ليلة من العمر (الجزء الثاني)

البارت الأول

وحدة من الأيام اللي تكون بيها زعلان زعل انت نفسك ماتعرف شنو تريد حتى ترضى ، يمكن لأن كل اللي ردته وتمنيته من كل قلبك ماصار ! ..

ليلة من العمر (الجزء الثاني)  .
٣٠| أكتوبر
.................................................................................

جنت طالع على تركيا ويه صديقي بالشركة قصي
تونا جاي نخلي الجنط وبعد ربع ساعة موعد اقلاع طيارتنا ..دك تلفوني بجيبي جان
سحبته رقم غريب ممسجل يمي من تلفون الدوام رديت سندته بجتفي بين ما اخلص اللي بيدي
اوس:- اهلا وسهلا وياكم اوس من شركة .....
- شلونك ابني اوس انا خالتك ام بيلسان
اني سمعت هالكلام والدنيا كلها وكفت بيه
شمرت كلشي من ايدي وبسرعة سحبت التلفون لزمته عدل
ماعرف شنو احجي او شنو اكول حسيت اخرسيت مجرد ماسمعت اسمها
اوس:- نعم خالتي تفضلي
- شلونك
گلتلها بگلبي من بعدكم ضل بيها شلونك!
اوس:- من الله بخير
سكتت شوية ورجعت كالت:- والله مادري شكلك
گلبي وجعني كمت اشد على ايدي اريد بس اعرف شصاير وشرايدة جسمي احسه مابعد بي قطرة دم كلشي مو حلو اجا ببالي
خفت لاصاير شي بيها
على الرغم انو صح بعاد عن بعض وكلشي انتهى بس تدرون؟
مرات افكر مجرد ما هي موجودة بهالدنيا الفكرة بحد ذاتها اطمئنان اليه ..
حجيت بحده:- اسمعج خالتي احجي
- اريد اشوفك ..تعال لبيتنا نفسه القديم
حجتها وسدته بوجهي بسرعة
صفنت واني عاقد حواجبي
گلبي نغزني وحسيت بغصة كلش قوية بصدري
باوعت على قصي ديسوي بإجراءت السفر
اباوع للوقت ماباقيلنا عشر دقايق ونطلع ..
تشتت وحسيت بضياع عمري ماحاسه
بين رجل تريد ترجع وركض تروح لعدهم وبين لا اوس هالباب انقفل من زمان ،
الف فكرة وموضوع اجا براسي
انتبهلي اجا يمي
قصي:- صاير شي شو وجهك مو طبيعي
هزيت براسي:- لا ماكو شي
قصي:- الاهل صايرلهم شي
اوس:-لالا
باوعتله صفنت شوي وكلت:- جاي على بالي ارجع
قصي:- وين ترجع؟
اوس:-على بغداد
صفن بوجهي مستغرب ورافع حواجبه :- اوس شصاير اكو شي الاهل الشركة بيها شي لاتقلقني
اوس:- لا ماكو شي والله بس مادري مامرتاح لهالسفريه
حط ايده على جتفي وكال:- كول يالله قابل اول مره تسافر ..خاف دتخاف من الطياره يول
باوعتله بس ابتسمت
جان شي بداخلي صعب انو ممكن اصيغه بالكلام ، جان ببالي وجهة
ملامحها
دموعها
حزنها
انرسم ببالي كلشي يخصها وخفت يكون بيها شي
طلعنا بالطيارة واني اجلد بروحي
لو بيها شي عمري ماراح اسامح نفسي
جانت اصعب سفرية اعيشها
المفروض جان عشر ايام بس قلصتها باسبوع ماجنت داكدر اتحمل ابقى بعد
كل بالي وتركيزي هناك بالاتصال ويمها
شكد حاولت كل ذيج الايام انو انساها وارجع تركيزي لعقلي ... باتصال واحد وبمجرد اسمها كلشي تخربط
رجعت ضعت ..رجعت تشتت
رجعت ابحث بحسابها على الاقل انو اعرف اي شي عنها هالفترة
طلع خاص ومخليه صورة لعيونها ،
وكف بعيني ابوج المتوفي جان ماخليت مسبه مانزلت بيكم
اوووووف !!
الليلة الرجعنا بيها جانت اطول ليلة بحياتي
الزمن متوقف وديمشي ضدي
مجرد مانزلنا ارض بغداد
دنمشي بالكراج نجيب سيارتي
اوس:- ممكن اطلب طلب
قصي:- كول حبيبي شكو
اوس:- وصل جنطتي للبيت وكللهم طلع عنده شغله ضرورية
قصي:- خوما اكو شي مامرتاحلك والله
اوس:- بس خليني اخلص هالشغلة على خير
قصي:- ديلا روح واني راح اوكف تكسي ارجع
اوس:- اعتذر حيل منك
قصي:- روح يابه مابينا هالحجي