ဘူးကွ ဗိုက်ဆာနေတာကိုခေါင်းမာပြီးဆက်ကနေသေးတာ ပြန်ဖို့ကိုခေါ်မရဘူး။မင်းသိတဲ့အတိုင်းHannieကခေါင်းမာတယ်လေ။ အဲ့ဒါကြောင့် ငါကွက်ကီးတစ်ထုတ်နဲ့ရေဘူးပေးပြီးထားခဲ့ရတယ် "