صياح وهوسة واصوات تكسير والقزاز مالي البيت والسبب هوة سوء تفاهم صار بين امي وابوية بسبب عمتي الحية ... نسرين اكو غيرهة مثلا؟
اول شي خل اعرفكم عني .. اني / البنية الوحيدة بين اهلي الي همة عبارة عن اخواني الثنين وامي وابوية
اسمي تبارك عمري 16 عايشة ببغداد مع عائلتي مواصفاتي / بشرتي قمحية عيوني عسلي شعري يوصل لنصف ظهري قوامي رشيق ..
طبعا امي وابوية يكرهوني حيل ودائما يذبون علية كلام مثل : ( احنة جبناج بالغلط )
( انتِ بنت حرام )..( انتِ مو بتنة )
المهم .. اني واخواني الثنين
سند / اخوية الجبير عمرة 17 هو الوحيد الي لطيف وياية
فهد / اخوية الصغير عمرة 12 وكح بس لطيف
...
ابوية : علي .. عمرة 49 سنة
مواصفاتة / طويل وضخم بشرتة سمرة عيونة سود يلبس دشداشة وغترة ويلزم سبحة
امي : مريم .. عمرهة 36 قصيرة حنطية شعرهة قصير وهي رشيقة تشتغل دكتورة
تزوجت ابوية بأجبار من اهلهة وخلفتنة بالاجبار همين عادتا هي لطيفة وحنونة بس مرا تنفصم وتصير حقودة وتكوم تكرهنة من دون سبب
قبل مدة
.....................
نسرين : خوية هاي مرتك يراد تكص لسانهة شفتهة شلون ترادد امي ؟
علي : اي والله حقج عينهة طالعة هاي المرة
علي : ولج مريييم ( صيح بصوت عالي خلاني اجفل )
مريم : ها خيرك خوما صاير شي
علي : يرادلج تأديب انتِ شو كايمة ماتحترمين نفسج؟
تحاجين امي عدل بعد لا اكص لسانج
.. وكعد يتعارك وياهة تحت نضرات ذيج الحقودة ( نسرين ) واني اباوعلهة بنضرات غل وحقد كأنو اريد احركهة ..
نسرين : يلة خوية اني اترخص بعد .....
مريم : ت.. مكملت كلامهة لان بالفعل سبقتهة وطلعت
علي : لو بيج خير ربي جهالج ربي نفسج .
مريم : ساعة السودة الاخذتك بيهة
من شفتك ماشفت اي خير ضيعت مستقبلي بسببك
ضيعت حياتي وية واحد فاشل وتكعد تسبسب بية ؟
جان يقاطعهة ... ويكول
: انتِ طالك . اخذي ملابسج وروحي لاهلج .
مريم : هه عود يعني راح ازعل ؟
جنت منتضرة هالشي من 20 سنة
كضيت 20 سنة بمرارتهة وياك .. بسس
والجهال ........
علي : اني اخذ ابني الجبير يشيل اسمي الجبير سندي بهالدنية اخذ سند
مريم : واني اخذ ابني الصغيروني المدلل فهد يضل عندي تروحلة فدوة امة
تبارك : واني منو تاخذني البطة السودة ؟
.... بس محد انتبه الية
واكفة بصدمة .. بيووم ولييلة ابوية وامي تطلكوا وابوية يريد الجبير وامي الصغير ..
انتهى كلشي امي وابوية طلعوا من المحكمة
توجهت بتعب لنهر دجلة ... حطيت السماعات بأذاني وضليت ادندن وية الاغنية الاسمعهة
أنت بس خليك يمي خلي انسى وياك همي
انا حاير وين اضمك عيني انت وروحي انت
ودمي دمك ... لحدما دموعهة نزلت ....
ضلت واكفة تباوع على هاذة الهدوء .. صح نهر بس تتوقعون شكد سامع مشاكل ؟
ضلت يم النهر لحد الليل ... جانت بمتاهة وين راح تروح
منو راح ياخذهة ؟
ضلت هواي اسألة تدور ببالهة .
جان تتصل بصديقتهة .. الوحيدة
زينب : ها حبيبتي شنو بعدج كاعدة عبالي نمتي !
تبارك بنبرة مهزوزة : زي ..زينب
زينب : تبارك ؟ شبيج ؟ شصاير احجي
تبارك : ... حجت الي صار كلة
زينب : انتِ وييين هسة عزة بعيني
تبارك : يم نهر دجلة واكفة وحدي منتظرة رحمة الله
زينب : راح ييجي اخوية ياخذج ابقي بمكانج لتتحركين
تبارك : لا والله ماا... مكملت كلامهة لان قاطعتهة ..
زينب : انجبي ولا كلمة انتِ روحي شلون تريديني اعوفج
تبارك : والله ماادري شحجي لو ماانتِ جان هسة شامرة روحي منا ومرتاحة احسلي من هالدنية
زينب : انجبي شنو تريدين تعوفيني وحدي ؟؟
تبارك : لا موهيج بسسس مادري مادري
زينب : ديلة هسة اخوية راح يجي خل اكلج مواصفاتة علمود لتيهين
: طويل ومعضل بشرتة حنطية شعرة طويل شوية يشبه الاندومي لابس بنطرون اسود وهودي اسود
تبارك : ...
زينب : وياية لو دااحجي وية روحي .؟
تبارك : ها؟ لا لا وياج اسمعج
زينب : اي ديلة لعد عود ياخذج ويجيبج يصير خير عود يلة باي راح اسد
تبارك :باي .
YOU ARE READING
2/14
Romanceقصة باللهجة العراقية تتحدث عن بنية مراهقة تعيش ضروف اكبر من عمرهة وهناك تتعرف علة شخص .... مااريد احرك عليكم اقروا القصة وانطوني رأيكم
