ولاني متعاركة وياه ما رديت تقربت للكنتور اخذت فراشي وفرشتة بالكاع
جان هو يصلي وانا تعبانة ومالي خلك ضهري وبطني موتني من الالم وزادها كلام جميلة خرطت العافية بية
حجة::- زهرة شبيج اكو شي يوجعج بوية
غمضت عيوني يوجعني كلبي من حنيتة حنين حيل حنين وانا ما اريدن ازاعلة
بجيت وكمت اركض تعلكت بركبتة ابجي واناشغ تجمد بمكانة حمحم ورفع ايدة خلاها ع راسي يمسح عليها برفق::- ها بوية منو المكدرج مالج ترجفين شبيج هدي بوية هدي
شدتت ع ركبتة هو بدورة اخذني كلي لحظنة بحيث هو كاعد ع اركبة سحبني وكعدني عليهن
بقة خال ايدة ع راسي ويقرة ايات بصوت حلو وهادئ حاولت اغنض عيوني وانسى كلشي مريت بي اليوم بس ما كدرت
بعدني عنة خايف وقلقان حجيت::-شيخ
باوعلي وحجة بلهفة::- كولي بوية
::- شيخ انا ما اريد انام وياك
بهت وجه وحجة بهدوء::- براحتج بوية كون هذي دموعج علمود ما تنامين وياي لا تنامين نزلي يم الحجية ونامي يمها
بلعت غصتي ما فهمني شلون افهمة ما اريد قربة ولا اريد يتقربلي خايفة وما اريد هذا الشي يصير بيناتنا
باوعتلة حايرة دموعي تصب::- شيخ
حجة بحيرة::- كولي زهرة
::- شيخ ما اريدك تتقربلي بعد
بس حجيت هيج انتفض ودفعني بحيت وكعت لورة ع ضهري وحجة بنتر::- شنو هل حجي بوية منين جايبتة??!!
دنكت راسي وكلت::- شيخ جميلة..اا..
بعدني اريد احجي قاطعني بنتر::- ما عليج بيهن والكلام الدار بينج وبينهن تنسي واطلعي من بالج
بوية مردودج لهلج وانا ما دايملج اول وتالي ترحين ما خليج هنا
استغربت من كال هيج ودب الخوف بكلبي::- شنو??!!!
باوعلي ساكت بلعت ريك وحجيت بصعوبة::- يعني اذا رجعت لهلي بعد ما اشوفك
تنهد وبقة ساكت يباوعلي رجعت عد كلامي::- ليش ما تجاوبني اذا رجعت لهلي بعد ما راح اشوفك?!
::- اي
وجعني كلبي بقوة بحيث رفعت ايدي بسرعة وخليتة عليها حجيت::- شيخ ما اريد اروح عنك
::- انتي رايدة اهلج لو لا
هزيت راسي دموعي ع خدي::- اي اريد ارجع الهم
::- هذا هو جا
::- بس شيخ اريدك هم
التفتلي بسرعة عاقد حواجبة::- شنو ترديني زهرة?!!!!!
بلعت ريك وباوعتلة دموعي تصب عيني بعينة::- اريد حتى لو رحت لهلي اجي لهنا وما اريد اعوفكم
BINABASA MO ANG
قيود عشك الشيخ
Randomإهتضمتْ أزهارها الملوّنةِ المترنّحةِ ايدي التقاليد الخشنة شققتْ ملمسها آثار ( العمّالة )* وزناد البنادق الرعناء تتجولُ في بساتينها الغافيةِ رائحةُ المكر تشوّهُ نظراتها الخائفة عطشُ الحيوانات الهاجعة تحتَ براثنِ السطوة تغدقُ الدموعَ توسلاً انوثتها ال...
قيد السابع
Magsimula sa umpisa