🔥رواية #ضحية_انتقام🔥
🌹Hăbošh🌹للكاتبة
.................... 🌺🌺🌺🌺🌺🌺🌺🌺🌺🌺🌺
خذت منه الاكياس و مشت داخل نزلتهم ع طاولة المطبخ
خش ورها نزل اللي في ايده
قبس: التفتت عليه؛ علاش جايبهم هذول شنو نحن مش امروحين توا ولا كيف !!؟
اركان: نزل اللي في ايده؛ لا الليلة ح انباتوا اهني و غدوة انروحوا
قبس: بارتباك؛ علاش؟ قصددي مش معاي حوايج كيف انبات ااهني
اركان: قرب منها و ركز في عيونها؛ مش كنتي مضايقة من الشقة و تبي تطلعي اهو غيري جوك اهني و ارقدي حتى بحوايج اللي عليك
قبس: قلبها يضرب بسرعة و خدودها حمر؛ اااي بس اني ما...؛ قاطعها
اركان: مش قضية الصبح انروحوا ؛ لف مشى خطوة؛ باش اديري عشاء و تعالي نقعدوا في الجنان ؛ كمل خطواته وطلع و قبس واقفة متلخبطة و مش عارفة شن سر التغير المفاجئ..
شبحت للاكياس اللي قدامها و جت تفتح فيهم بسرحان اتذكر الليلة اللي انخطفت فاها و بدت اتقارن بين المكان اللي حبسها فيه و سببلها في وجع و ضريبة عمر 💔 و بين المكان اللي هما فيه توا و الشي هذا خلاها اتخاف ان هو رافعها اهني عشان مزال ايفكر في الانتقام منها 🔥💔 ضاق صدرها وحست بفشل تام 😢 خذت نفس طويل و دعت من قلبها
قبس: شبحت لفوق؛ يااا رب هون عليا و خلي اليوم يمشي على خير 🥺؛
بدت اتجهز في العشاء و اركان مشى لعند الاسطبل خش ع الخيول و فات وقت هو يشتغل داخل ..
طلعت قبس رافعة السفرة و ادور بعيونها على اركان و جت لعند القعدة اللي بجنب الحوض وشبحت دخانه و تلفونه ع الطاولة نزلت السفرة و التفتت وراها و رجعت ادور بعيونها عليه.. توقعت ايكون خاش للحمام استنت دقائق و بعديها رجعت خشت داخل ادور عليه و تفاجات ان لا موجود في الحمام و لا في الدار
طلعت ادور عليه
قبس: بلعت ارباقها و بصوت مرتفع؛ اااركااان يا ااركان؛
لما مافيش رد زادت رفعت صوتها؛ يااا اااركااان اااركاااان😟 اووف وينك !؟؛ سمعت صوت خبيط جاي من بعيد شبحت لمكان كان شبه مظلم و الاصوات مش مفهومة صوت شنو
حست بخوف خشت تجري للحوش و قفلت الباب و بدا نبض قلبها سريع ويضرب بالقوة و كل ما ايفوت الوقت ايزيد الخوف 💔 مشت تسرع لشنطة طلعت التلفون و ايديها يرعشوا اتحاول تفتحه و من حظها العاثر لقاته طافي شحن💔 حست بضيق حطت يدها على رقبتها تتنفس بصعوبة انعصر وجهها تلون بالاحمر و جسمها يعرق و يرعش مع بعضه 💔
اما اركان كمل شغله وطلع من الاسطبل مشى غسل ايديه و وجه و بعديها اتجه للاستراحة ولان المسافة كانت بعيدة عن الحوش خذا دقائق باش وصل..
شبح سفرة العشاء ع الطاولة استغرب و كمل مشي لعند الباب جاء يبي يفتحه لقاه مصكر.. حرك المقبض
اركان: قبس ااافتحي ✊🏻✊🏻✊🏻؛
و قبس امقعمزة ع الارض بس كانها طايحة في بير كل شي ايدور حوليها و صوت اركان و الباب في صداء ..
حاولت اتنوض تفتحله و يناري مش قادرة توقف على رجليها كويس شادة في الحيط و تمشي بصعوبة جهة الباب
اركان: ايخبط بالقوة؛ قبببس ااافتحي الباااب خيرررك مصكرااته قبببس قبسسسس؛
بعد وقت وصلت للباب و الرؤية مشوشة ما تشبحش كويس و ايديها مزالوا يرعشوا مش مسيطرة عليهم تبي تفتح و مش قادرة تشد المفتاح و اول ما فتحت طاحت عليه
😮شدها من خصرها بسرعة
أركان: خيررررك شن في.. قبببس؛ شد وجهها لقاها مش واعية قامها بين ايديه ومشى نزلها ع الصالون وبعديها طار للمطبخ خذا مية ورجع لعندها
اركان: يمسح على وجهها بقلق؛ قبس ردي عليا.. انتي كويسة؛ فتحت عيونها بتعب بعد شبحاته قعدت تبكي 💔😢
اركان: بستغراب؛ شن صاير!؟ فهميني علاش تبكي!!
قبس: بالشهقة؛ خلاص تعبت ااارحمني راااهو ااني ماالياااش ذنب حرااام عليك💔 😭؛ انهارت تبكي بصوت ايقطع القلب💔
اركان: وقف يشبحلها بستغراب؛ شن درت!؟
قبس: بالشهقة؛ شششن مزززااال بعد كل شششي دررته فيااا😭
اركان: بلع ارياقه؛ باااهي خلاااص اااهدي 🥺
قبس: بتقطيع؛ مممش تبي تنتقم؟ هيااا اااقتلني و ريحني 😭 شششن تستنى؛
حطت ايديها على وجهها و تبكي💔
و هو مش عارف شن ايديرلها باش تهدا وتوقف ابكاء
اركان: بتردد حط ايده على راسها؛ اااني جبتك ااهني باش اتغيري جو لما طلعوا اهلك مهناش.. مممش في نيتي حاجة اتضرك؛ قاطعاته رفعت وجهها فيه
قبس: مااالا علااااش اااتخلي فيا اابروحي حتى بعد عيطت عليك ماا تردش 😢 تخيلت امشيت و بيجي حد اخرى ...؛ قاطعها عقد حاجبه
اركان: بستفهام؛ استني ! يعني اني نبي اندخل عليك حد!!؟ هك تبي تقولي!؟
قبس: نزلوا دموعها؛ اي باش تاخذ بثارك من خويا 💔🥺
اركان: بغضب لين عروق رقبته برزو؛ تشبحي فيااا شنووو ؟ اااتتي كيف اااتفكري في حاااجة زي هذه😡
قبس: بانفعال؛ ماااهو هذااا كلااامك ولا ااانسيت تهديدك ليا💔😢
اركان: بعصبية؛ اااي هددتك ب ننتقم بس اااني مش نذل نوصل في عرررضي و شررفي 😤
قبس: تشبحله بوجع؛ ماتعرفش كمية الرعب اللي عشتها لما تخيلت هك 💔و الله تمنيت الموت 😢
اركان: نفخ بضيق؛ اااستغفر الله و اتوب اليه.. خلاص مافيش داعي اتخافي مني لو تبي اتروحي هيا؛ مشى طلع و قبس قعدت مترددة اتفكر في كلامه وقت خش من برا جايب سفرة العشاء رافعها للمطبخ وقفت و جت لحقاته
قبس: بارتباك؛ ما نبيش اانروح توا 💓
أركان: من غير ما يشبحلها؛ مش خايفة؟
قبس: رفعت خصلة عن وجهها؛ مش هلبا؛ جت بحذاه خذت طاجين ؛ صقع برا خلي انسخنه؛
مشت ولعت ع الفرن حطت الطاجين ورجعت لسفرة واركان واقف يشبحلها و هي اتحرك بحذاه 💓
قبس: في شاي اهني ؟
اركان: اييه تلقي في الدولاب اهوا؛ اشر ع دولاب وراه و لما
جاء بيعطيها الطريق اتجه لنفس وجهتها و خبطت فيه 🔥 الزوز احسوا بارتباك ايتحركوا في نفس الاتجاه 💓
اركان: وقف ؛ بري
قبس: ابتسمت؛ شكراً 😊؛
مشت لدولاب فتحاته و عشان هي قصيرة وقفت على روؤس اصابعها اتحاول توصل لكيس الشاي 🥵 وبعدين حست بقشعريرة
اركان: واقف وراها بياخذ الكيس؛ الدولاب مرتفع ولا انتي اللي دريا هلبا 😏؛ مدلها الكيس
قبس: عقدت حاجبها؛ الدولاب مرتفع 😒
اركان: امطبس يشبحلها؛ اممم واضح 😎
قبس: قايمة عيونها تشبحله؛ تبيها بالسكر ولا مرة و معقدة 😒
اركان: قرب وجه؛ كيف ما تبي 😎؛
اكتفت بالصمت و ضربات قلبها سريعة من قربه ليها و حرارة انفاسه في وجهها خلاها في حالة 🔥
حس بيها كيف متلخبطة وخر و مشى بيطلع
اركان: ما تعطليش بديت انجوع؛
كمل مشى لعند ما طلع برا و مشى قعمز خذا دخانه طلع سبسي حطه في فمه و لما جاء بيولعه مابتش الولاعة تشعل🔥 خظها و جرب ايولعها برضوا ما بتش تشعل 🔥
اركان: اووووف خير امها الززح؛ عزق الولاعة و مشى عاود خش الحوش و قبس مش منتبهة كانت تاخذ في طواسي من الدولاب
قبس: بتمتمة؛ بنعرف اني علاش العلو هذا شن خدمينه لعمالقة ولا شني العفو
اركان: جاء وراها؛ شن اتمتمي؛ مد ايده فوق من ايدها
قبس: عيطت بفزع؛ بالله عليك رعشتني😨
اركان: نزل طواسي الشاي ع رخم ؛ انتي اللي مرعوشة ههههههه
؛ مشى للغاز حط السبسي فالنار ورجعه لفمه جبد منه لعند ما ولع؛ مافيش ولعة غير هذه
قبس: اتعدل في السفرة؛ ما نعرفش
اركان: شوفي غيرها بناخذها
قبس: ما عنديش ما اندير بيها.. كملت
اركان: كويس؛ جاء خذا السفرة؛ الحقيني بالشاي؛
مشى و قبس طفت ع الغاز خذت البراد حطاته في سفرة صغيرة و حطت طاستين و مشت لحقاته نزلت السفرة ع الطاولة و قعمزت
وهذه اول مرة ايتقابلوا على ماكلة
اركان: خذا الخبزة؛ بسم الله؛ غمس في الطاجين وبدا ياكل
وقبس تشبحله وبعديها دارت وجهها لصوت اللي جاي من جهة الاسطبل
قبس: بقلق؛ شني هذا
اركان: ياكل؛ ما اتخافيش هذا الخيل
قبس: بستفهام؛ خيل! في خيل اهني؟
اركان: بفم مليان؛ ممم؛
حطت اصبعها في فمها وسرحت وهي تشبح لجهة الاسطبل
اركان: رفع عيونه شبحلها؛ شني خايفة من الخيل؟
قبس: شبحتله؛ لا لاا؛ رجعت شبحت للاسطبل؛ امنيتي نركب خيل ❤
اركان: تذكر جود نزل الخبزة ورجع بضهره للكرسي؛ اكثر شي انحبه هو الخيل 🥺؛ بتنهيدة؛ عندي معه ذكريات حلوة؛
جت في راسه ذكرياته مع جود و هي تركب الخيل اول مرة و كيف كانت متمسكة فيه خايفة اطيح..
قطعت عليه سرحانه
قبس: في حياتي كلها شبحته مرة وحدة و من بعيد نتذكر اليوم كنا في الجبل و يومها كان في ميز بحوازة جنب حوازة جدي ....؛
كانت تحكيله و هو سارح فاها مرة يسمعها و مرة تاخذه الذكريات 💔 رن تلفونه
اركان: خذا شبح للمتصل ناض مشى خطوتين وفتح عليه؛ الووو
احمد: شنجو
اركان: ماشية
احمد: وين؟
اركان: في الاستراحة
احمد: تمام جاي لعندك
اركان: شبح لقبس؛ لا مش قاعد ابروحي
احمد: مع من؟
اركان: معاي العيلة
احمد: بستفهام؛ قصدك المراة!؟
اركان: شن تبي من الاخير هيا بنصكر
احمد: ههههههه خيرك مستعجل.. شني قطعت عليك؟ 😉
اركان: تي بري رووح
احمد: والله نايالك ع الجو 🤤؛ شبح لتلفون ابتسم ورجع راسه ع مسند الصالون و كان مليان شعور بالرومنسية وطول جت في باله براء حط على رقمها ودار اتصال 📱
كان تلفونها يضرب بس مافيش رد عاود اتصال لعند ما فصل
احمد: نفخ بضيق؛ اووووف ردي الزح؛ عاود اخرى
و براء كانت شادة التلفون وقلبها يضرب بالقوة و اتذكر في كلام قبس و قعدت مترددة بين رغبة قلبها اترد و رفض عقلها
احمد: عزق التلفون بانزعاج؛ الصبر اوووووف؛ ناض مشى للمطبخ حط قهوة ع النار و عقله و قلبه و رغبته عند براء
نرحعوا للاستراحة
اركان: قعمز شبحلها؛ كولي
قبس: ما خاطريش؛ خذت البراد صبت الشاي لروحها خذت الطاسة شربت منها و جت تبي اتصبي
اركان: وين!؟
قبس: نخش داخل
اركان: تبي ترقدي توا!؟
قبس: لا
اركان: باه خليك انهدرزو اشوي؛
شبحتله بستغراب وقعمزت مش عارفه شن تدوي معه
و هو مزال يشبحلها و لفتت انتبهه لون عيونها و بياضها الساحر بلحظة ضعف حس بشعور نحيتها 🔥
و ما قدرش ايبعد عيونه عليها 💓 حس بارتباك و هو ايحاول يلقى موضوع يهدرز بيه و ينقذه من الموقف 🥵🔥
قبس: نزلت الطاسة وضمت ايديها؛ الجو بدا ايصقع
اركان: يشبحلها بسرحان؛ اامممم .. اااي.. خلاص خشي لو صقعتي ؟
قبس: لا عادي
اركان: حرك تلفونه ع طالولة وبتسال؛ تقري
قبس: تنهدت بضيق؛ اي بس وقفت في السيم الرابع
اركان: علاش
قبس: عضت شفتها و غمضت عيونها ورجعت فتحتهم؛ مشكلة صحية خلتني نوقف دراستي
اركان: قصدك حالة الاغماء اللي اتصيرلك
قبس: اي
اركان: باستفهام؛ شنو مرضك !؟
قبس: تنهدت بوجع؛ مانعرفش حتى الدكاترة ماعرفوش شن هو
اركان: عقد حاجبه بستغراب؛ كيف ما عرفوش من شنو مريضة !!
قبس: كل دكتور ايقول حاجة مرة ايقولو صرع مرة شحنة زايدة 🤷🏻♀️
اركان: ليك هلبا مريضة؟
قبس: لا ليا شهور بس
اركان: اها.. ان شاءلله لاباس؛
قالها من قلبه و نسى ايكون قاسي معها زي عادته و مشاعره اليوم كانت غير 💓 يمكن حس بذنب او يمكن ايكون رجع لاصله الطيب في معاملته مع مرته زي مكان ايامات جود حنون و محب ❤️🩹
عم السكوت لدقائق و نضراتهم لبعض كانت تجسد في حالة الارباك و التوتر اللي ايحسو بيه 💓🔥
أركان: مسح فمه بالكلانكس و تنحنح ؛ اااحممم.. الحمدلله
قبس: شبحت لسفرة العشاء اللي زي ما هي وشبحتله؛ زيد كول
اركان: لا خلاص شبعت الحمدلله
قبس: صحة؛ ناضت اتلم السفرة
اركان: سلمك؛
رفع عيونه فاها و نزلهم و في شي داخله يبيها ما تمشيش
قبس: خذت السفرة و شبحتله؛ تبي حاجة
اركان: بهدؤ؛ لا
قبس: تصبح على خير
اركان: و انتي من اهله؛
تبعها بعيونه لعند ما اختفيت عليه وخشت داخل سحب دخانه طلع سبسي و لعه 🚬🔥 و فتح تلفونه ايتصفح ايحاول يلهي روحه و يهرب من سؤال اللي بداخله
( ان ليش غير معاملته وشن سبب التغير بعد ما كان يكرها و يحقد عليها)
هو عارف و خايف من الاجابة لهذا قاعد يشغل في روحه بالتلفون و مايعطيش لنفسه وقت للسؤال 🔥
