بداية عُزلة ( متوقفه )

البارت العاشر ❤️

ببيت عنود
عنود: خليني اوصلك واروح معك خلي قلبي يتطمن
ايلاف: لا مايحتاج بروح انا وارجع انتبهي لنفسك ولبندر واي شي يصير اتصلي علي شحنت جوالي تطمني
عنود : استودعتك الله
اول ماطلعت شافته قدامها
ايلاف : تركي !
تركي : اي تركي تعالي اركبي
ايلاف استغربت بس ركبت معه بالسياره
تركي : كيفك وكيف بندر
ايلاف: بخير كلنا بخير
تركي : دايم
ايلاف : تدوم
ظلو ساكتين صار لهم فتره مو جالسين سوا
تركي بتردد : طلال
ايلاف انقبض قلبها : شفيه و
تركي : انتي شفتيه صح ! شفتي كيف صار
ايلاف: اي شفته بس ليه صار كذا ماتكلمتو !
تركي : انا ما اتكلم معه بس تكلمت معه عن موضوعك واليوم الصبح تكلمت معه وجرحته بالكلام
ايلاف: تركي ! انت مستوعب اللي تقوله طلال من فتره طويله مو جاي هنا يبي نكون معه
تركي تنهد: عارف عارف لاتلوميني استفزني وفلتت اعصابي ادري اني غلطت بس هو مايتكلم مايقول ادري انه شايل بداخله كثير بس مايتكلم !
ايلاف : بالهداوه يا تركي مافي شي يجي بالانفعال
تركي شغل اغنيه كانت توصف مشاعر عميقه
وصلو لمكان شغل ايلاف: اجي اخذك !
ايلاف ابتسمت له : برسل لك
تركي : تمام انتظر رسالتك
ايلاف سكرت الباب ودخلت للسوبر ماركت استلمت مكانها وكل تفكير بانها اذا رفضت ممكن يكون هالشي ضدها او يضرها بس هي لازم تتكلم معه شخصيا مو لازم تقابل مساعده بس هل بيقبل ! ابوي مايعرف بس هو اذا بكون موظفه عنده او مثل ماهو بالشروط بكون سكرتيرته الخاصه لازم اكيد يدور وراي فا لازم اتكلم معه واقول له الحقيقه بس هل بيصدقني بيسمعني او بيطردني اذا طردني يكون احسن
انفتح الباب ودخل
ايلاف وقفت وشافته : هلا
ماجد: هلا فيك اخبارك !
ايلاف: بخير وانت
ماجد : انا بخير دامك بخير
ايلاف : دايم
ماجد: كيف بندر
ايلاف : مبسوط مره ومرتاح مع صاحبتي لاتحاتي
ماجد : الحمدلله طمنتيني
ايلاف : لا تطمن دايم
ماجد : تمام
ايلاف : ايوه ايش تحتاج
ماجد انحرج بس اخذ علبه الدخان ومعه كم مشروب ومع شبسات وانواع الشوكلت حطها حاستبه وطلع بعد ما قال لها اذا صار شي تتصل عليه
اما ايلاف اللي ارسلت الرساله بعد صراع بداخلها وتردد انها ترسل له او لا على نفس الرقم اللي وصلت لها الرساله منه وسكرت جوالها قبل ماينتهي دوامها وصل وبدل الدوام معها استغربت انه بدله بس اختفى استغرابها لما شافت الحارس اللي امس عند الباب وسياره غريبه اليوم كانت واقفه عند الباب فتح لها الباب بعد تردد ركبت السياره بس كانت فاضيه
ركب الحارس وحرك السياره
الحارس : باخذك لموقع الشركه ياليت تعطين اهلك خبر علشان مايحصل مثل ماحصل امس السيد مايبي اي تدخل بحياته العمليه
ايلاف فتحت جوالها وارسلت لعنود : اسمعي باتاخر تمام لاني بدرس العقد الجديد واشوف اذا بوقعه او لا
عنود اللي شافت الرساله تنهدت : تمام انتبهي لنفسك ولو صار شي اتصلي علي على طول اجيب تركي وطلال وفيصل وعبود وابو الولد اللي جاي عندنا
ايلاف ضحكت عليها
الحارس ابتسم لضحكتها لا ارادي رغم انه مستغرب نفسه حتى
ايلاف رفعت راسها من الجوال وشافته يسوق نفس وشم اللي بيده نفس وشم الخاتم بصدمه: انت !
رفع راسه للمرايه : مو واضح كنت متوقع تعرفيني من اول نظره
ايلاف : لا اسفه
تكلم : ولايهمك بس نوصل الشركه رح افهمك على كل شي
ايلاف سكتت وبدت تستمتع بالطريق اللي لاول مره تطلع ويكون بالنسبه لها مثل النزهه مو اي طلعه
للدوام او لشغل وبسرعه ترجع
بعد ماوصلو للمقر
نزلت ودخلت وراه
الكل كان بوجهه يحييه اما هي اللي كانت وراه تمشي ومستغربه من الكل وليه هم كذا وصلو لمكتبه دخل ودخلت وراه جلس بكرسي وراء مكتبه واشر لها
اما هي جلست وكانت تناظر الديكور اللي كان فخم مره ومرتب
تكلم بهدوئه المعتاد لها : ايوه طلبتي تقابليني شخصيا
ليه !
ايلاف: لو رفضت العرض ايش ممكن يصير
تسند على الكرسي : اذا رفضتي ؟ ايش ممكن يصير لك من اي ناحيه
ايلاف: يعني هل بتسببون لاهلي او اللي يقربون مني مشاكل
سكت لفتره قبل يضحك لاول مره بعد ماضحك بالسياره بس هالمره كان غير : ايش مفكرتني رجل عصابات ؟
ايلاف ناظرته بستغراب : ليه يعني انت مو رجل عصابات ؟
هز راسه: لا اتوقع عندك فكره غلط عني انا مارح اسوي شي لاهلك ولا رح اتعرض لهم بس لو * شد على كلامه* لو افشيتي الكلام اللي يصير بالشركه رح نتعرض لهم طبعا
ايلاف : واذا وافقت هل رح تبحث عن خلفيتي وعن اهلي ؟
سكت لفتره : على حسب انتي لك سوابق او بينك وبين اهلك شي !
ايلاف: ابوي طردني من البيت بسبب شخص حبيته وتخلى عني اخوي رجع من السفر قبل فتره بسيطه اخوي الثاني يعرف عني ودايم يزورني لي ٥ سنوات بعيده عن بيتنا
كان يسمع لها وماعلق بحرف واحد
ايلاف: الحين رحت عند صاحبتي قلت لها كم يوم بس انا مو مرتاحه بالمكان اللي استقريت فيه لان نفس الشخص طلع بحياتي و
سكتت ناظرها لفتره : و ايش ؟
ايلاف : بداء يضايقني ويظن ان بيني وبين جاري علاقه
تنهد: وهل بينكم علاقه
ايلاف : لا امم عادي اسال سوال
ابتسم لها: اسالي
ايلاف: انا ما اعرف اسمك
ظل ببتسامته: اسمي راكان
ايلاف : اوه اسمك حلو
راكان ناظرها لفتره قبل يتكلم: شكرا
ايلاف حست انها تكلمت كثير وقفت وبرتباك: انت مو مجبور تقبل فيني ترا وقلت لك انا الا الحين خايفه من هالخطوه اللي سويتها عارفه يمكن الموضوع ينقلب ضدي بس بنفس الوقت مابي اي شي يصير لاهلي
راكان : حتى بعد ماتركوك لسنوات
ايلاف ابتسمت بحزن: هو صح تركوني بس ما ابي اذا رجعت لهم يكون صاير شي فيهم
راكان : تمام وانا موافق على كلامك قريتي الشروط وتقدرين تداومين من بكرا بس ياليت تتركين احد من الحرس يوصلك لانه بيكون هو اللي يجيبك او يوديك من الشركه حتى
ايلاف: مايحتاج عندي شخص يجيبني
راكان: اتوقع ما لاحظتي هالنقطه ما ابي اي احد يعرف عن شغلك بهالشركه ومو اي احد مثل ماعرفت منك ان صاحبتك مره معك ومتاكد انك حكيتي لها عن العقد بس ماحكيتي لها عن الموضوع الاساسي
ايلاف بصدمه: كيف !
راكان : كيف على المعلومات اللي قلتها لك كلها صح
ايلاف: اي
راكان : مدري بس انا يهمني اعرف كل شي بالتفصيل حتى من قبل يتقدم اي شخص للوظيفه
ايلاف: اها
راكان وقف : تقدرين ترجعين الحين
مشى معها لحد ماوصلو لنفس السياره
ايلاف: شكرا لك
راكان : على !
ايلاف: على كل شي ولانك سمعتني ولانك متقبل فكره اني اتوظف هنا
راكان: العفو اذا هذا الرد بيرضيك
ايلاف : استئذنك
راكان : اليوم انا اللي رح اوصلك وبعدها عاد بيكون فيه حارس خاص لك
ايلاف: بس انا ماقلت موافقه
راكان اللي فتح الباب وكان بيركب وقف وبستغراب : انتي ماقلتي بس كلامك كان كله يدل على انك موافقه
ايلاف: صح بس عطني مهله يومين افكر من دون ماترسل اي شي لي
راكان: تمام
بعد ماوصلها للبيت رجع للشركه
عيد بعد ماوصل راكان : راكان وش صاير؟
راكان: ايش!
عيد: مو بعادتك
راكان جلس على الكرسي : صح بس بعد بنفس الوقت ما ابي اخسر فرصتي
عيد بجديه : راكان وش ناوي عليه
بعيد عنهم ببيت محمد تحديدا
محمد: وين اخوانك ؟
فيصل: مدري يبه بس طلال بغرفته من الصبح وعبود طلع تركي من الفطور مارجع
محمد: هالولد الهايت
يسرى بشده : محمد
محمد: نعم !
يسرى: والله لو تقول لتركي اي شي ثاني لا يكون اخر يوم لي بالبيت
محمد طنشها
يسرى : مو يكفي بنتي مدري وين اراضيها حرام عليك مارح ترتاح الا لما تشوف عيالك كل واحد بمكان
محمد وقف وناظرها بحده: يعني انا اللي عاجبني وضعهم مو شايفتهم تركي واسلوبه مع اخوه وبنتك اللي للحين ماندري وينها
فيصل وقف وقاطعهم: تركي وطلال رح يحلون كل المواضيع بينهم وايلاف بخير لاتحاتون
محمد التفت عليه بصدمه : انت تعرف مكانها
فيصل: لا بس عارف لو كانت بضيق رح تجي لنا
محمد ضحك بسخريه قبل يروح لغرفته
يسرى جلست بالم : اشتقت لها
فيصل: بترجع يمه تاكدي

       انتهى البارت ❤️
كل عام وانتو بخير ورمضان كريم
اممم بالنسبه للبارتات حابين ننزلها على يومين او يوم ! بالاسبوع اذا يوم بيكون كل
* خميس
واذا يومين
خميس واثنين
او
احد واربعاء

رايكمممممممم عن البارت والاحداث ! 😍