နန်ဟွိုင်လင် သွားဖို့ မတ်တပ်ထရပ်လိုက်တဲ့အချိန်မှာ သူတို့နဲ့ မျက်စောင်းထိုးနေရာလောက်မှာ ထိုင်နေတဲ့ အတွဲတစ်တွဲက ရုတ်တရက် အနားရောက်လာ၏။ ထို့နောက် ကောင်မလေးက သူ့ရဲ့စိတ်လှုပ်ရှားနေမှုကို ထိန်းချုပ်ကာ မေးမြန်းလာခဲ့သည်။ " ဟိုလေ...နန်ဟွိုင်လင်လား မသိဘူး? "
" ကျတော် ဒီလိုလုပ်ထားကို မှတ်မိတယ်လား?" နန်ဟွိုင်လင်က ဦးထုပ်ဆောင်းပြီး နေကာမျက်မှန်တပ်ထားတာဖြစ်၍ မျက်နှာတစ်ခုလုံးနီးပါးက ဖုံးကွယ်နေတာဖြစ်သည်။ " အံ့သြစရာပဲဗျာ "
ကောင်မလေးက သူမ ပါးစပ်ကို လက်ဖြင့်အုပ်ကာ တအီအီနဲ့အသံတွေထွက်နေပြီး စိတ်လှုပ်ရှားလွန်းလို့ ငိုချချင်လုနီးပါးဖြစ်နေတော့သည်။ ဘေးမှာရပ်နေတဲ့ သူမကောင်လေးက အကူအညီမဲ့ပြီး တုန်နေအောင်ချစ်တဲ့မျက်နှာနဲ့ သူ့ကောင်မလေးကို ငေးကြည့်နေကာ အသံတိုးတိုးဖြင့် သတိလှမ်းပေးနေ၏။ " သူ့ကို ယောက်ျားလို့ မခေါ်နဲ့နော် "
ကောင်မလေးက သူ့ကောင်လေးစကားကို လျစ်လျူရှုထားကာ နန်ဟွိုင်လင်ကို တောက်ပတဲ့မျက်လုံးတွေနဲ့ကြည့်နေပြီး စိတ်ထဲကအတိုင်းပြောလာခဲ့သည်။ " ကျမ ရှင့်ကို အရမ်းအရမ်း ချစ်တယ်! ကျမလေ..'ကြယ်နိုင်ငံ'နှင့် Swimming Beyond My lifeကိုလည်း ဆယ်ကြိမ်မက အခေါက်ခေါက်အခါခါကြည့်ပြီးပြီ! ရှင်က အရမ်းကောင်းတာပဲ..ကျမ ရှင့်ကို တကယ်ချစ်တာ! "
ကောင်မလေးရဲ့ ကောင်လေးမျက်နှာက အမည်းရောင်အငွေ့အသက်တွေ စွန်းထင်းလာခဲ့သည်။
ထို့အတူပဲ နန်ဟွိုင်လင်ရဲ့ကောင်လေးကလည်း စိတ်မသာမယာဖြစ်နေတော့သည်။
" ချစ်ပေးလို့ ကျေးဇူးပါဗျ " နန်ဟွိုင်လင် ပြုံးကာပြောလိုက်ပြီး မျက်မှန်ကိုချွတ်ကာ လျှာထိုးဦးထုပ်ကို နောက်ပြန်စောင်းလိုက်သည်။ " ဓာတ်ပုံအတူရိုက်ချင်လား? "
" ဟုတ်..ဟုတ်..ဟုတ်! " ကောင်မလေးက သူမဖုန်းကို သူ့ကောင်လေးဆီ အမြန်လှမ်းပေးကာ " ပုံတွေ အများကြီးရိုက်နော် "
ကောင်မလေးက နန်ဟွိုင်လင် ဘေးကိုလာရပ်တော့ ဖေ့ချန် အလိုက်တသိ ဘေးကိုရွေ့ပေးလိုက်၏။
YOU ARE READING
ကျတော့်ရဲ့ နဂါးကောင်လေး(MM trans)
Romanceကျတော့ရဲ့ gongက အမြီးအကြီးကြီးနဲ့ နဂါးကြီး
Chapter 59
Start from the beginning
