خويه كان جالس ونطق برعُب : جاسر انتبه ،
جاسر كان لابس السماعات ونطق : غروررر ،
الدكاتره اخذو غرور لداخل و لابسين السماعات يكلمون جاسر ونطقوا : she is okay don't worry ، بمعنى انها بخير لا تقلق، جاسر اخذ نفس وهو خايف : نرجع ي سراج ،
سراج خويه وهز راسه : اي خلنا نرجع بس بشويش استهدي بالله و اذكر ربك ،
-
= ملكة شوق & تركي ، و نايف & اريج =
-
ام فيصل ابتسمت وهي تضم نايف : ياروحي الي صار عريس ،
نايف ابتسم وقرب حضنها وبعد عنها ونطق : الله يخليكِ لي،
توجه لهم فيصل شايل وفاء ونطق : بالله يمه خذيها ،
ام فيصل اخذتها منه وابتسمت : فوفو وشفيكِ تبكين؟
نايف التفت على فيصل : شماغي كذا زين؟
فيصل : اي زين روح انزل شف وصلوا اهل زوجتك ،
نايف ابتسم بخفه ومشى طلع نزل تحت يشوف ناهل واقف سنه كامل كان يعالج كان مشلول و صار افضل من قبل ويقدر يمشي كان واقف مع غازي والعُمال يفرشون السجاده الاحمر و يرتبون الكراسي والفرقة وصلوا يطبلون و يغنون سامري ،
والضيوف بداو يوصلون ، وصل تركي وهو لابس بشت و ابوه جنبه لابس بشت بني ، توجه لهم ناهل يسلم ولابس بشت اسود، نايف ابتسم ومشى يسلم على تركي : ياهلا ،
تركي : اهلين وين البشت؟
نايف : والله اعرف اني راح انكرف ف راح البس وقت العرس ،
طلع سلمان وهو شايل فراس الي يبكي ولابس ثوب ،
تركي فز بخوف انه يطيح ومشى اخذه منه يبوسه : ي بابا طالع فيني ، فراس كان يبكي تركي ابتسم بخفه يبوسه ،
-
حور و شوق وعنود كانوا في الغرفه يتمكيجون ،
وهتان و وفاء يلعبون على الارض دخلت هنوف وهي ماسكه يد زياد وشايله ارياف ونطقت : هاااي بنات ،
البنات شهقوا و التفتوا : هنوف!!
هنوف بضحكه : اي انا ياروحي انتم وقربت تسلم عليهم ،
هتان ركض عند زياد وهو يضحك زياد كان يطالع باستغراب ،
هنوف حطت عبايتها وهي تعدل شعرها التفتت تشوف ارياف تبكي قربت تشيلها تسكتها و تحضن البنات ،
-
عبدالعزيز وقف بعيد وهو يناظر بعد ما سلم على الكل ،
نايف كان يطالع فيه وتوجه يسحب الكرسي ويجلس بصمت ،
عبدالعزيز طلع جواله من جيبه يشغل نفسه ولا يبي يكلمه ،
نزل لهم فيصل يسلم على الكل ومشى عند عبدالعزيز يسلم ،
عبدالعزيز ابتسم : ي اهلين كيفك كيف صحتك؟
فيصل : والله بخير الحمدلله ، والتفتوا يشوفون مشاري وتوجه يصافحهم عبدالعزيز ابتسم من عرف انه زوج ترف ،
نايف رفع نظره يطالع فيه و ابتسم له بخفه ،
فيصل ناظر ل عبدالعزيز : انهي الزعل يرحم اهلك ،
عبدالعزيز : ماني زعلان ،
فيصل : عارف والله انك زعلان يخي يكفي والله ،
نايف مشى وقف عند تركي يسولف معه وتركي ماسك فراس ،
-
اريج ابتسمت وهي جالسه و ام فيصل تسولف معها و توريها صور نايف وهي منحرجه رفعت نظرها تشوف دخلت ام راكان ونطقت : السلام عليكم ، ومشت تسلم عليها عرفتها ولانه ابو سطام قال انه يعزم كل اصحابها و زوجاتهم ،
وتركي عزم ابو ريهام لانه يعرفه و دايم يجيه السوبر ماركت ،
و ريهام و امها حضروا من طرف تركي كانوا جالسين كلهم ،
ام راكان رفعت نظرها تشوف ريهام ومشت عندها تسلم على ام غيث وابتسمت : ما شاء الله هذي بنتك؟
ام غيث هزت راسها بالايجاب : اي بنتي ،
ام راكان ابتسمت باعجاب : الله يحفظها لك كم عمرها ؟
ام غيث ابتسمت تعلمها كل شي ويسولفون ،
ام راكان سكتت وهي تطالع بـ ريهام والتفتت لـ اريج الي لابسه فستان وكعب وهمست لها : جيت ادور عروسه ل راكان ،
اريج بضحكه : على بركه ي خالتي ،
-
العيال كلهم كانوا واقفين و زحمه ما بقى احد ما حضر ،
الملكه كان بسيط في الخارج عند القصر و سجاده احمر وكراسي والفرقه يطبلون و يغنون سامري والكل يغنون معاهم و يرفعون يدهم يعرضون والي واقفين والي يستعدون للعرضه،
يا بعد حيي والأجدادي
ارحم اللي صابتة علة
ارحم اللي صابتة علة ،
تركي كان مبتسم واقف جنب نايف ، توجه عبدالعزيز يوقف جنب نايف بعد معاناة من فيصل الي يراضيه عن نايف و دق كتفه ب كتف نايف ونطق : كيفك؟
نايف عقد حواجبه وناظر فيه : نقول طاح الحطب؟
عبدالعزيز هز راسه وقرب حضنه : طاح والله ،
فيصل ابتسم وهو يشوفهم ونطق : يلا الحين نبغى سامري يلا ادخلوا معاهم و تجمعوا مع الشياب وكل الحاضرين يرفعون يدهم و يغنون مع الفرقة ،
لو ذبحني يا عوض عادي
من يحاسب يا عوض خلة
من يحاسب ياعوض خلة
يا عوض هو غايت مرادي
يا تبسم والشعر فلة
يا تبسم والشعر فلة
-
ترف ابتسمت تجلس جنب اريج تسولف معها ، نزلوا البنات حور و شوق و هنوف وعنود وتوجهوا يسلمون على الكل و يشغلون اغاني ومبسوطين وسوالفهم وصراخ عيال و ريحة البخور والقهوة والهيل وصوت الاغاني مع صياح الاطفال.
ترف بضحكه : عمتي هنادي شوفي سارونه تضرب زيود ،
هنادي رفعت نظرها : ياويلي من هالبنت تذبح الكل وترتاح ،
ساره كانت ماسكه الريموت تضربهم وهم يبكون ،
هنادي مشت شالتها وطلعت برا تاخذها الغرفه ابتسمت تشوف ناهل مشت لعنده : شف بنتك ما تركت احد ما ضربتها ،
ناهل بضحكه : والله ي سارونه انك شيطانه ، ورفعها يبوسها ،
هنادي ناظرت ل سلمان الي ركض لهم و جبهته احمر ،
هنادي : شف شسوت ب سلمان.
ناهل ناظر بصدمه والتفت على ساره : هذي مو ادميه والله ،
ومد يده لسلمان: تعال ي بابا تعال وقرب يبوس جبينه ،
هنادي ابتسمت تناظر فيه،
-
حور كانت بغرفتها تنوم وفاء و دخلت هنوف ماسكه ارياف ونطقت : اوف تعبت من الكعب ،
حور : شوق راحت ؟
هنوف : لا وين باقي بعد شوي تروح اعتقد بس تركي ما يدخل؟
حور هزت راسها بالنفي : لا والله ما يدخل قال ،
دخلت شوق وهمست : بنات والله ما ودي اترككم و اروح ،
هنوف بضحكه : ياخذك الحين؟
شوق : اي خلاص انتم وين رحتوا وصل الشيخ و وقعت و اريج وقعت بعد باقي يدخل نايف يشوفها الحقوا ،
حور فزت و ركضت تطلع و هنوف لحقتها ، شوق ضحكت تشوفهم و لبست عبايتها واخذت نفس بتوتر ،
-
تركي كان جالس بسيارته وماسك فراس و رفع نظره من توجه لهم فيصل وهو ماسك يد شوق ونزل تركي من سيارته و ابتسم بهدوء يفتح الباب ل شوق ونطق قبل ينطق فيصل : لا توصيني عليها احطها بعيوني ام فراس ،
فيصل ابتسم وهز راسه وقرب تركي يحضنه ،
شوق ركبت وناظرت فراس جالس في مقعد تركي مدت يدها تشيله و تحطه بحضنها ، تركي فتح الباب و ركب وهو يحط بشته على المقعد ورا و يحرك سيارته وهو ساكت وهي ساكته و فراس يلعب ويصارخ تركي التفت بهدوء : تاكلين شيء؟
شوق هزت راسها بالنفي : مو بخاطري ،
تركي هز راسه وهو يوقف سيارته عند البيت وقرب يشيل عنها فراس ونزلت شوق و توجهوا يدخلون داخل البيت ،
دخلوا الغرفه تركي كان شايل فراس و شغل الضوء ، شوق رفعت نظرها تشوف سرير الاطفال و اللعاب و دولاب صغير ل ملابس فراس تركي التفت عليها : ابوي سوا له كل شيء ،
شوق ابتسمت بخفه تركي حط فراس على سريره و حط يده بجيوبه يطالع فيها : اوعدك اخليكِ تنسين الماضي كله و نبني حياة افضل مع فراس و اصير له الاب والعم وكل شي بحياته ..وسكت لثواني وكمل : واصير لك الزوج والصديق وكل الي تبينه وما تلقين مني الضر ولا تلقين مني السوء باذن الله ،
-
نايف كان جالس جنب اريج و ام فيصل تمد له العقد ،
نايف اخذ منها العقد ومد يده يقرب يلبسها ل اريج بتوتر ،
اريج نزلت راسها وهي متوتره نايف لبسها العقد وبعد عنها ،
ترف كانت واقفه تناظر مع البنات والتفتت من رن جوالها و ردت : هلا يا حبيبي ،
مشاري : انتظرك نمشي ولا بعد تبين تجلسين؟
ترف ابتسمت : لا خلاص نمشي ،
-
جاسر ابتسم وهو يوقف و لابس بدلته والكاب على راسه طلعت الممرضه ومشت مدت له البنت ابتسم وهو يشوفها و مد يده ياخذها بحضنه ويناظر فيها ونزل الكاب من راسه يحطه ويجلس ويناظر ب امواج الي نايمه و رفع نظره ل خويه الي واقف : والله المغروره ما جت الا في السماء ،
سراج قرب يطالع فيها : يازينها ما شاء الله وش تسميها؟
جاسر رفع نظره : امواج بنت جاسر ،
سراج : والله امواج بنت الكابتن مين قدها وولادتها في السماء ،
-
