غيهبان

PART 6

الحجي :- تتربى بعزك بويه.

قسم :- بقيت ايام وليالي بين السهر ويه لارين والتعب بشغل البيت ورايه بفتره خوله جابت ولد والكل فرحان بيها وقاسم طاير بلارين طير و 24 ساعه بحضنو مدللها دلال ويكول هاي اول فرحتنه وثمرة حبنه كلما يروح للدوام ويرجع متلهف عليها وهي دنفوشه وعيونها تجنن والكل ميت عليها حتى عمي فرحان بيها ومن اتعب مريم حبيبتي الي صارتلي اخت وسند وتساعدني ببنتي وانا هم اساعدها بااطفالها التوأم الله يعينها ماشافت شي بحياتها كلما ادحك بعيونها تنظرلي بنظرات مكسوره حقها كسروها بهل زواج ونربطت بجهال غصب عنها صافنه والاعب بنتي وغيرتلها ملابسها ودخل قاسم اخذها بحضنو ويشمشم بعطرها.

قاسم :- يمه البنات عشره واكول كليلات افييييش يا ريحة الجنه افييش ترد روحي من اشم ريحتها.

قسم :- انت منتبه على روحك قاسم؟

قاسم :- شكو حبيبتي شصاير؟

قسم :- تحب بنتك اكثر مني.

قاسم :- احب بنتي اكثر منج لان انتي جبتيها الي احبج واحبها وثمرة حبنه هاي واريدج تجيبيلي عشر بنات.

قسم :- اي علمود عمي ينجلط هو بس لارين وتخبل علينه.

قاسم :- وهساعين وينو كلامو اشو ياخذها بحضنوا ويفقد عليها وميت موت عليها.

قسم :- واكبر دليل حكيمه كلش تضوج من تشوف بنتي بحضنو.

قاسم :- ولا يهمج بنياتي هسه راح اخذها واروح الجماعتي.

قسم :- قاسم فدوه لا خاف ياكلوها.

قاسم :- هههههه لا تخافين بنيتي يلا اودعناج ارتاحي شويه انتي تتعبين الليل كلو بالسهر.

قسم :- دام انت يمي مااتعب يفداك كل تعب انت وبنيتنه.

قاسم :- بستها براسها واخذت بنيتي وطلعت الجماعتي وولد اختي جاسميه وخالد نتمشى للشط وانا افر بيها من ادحك بعيونها وبرائتها وبياضها يزيل كل تعب بيه.

قصي :- يمعود شنو ما شايف جهال انت مو هذا خالد وياك اجاه ولد وما مهتمله نفسك وانت بنيه طيرت عقلك .

قاسم :- اي مو تدرون انا اموت على البنات وهاي جوهرة حبي دشوفها شحلاتها جنها غزال.

خالد :- اي والله لاعه بحلكك غزال وما يصيدونه.

قصي :- الله يحفظها الك خويه.

قاسم :- بقينه كاعدين على الشط وسالفه مني وسالفه منهم خلص الوكت ورديت للبيت تلكتني قسم اخذت لارين مني وانا كعدت يم امي وابوي واسمع حجاياتهم عن ايام قبل.

علياء :- من نولدت لارين ملت البيت فرح وسعاده والي يشوفنه يكول هذوله ماعندهم خلفه قبل بس هي مميزه جمالها وعيونها تجنن روحي تعلگت بروحها واذا قسم عافتها شويه انا اجي اشيلها واذا انا ماشلتها تجي لمياء وهيجي صايره المخلوقه من ايد لأيد مرت فتره وقاسم التحق بدوامو وحكيمه استغلت الوضع وبدت تنحش باابوي على قسم مااعرف شنو من بشر مليان غيره وحقد وغل بس كلنه نعرف السبب لان اخوي قاسم يجيب هدايه المرتو والنه ويطلعنه وهي جويسم ما معبرها بشي دكلك اطين عيشتهم احسن جنه كاعدين كلنه وقسم جانت توكل لارين ودخلت علينه حكيمه.