اياد: لبوة بابا كافي بجي
لبوة: هو كال هيج اني طكيت كمت ابجي باعلى صوت عندي
اسد: عمو اياد كال بابًا ل لبوة ولبوة تخبلت بحضنه تبجي
وتعيط كامت اترفس برجلها ، نهدي بيها ما تهده اتهسترت بمعنى
الكلمه ..
شكد حاولنا نهديها ماكو فايده كل محاولاتنا بائت بالفشل
جانت ازيد بجي ما تنقص
ضلت هيج تبجي وصحيح لين تعبت وصوتها راح صارت مثل
السكرانه
اياد : ضرغام بابا اخذها لغرفتها
ضرغام: صار ، سندتها عليه ومشيتها شويه شويه الغرفتها
خليتها بالفراش ونزلت شفت عمو اياد لازم مجتبى من ياخته ويريد
يضربه
صحت عمو كول يالله استهدي بالرحمٰن
اياد: هذا اخوك واحد طايح حضن شوف مجتبى والله قسما عضما
وروحه لاخويه اذا بعد اذيت البنات ولو بشعره وادخلت بيهن
اكتلك والخلقك ادفنك هنا انهيك ولك دمرتهن دمرتهن
لك هذني خواتك ولك يالعاق شبيك
مجتبى بصياح : مابيه شي مابيه كلشي جاي اسوي لمصلحتهم
عمي انت تعرف شي اني اعرف شي يعني هسه انت
مقتنع انو اني ازوج هل بنيه بهل عمر لو مو هي مسويه مكسوره
بكبر راسها هاااااااااا هااا
جاوبني و لبوة اني ليش زوجتها لذاك الزوج ليش تعرف ليش
لان لبوة جانت تحبه كلت ليش احرم اختي من الشخص الي تحبه
دام هو رايدها على شرع الله
كل هاي سويته واكثر المصلحتهم تالي اطلع كوا****د
بعد منا وغاد معليه باي وحده بيهم لو يموتن كدامي
هن والحايط تعبت تعبت وتبهذلت اني زواج ما جنت اريد ازوج
انجبرت كلت يلا الخاطر امي ماكو احد يساعدها
مريضه مره جبيره شمدريني امي راح تزوجني حيه ام سبع روس
كلشي جنت اسوي المصلحتهم وجنت اقسى على نفسي في
سبيل اوفرلهم كلشي ليش عمي انت شتدري شتعرف عن الي
عشته تعبت والله
اركض من مكان لي مكان من شعله لشغله من واجب لواجب
من التحاق ل التحاق بس في سبيل ما اقصر عليهم بشي
اول راتب استلمته بعد موت ابويه الله يرحمه قبل لا يموت جنت
هلا ب بالي اشتري تليفون جديد لان مالتي مكسور والصوت كلش
مو واضح بيه ومن اخذت الراتب ما اشتريت اي شي منه لنفسي
كله انطيته بيد امي ومن ذاك اليوم ليحد هسه هياته مبايلي نفسه
شوف صار شكم سنه شكم راتب اخذه واني هامل نفسي
كل هذا ومجتبى مو زين
اسد : اباوع على مجتبى يحجي ومنفعل و عيونه حمر واكل
شويه هابطه دمعه من عينه و يمسحها كبل خلص حجيه وكعد
كالعاده يفرك عيونه وراسه بقله حيره
عمو اياد ضل مصدوم من الي سمعه يحاول شويه شويه
يستوعب
متحمل واستاذن منا وطلع
ضلينا لساعات طويله هيج بس كاعدين ، اذكرت لبوه وكمت
يمها بسرعه دخلت الغرفتها شفتها تهذي وهي نايمه
KAMU SEDANG MEMBACA
كسرة لَبوة
Romansaمشتاكلك كد غيبتك بس خايف اني بشوفتك تلجم جروحي الغافية مشتاكلك يلنظرتك مدري تزيدلي العلل مدري تردلي العافية مشتاكلك شوك الذي جاسة البرد ليل الشتة وحن السوالف دافية مشتاكلك بس كلي انت بيادرب روحي تجيلك حافية قصة حقيقة ! بقلم الكاتبة: كگــٰاف...
بارت 37
Mulai dari awal
