قيود عشك الشيخ

قيد الثالث

باوعتلة شلون عرفني شلون فسر نظراتي رجعت وجهت نضري الة ابتسم ابتسامة مريحة::- احجي الي بكلبج ليش تكتمين ع نفسج مو زين بوية

بوية?!! كالي بوية لو اني غلطت? معقولة كالها ما حسيت بيها ليش??! معقولة هل درجة ما حاسة بشعور الابوة معقولة فقدت احساس الشخص اليكون عندة اب?!!

سكتت اباوعلة وكل هل افكار تهاجم راسي واحس ع ساعة ينفجر من كد التفكير

تنهد وكعد ع سجادة يباوعلي عاقد حواجبة حجيت بصوت ناصي::- شجاي تسوي

ابتسم::- اصلي

::- شتصلي غير بعدة الفجر لو جاي تصلي صلاة المغرب والعشة بعدك ما مصليهن

ابتسملي بلطافة::- جاي اصلي صلاة الليل

تفاجئت الليل!!! وين اكو صلاة بهيج اسم ما سامعة بيها اكو صلاة الليل!!

باوعتلة ومتفاجئة::- ليش اكو صلاة لليل

ضحك بصوت ناصي::- اكيد اكو

::- هاي بس عدكم

عقد حواجبة ما فاهم بلعت ريك بخوف وحجيت افرك بايدي متوترة::- يعني بس عد السنة

جنت خايفة لا يكون طائفي ويلكمني بوكس يخرب معاني وجهي بس تفاجئت من قابلني بوجه بشوش::- ماكو سنة وشيعة بوية كل احنا مسلمين وكل احنا الله ربنا ومحمد رسولنا و

كملت اني بسرعة::- عمر امامكم مو

ابتسم وكال::- علي امامنا داحي  باب خيبر حلال المشاكل اسد امتنا

تربعت بمكاني::- انت شيعي

سكت يباوعلي مبتسم رجعت حجيت::- يعني صدك اكو صلاة لليل شلون تصليها وشتسوي هاي 

حجة::- زهرة انتي تصلين

دنكت راسي بأحراج شكلة بالمدرسة ارجع تستلمني بسعاد لحد ما ينام الشيخ وانام جفي ع وجهي واكعد الفجر اقرة دروسي هزيت راسي مدنكة هو بالعكس ما حسسني ضاج او شمئز مني ابتسم وكال::- سئلتيني عن صلاة الليل تحبين تعرفين عنها

باوعتلة فرحانة هزيت راسي هز راسة مبتسم::- صلاة الليل تصليل بمنتصف الليل وكلما اقتربت من الفجر تكون احسن

::- لهيج يسموها صلاة الليل

سكتت باوعلي وكال::- تحبين اعلمج وتصليها

باوعتلة وحجيت::- زين بشنو تفيدنا واذا هي واجبة مثل الصلاوات الباقية لو لا

::- لا هي مو واجبة  مستحبة اما عن فرائدها هنا هواي كلش

حجيت بسرعة::- شنو هنا

ابتسم وهو هم تربع وكعد ع سجادة وكال::- صلاة الليل من أسباب رفع الدرجات في الجنة

ثانيا::- المحافظون على صلاة قيام اللّيل محسنون مُستحقون لرحمة الله وجنته

::- الله هاي كلها للصلاة الليل زين وبعد اكو فوائد الها