-يا بنتي هو العريس امتي هيجي أنا مش فاضي ورايا كتب كتاب ؟!
قالها المأذون لحياة...ارتعشت حياة بقوة وهي تتمسك بفستان زفافها بينما احمد لم يظهر بعد ...بينما مئات الافكار السيئة تدور في عقلها....لا لا...لا يمكن أن يكون هذا حقيقي ...مستحيل ان يتخلي عنها أحمد بتلك الطريقة المهينة ...حبست دموعها بقوة وقالت:
-اكيد جاي دلوقتي يا شيخ بس ممكن يكون الطريق زحمة ..
-يا بنتي انتِ من ساعة قولتيلي نفس الكلام ...طيب اتصلي بيه...
هزت رأسها وهي تتمسك بالأمل :
-حاضر...حاضر هتصل بيه ...
امسكت هاتفها ويديها ترتعش ثم حاولت الاتصال به ...وكما توقعت وجدت الهاتف غير متاح كالمرات السابقة ...
انسابت دموعها وقلبها يرتعش داخل صدرها ...اقترب منها صديق والدها وهو يقول:
-قوليلي بيت اهله فين وانا اروح اشوفه يا حياة ..متخافيش أكيد حصلت حاجة وعطلته ...
نظرت إليه وكادت ان ترد عليه الا ان رنين الجرس جعلها تنتفض ...ضحكت حياة وهي تبكي وقالت:
-اهو جه يا عمو ...ثم اتجاه لتفتح الباب بسرعة وبلهفة ولكنها توقفت وهي تري شاب غريب ...ابتسم الشاب ابتسامة غريبة وقال:
-اكيد انتِ حياة...احمد بعتلك الرسالة معايا دي معاكي ...
اخذت منه الورقة التي كان مكتوب فيها بخط عريض:
-اسف مش هقدر اتجوزك !!
اقتباس من الفصل هحاول انزله النهاردة ادعولي♥️ياريت نشد شوية عشان نكمل ٢٥٠ فوت تقدروا تعملوها♥️
YOU ARE READING
عروس رغما عنها
Romance- -انتِ هنا في بيتي مش في قصر جدك ..والاس*وأ انك مراتي يعني تحترمي الاسم اللي أنتِ شايلاه والا وديني اعمل اللي جدك معرفش يعمله واقت*لك.!! نظرت إليه بصدمة من وقا*حته في التحدث معها بتلك الطريقة .... اكمل هو متجاهلا صدمتها وقال : -وعشان متعكيش معايا...