ثار الجحيم "الأصليه"

البارت 11

..

صارت عينه بعيوني
عبرنه وسيطرت كوه
عرفت انوخذ شي مني
واحس انباك هستوه
بديت اتلمس بصدري
اثاري الكلب ماهوه

- شمس رفعت راسي لكيته مفتح عيونه لحظة صفنت اني سويت شلون اجازف هيج اتمنيت الكاع تنشك وتبلعني تمنيت زلزال يصير وتوكع المستشفى ويخلصني من هذا الموقف اريد ارفع عيني لا ياعيني جفنها ولعذراء موقف يبووووو وين آثار ريمان الينقذني وينهن حسيت الدموع اجمعن بعيوني من الموقف ...

رفعت عيني من الارض باوعت علي بالكوه لازمه دموعي اني اني شسمه هذاا حكيت راسي شفت الابتسامه بطرف شفته عود هوه مايريد يبينها

- اشهب شسوين اهنا

- شمس اطمن عليك جاي

- اشهب مم زين وليطمن هيج يسوي

-شمس شنو سويت

-تعاي تقربي

- شمس مااء

-كتلج تعاي لا تتصرفين تصرف اطفال

- شمس عيوني غركن بدمع والله ماسويت شي

- كتلج تقربي تعاي

-تقربت خطوتين

- اشهب شمس احد اموديج عليه

- لاا والله محدد منو يدزني

- تصرفاتج وحنه بالموصل واحنه اهنا موو طبيعيه وين مالتفت الكاج تراقبيني بنظراتج

-شمس يحجي وصاك على سنونه نتر بيه

- احجي ليش ساكته. ترا اعرفج ماعندج اي احد بس انتي وعمتج عايشات ... يعني مختصر مكطوعات من شجره

- منين عرفت وشنو اليهمك اني منو وبت منو

-باوع علي بنظره ماعرفت تفسيره أشر على الميز اليمه

-جيبيلي هذا الظرف من يمج

- باوعت بستغراب اشبي هذا الظرف مديت ايدي انطيته اله
- لحظة خل اكعد

- شفته يريد يكوم مديت ايدي حتى اجره يكعد

- اني جسمي كله مزرف وتمدين ايدج هيج صاحيه

- اذا انت ماتنطي مجال تقربت خليت ايدي وره ظهره صار وجهه بوجهي جمدت نفسه كام يضرب بوجهي رفعت عيني بعينه