ဒေါ်မေမီစကားကြောင့် ချမ်း ကိုင်လက်စ ဇွန်းလေးရပ်တန့်သွားရသလို ဒါလီလည်း ရေသောက်နေရင်း မျက်လုံးလေးပြူးသည်။
နှစ်ယောက်လုံး လန့်သွားသည်မဟုတ်လား။ဦးဖုန်းက ဒေါ်မေမီစကားကြောင့်.....
"မမီပြောသလိုလည်း မဆိုးပါဘူး..ချိူနဲ့သမီး သဘောကရော"
ဦးဖုန်းမြင့်က အစကတည်းက ကလေးနှစ်ယောက်ကိုသဘောတူပြီးသားမို့ ထွေထွေထူးထူးငြင်းစရာမရှိပေ။လောဘနည်းပုံပေါ်သည့် သမက်လောင်းလေး ပုံစုံကိုသိပ်သဘောမတွေ့ပေမဲ့ မြတ်ကုဋေ မိသားစုရဲ့ ကြွယ်ဝချမ်းသာမှုတွေက ငြင်းလောက်စရာမရှိပေ။
"ချိူ့သဘောကတော့..အကိုသဘောပါပဲ..သမီးလေးကရော"
အားလုံး ဒါလီ့ထံအာရုံစိုက်လာကြသည်။
"သမီးကတော့လေ..အချိန်တန်လက်ထပ်ရမှာပဲဆိုတော့..ခုအချိန်လေးတော့ လွတ်လွတ်လပ်နေချင်သေးတယ်....စေ့စပ်ထားဖို့က စောလွန်းသေးတယ်လို့ ထင်တယ်....နော်...ချမ်း"
ပြောပြီး ချမ်း ဘက်ကိုပါတပ်ကူလှည့်ခေါ်သည်။ချမ်းက ဒါလီ့စကားကိုခေါင်းလေးငြိမ့်ထောက်ခံရင်း...
"ဟုတ်တယ်..ကျွန်တော် တို့ အသက်ကလည်း ငယ်လွန်းသေးတယ်...ပြီးတော့..ကျွန်တော်က ကိုယ်ပိုင်အလုပ်လေးတစ်ခုခုရှိမှ လက်ထပ်ချင်တယ်...ဒီကြားထဲ ဒါလီနဲ့ကျွန်တော် အဆင်ပြေနေရင်ပြီးတာပါပဲ"
နှစ်ယောက်လုံးက တက်ညီလက်ညီ အစီအစဉ်တကျ ပြောလိုက်တော့ လူကြီးတွေ ခဏတော့ငြိမ်သက်သွားသည်။ဒါလီက "အလုပ်ဖြစ်သားပဲ"ဟူသောသဘောဖြင့် ချမ်း ကို မျက်ခုံးလေးပင့်ပြသည်။ချမ်းကလည်း လက်မလေး မသိမသာပြန်ထောင်ပြသည်။
"အင်း...သားတို့သမီးတို့ သဘောကအဲလိုဆိုတော့ ကျောင်းပြီးမှပဲ မဂ်လာပွဲနဲ့ပတ်သက်ပြီး အေးဆေးစဉ်းစားကြမလား..ကလေးတွေကလည်း သူတို့ရည်မှန်းချက်လေးတွေ၊စိတ်ကူးလေးတွေ အကောင်အထည်ဖော်ချင်ကြအုံးမှာပဲ"
ဒေါ်နွေးနွေးချိူက ကလေးတွေကိုစာနာ နားလည်စွာ ပြောသည်။
"ဟုတ်သားပဲ...ကလေးတွေ ငယ်ပါသေးတယ်ကွာ...လွတ်လွတ်လပ်နေကြပါစေအုံး"
YOU ARE READING
Falling In Love With My Husband.
RomanceSeason 1 သာမာန် လူလတ်တန်းစား မိသားစုက တက်ကြွကာ အလုပ်ကြိုးစားသော ခပ်ချောချော လူဆိုးကောင်လေး နေမင်းတာရာ မျိူးရိုးမြင့် မိသားစုကြီးမှ အနေ အေးဆေးတည်ငြိမ်ကာ နူးညံ့လှပသော ကောင်လေး ချမ်း ဆယ်ကျော်သက်အရွယ်တွင် အချစ်ကိုရုးမိုက်စွာ ကိုးကွယ်ကာ နှစ်ယောက်တစ်ဘဝတည...
အခန်း 18
Start from the beginning