စိတ်ထဲမှာတော့ သူမ အန္တရာယ်ကင်းဖို့ မျှော်လင့်ရင်း ဆုတောင်းနေ၏... ငါပြေးလွှားကြည့်နေရင်း ငါ့လူတွေအကုန်အသတ်ခံလိုက်ရတာကို မြင်လိုက်ရတော့သည်... ငါမျှော်လင့်ချက်တွေ စွန့်လွှတ်လိုက်တော့မယ့်အချိန်မှာပဲ စပါးခင်းထဲတွင် လှဲလျောင်းနေသည့် ခန္ဓာကိုယ်လေးကို ရှာတွေ့သွား၏...
ငါပြေးသွားလိုက်ရင်း ယွမ်ယွမ်နဲ့ ခြောက်ပေလောက်ပဲကွာတဲ့နေရာရောက်တဲ့အချိန်မှာတော့ ငါခြေလှမ်းတွေကို ရပ်လိုက်လေသည်... ငါ့ကမ္ဘာကြီးတစ်ခုလုံး အစိတ်စိတ်အမြွှာမြွှာကွဲသွားရလေပြီ...
သူမလေးဘေးနားကို လျှောက်သွားရင်း ငါအသက်ရှူတွေကျပ်လာ၏... ယွမ်ယွမ်လေးရဲ့ ခန္ဓာကိုယ်မှာ အသက်မဲ့လျက်ဖြစ်ပြီး ဓားဒဏ်ရာနဲ့အတူ အဓမ္မကျင့်ခံထားရတဲ့ အရိပ်အယောင်တွေပါ မြင်လိုက်ရလေသည်...
ယွမ်ယွမ့်အဝတ်အစားတွေအားလုံးမှာ စုတ်ပြဲနေပြီး ခြေထောက်နှစ်ဖက်ကြားမှာလည်း သွေးတွေ ဒဏ်ရာတွေပင်... သူမလေးရဲ့ ဖြူဖျော့တဲ့ အသားရည်ပေါ်မှာ လက်ချောင်းရာတွေထင်းနေပြီး လူယုတ်မာတွေ အနိုင်ကျင့်ခဲ့တုန်းက ဖမ်းချုပ်ထားတဲ့ဒဏ်ဖြစ်ပုံရသည်...
သူမ ခန္ဓာကိုယ်အနှံ့မှာ ခြေထောက်ရာတွေကိုလည်း မြင်တွေ့ရ၏.. "ယွ...ယွမ်ယွမ်!" ငါ သူမကို ထိတွေ့ဖို့ကြိုးစားလိုက်ပေမဲ့ ငါမလုပ်နိုင်ပေ... ငါ့ရင်တွေတင်းကျပ်လာပြီးနောက် မျက်ရည်တွေ ထိန်းချုပ်လို့မရအောင် ကျဆင်းလာလေသည်.... ဒေါသနဲ့ နာကျင်မှုကြောင့် ငါအော်ဟစ်နေလိုက်တော့၏...
"ကတိပေးခဲ့တဲ့အတိုင်း မကာကွယ်ပေးနိုင်ခဲ့တဲ့အတွက် တောင်း...တောင်းပန်ပါတယ်.. ယွမ်ယွမ်" သူမကိုယ်လေးကို ငါ့အပေါ်ဝတ်ရုံခြုံပေးပြီးနောက် ဘေးမှာထိုင်ကာ ငိုနေလိုက်သည်...
"ကတိမတည်ခဲ့တဲ့အတွက် တကယ်တောင်းပန်ပါတယ်... ဒါပေမဲ့ ယွမ်ယွမ်အတွက် တရားမျှတမှုရှာပေးမှာပါ... ငါသေရမယ်ဆိုရင်တောင် ယွမ်ယွမ့်ကို ဒီလိုလုပ်ခဲ့တဲ့သူတွေကိုရှာပြီး အပြစ်ပေးမှာ" ထို့နောက် ကျဆင်းလာတဲ့ မျက်ရည်တွေကို သုတ်ပစ်လိုက်သည်...
ယွမ်ယွမ်ခန္ဓာကိုယ်လေးကို ငါ့ရင်ခွင်ထဲမှာ ပွေ့ဖက်ထားလိုက်၏... "သမီးကို အဖေ အန္တရာယ်ဖြစ်အောင် မထားခဲ့သင့်ဘူး...ဒီအသုံးမကျတဲ့ အဖေကို ခွင့်လွှတ်ပါ.. ယွမ်ယွမ်ကြိုက်သလို အဖေ့ကို အပြစ်ပေးပါ"
YOU ARE READING
ငါ့ကိုပွေ့ဖက်ထားနိုင်မလား(ဘာသာပြန်)
FantasyReader လေးတစ်ယောက်က တောင်းဆိုထားလို့ပါ Both Uni and Zawgyi ************ လုခယ့်ဟာ သူ့ရဲ့အသက်သုံးဆယ်ပြည့်မွေးနေ့တွင် နှလုံးရောဂါကြောင့်သေဆုံးသွားခဲ့ပြီးနောက် ရှေးခေတ်ကမ္ဘာတစ်ခုသို့ကူးပြောင်းသွားလေသည်... သို့သော်သူနိုးလာတဲ့အချိန်မှာ သူဟာ လယ်သမားမိသားစု...
Chapter-19,20
Začať od začiatku
