قيود عشك الشيخ

قيد السابع

هز راسها جميلة وباوعتلي وانا بس ارمش بعيوني كلشي ما فاهمة لا اهش ولا انش ع كولة جميلة

راحت جميلة ودت الفراش شوية واجت كعدت كبالي ابتسمت الها باوعتلي وحجت::- اولا اريدن اعرف مالة الشيخ نزل من حجرتج متكدر

الحجية تمامة::- ييع يييع ايمت هل سالفة شو ما شفته مالة ولج زهيرة كدرتي خاطرة

نصيت راسي وجريت حسرة دمعن عيوني::- حجية مشتاقة ل اهلي ولله طاك كلبي عليهم ليش ما جاي تحسون بية انا طفلة وبعدني صغيرة ونحرمت من اهلي وتعاقبت ع مصيبة مو انا سويتها ودفعت ثمنها فوك الغالي

نحرمت من طفولتي نحرمت من احلامي كأي طفلة نحرمت من برائتي نحرمت من دراستي والاهم نحرمت من حظن امي

ليش??!! علمود شنو??!! علمود تقاليدكم واعرافكم علمود افكاركم الي تنهك المرأة وتقدس الرجال

حجية مثل ما انتي طاير كلبج ع ولدج اكو ام ثنين من ولدها ما تعرف خبر عنهم انتي اكو اليسئل ويداري بيج

بس امي!! امي ما الها احد لو تموت بغرفتها محد يدري بيها لان محد يسئل عليها ولا واحد يفكدها

ابوي اذا كابلتة ع سفرة تكش نفسة ويكوم ما يكمل دوم عازلنا انا وياها عبالك خدم عندة

امي وحيدة ما الها احد ولا الها سند ولا الها واحد يسئل عليها هسة تلكيها ماكلة بروحها اكل

اباوعلهن طول ما انا احجي دموعهن ع خدهن الحجية مسحت شيلتها وباوعت لجميلة وحجت::- وتكولين عجينة ما تفتهم

رفعت اصبعها لحلكها ومسحتة بابكاع وحجت::- اها وابصملج اذا مو شيخ يظل يموت ع تراب لرجليها دكولي كالت

ابتسمت جميلة وباوعتلي حظنتني ابتسمت رغم راحو مني اهل بس الله عوضني بيهم جميلة اختي والحجية مثل امي والشيخ مثل ابوية وايسر اخوي بس رغم كلشي اشتاق لهلي واحن الهم رغم كلشي سواه بية بس اريدهم

بعدها اخذتني جميلة ع صفحة وبدت تهمس بية بشغلات يفوقها عقلي واستيعابي جانت طول ما تحجي وانا وجهي يطلع منة نار وخجلانة ومتفاجئة

بعدها كالت::- يا زهرة الرجال ساكت بس احنا ما نسكت نريد نشوف وليداتة

دمعن عيوني خوف ورهبة وقلق وخجل كلشي اختلاط سوة حجيت بمتمتة::- ااا شسمة جميلة يلا رايحة باي

صعدت لفوك اركض وكلبي يدك صاير طبل حتى ما مريت ع ايسر وشفت اذا عندة ملابس وصخة اغسلهن الة لباجر

دخلت للغرفة وسديت الباب وخليت ضهري علية ورفعت راسي مغمضة شنو هاي??!!

معقولة العلاقة الزوجية هيج لا لا ما اريد ما اسويها

فززني صوت الشيخ هو يسال باستغراب::- زهرة هاي انتي?

الغرفة ضلمة وجاي ضوة خفيف من الشباك