UNICODE
စည်းများခြားသော်***
Segment 22
“ပန်ဆင် ငြိမ်ငြိမ်လေးထိုင်နေပါလား....”
အရှေ့လျှောက်လိုက် အနောက်လျှောက်လိုက်နဲ့
အလုပ်တွေရှုပ်နေတဲ့သူမကြောင့်
ခုံမှာထိုင်ပြီးကြည့်နေရတဲ့သူ့မှာ
ခေါင်းတောင်မူးနောက်ချင်လာသည်။
“မရဘူး ကျွန်မစိတ်မအေးနိုင်ဘူး.....
ကျွန်မတို့နှစ်ယောက်အကြောင်း
လူတွေသိကုန်ပြီ....ရှင်ဘာမှမစိုးရိမ်ဘူးလား....”
“စိုးရိမ်တော့ရောစိတ်ရှုပ်ရုံအပြင်ဘာရှိမှာလဲ
ကိုယ်ကအေးအေးဆေးဆေးနေတတ်တာ
မင်းသိရဲ့သားနဲ့.....”
“အဲ့လိုဆိုရင်တောင်ဒီသတင်းကိုဒီမှာပဲရပ်အောင်
ရှင်လုပ်ရမှာလေ ဘာလို့အဲ့လိုကြီး
ငြိမ်ငြိမ်နေနေတာလဲ.....”
“ပန်ဆင် ကိစ္စတစ်ခုကိုဇစ်မြစ်ကအစရှာဖို့ဆိုတာ
လွယ်တဲ့ကိစ္စမဟုတ်ဘူး ကိုယ်လဲရှာတော့
ရှာနေပါတယ် hacker မှမဟုတ်တာ
တန်းပြီးတော့တော့ဘယ်သိမလဲ.....”
သူပြောလိုက်တော့စိတ်ပျက်လက်ပျက်ဖြစ်သွားတဲ့သူမကလမ်းလျှောက်နေတာကိုရပ်ကာ
ခုံမှာဗုန်းခနဲဝင်ထိုင်၏။
သူမသောကရောက်နေတာမြင်ရဝောာ့
စိတ်တော့မကောင်းပေမဲ့ဒီလိုမှမဟုတ်ရင်
တစ်သက်လုံးလူမသိသူမသိနေပြီး သူ့စကားနဲ့သူ
ပတ်ခံရတော့မှာ.....။
“အခုရိုက်နေတဲ့ဇာတ်ကားမှာသာသက်ရောက်မှု.....”
သူမစကားမဆုံးခင်ဖုန်းဝင်လာတာကြောင့်
အသည်းအသန်ယူကိုင်သည်။
“ဟယ်လို မနွေး မနွေး ရိုက်ကွင်းက
ဘယ်လိုဖြစ်သွားပြီလဲဟင် ပန်ဆင်လာလို့
ရတယ်မလား......”
“ပန်ဆင်ဘာကြောင့်လျို့ဝှက်ထားတာလဲ....ပြီးတော့
ဒီကိစ္စဖြစ်ထားတာဘယ်လောက်ကြာပြီလဲ.....”
မနွေးအသံကအနည်းငယ်မာတင်းတင်းနဲ့မို့
ပန်ဆင် တံတွေးတစ်ချက်မြိုချလိုက်ရင်းမှ
“ကွန်ဒိုပြောင်းတဲ့နေ့ထဲကပါ အဲ့နောက်နေ့
ပန်ဆင်တို့မင်္ဂလာဆောင်တာ.....”
“အဲ့လိုဆိုရင်တောင်နည်းနည်းတော့
အရိပ်အမြွက်ပေးသင့်တယ်မလား.....
အခုတော့ဗြုန်းဆိုင်းကြီး....”
YOU ARE READING
စည်းများခြားသော် {Complete}
Romance"ရှင်ပဲကျွန်မတို့ကြားစည်းခြားခဲ့တာမလား...." "အဲ့တာဘာဖြစ်လဲ စည်းဆိုတာငါကနေဖြစ်လာရင် ငါကိုယ်တိုင်ကအဲ့စည်းကိုဖျက်မယ်..." "ရှင် လူလည်မကျနဲ့...." #နွေနှောင်းငယ်
