အကိုစိတ်ကျေနပ်တာမြင်ရတော့ သူလည်းပျော်ပါတယ်လေ..
"အမှတ်ကောင်းတယ်ဆိုတော့ အကိုဘာဆုပေးမှာလဲ...ပေးပေး.. "
သူက ကလေးငယ်လိုမျိုးလက်ဖြန့်လို့ အကို့ကိုစနောက်ဖို့စိတ်ကူးတယ်။
"ဆုပေးရင် နောက်ပိုင်းကောင်းကောင်းကြိုးစားမှာလား..."
"ဒါပေါ့ ဒါပေါ့... ကတိတစ်ရာပေးတယ်ဗျာ..."
"ကတိတစ်ရာကတော့ ပိုလွန်းသွားပြီ ဝမ်ရိပေါ်.."
"တကယ်ပါဆို.."
တကယ်ပါ ... အကို့ဆီက အရာရာတိုင်းက သူ့တွက်တော့မျော်လင့်စရာတွေချည်းပဲ...
အကိုက ပြုံးရင်းလွယ်အိတ်ထဲကတစ်ခုခုကိုထုတ်လို့ သူ့လက်ထဲထည့်လာတယ်။
"....."
ဘာလဲ... ဒါက သူစောစောကပေးလိုက်တဲ့ ချောကလက်ဝေဖာလေ..
ဒါကိုပြန်ပေးတာလား
သူကြောင်ပြီးမော့ကြည့်လိုက်တယ်။
"ဒါက ကျွန်တော်ပေးထားတာကြီးလေ.."
"မင်းကိုယ့်ကိုပေးထားတာဆိုတော့ ကိုယ့်အပိုင် ဖြစ်သွားပြီလေ... ကိုယ်ပိုင်တာကို မင်းကိုပေးတာ ဘာမှားလို့လဲ.."
"အာ..."
ဒါလည်း ဟုတ်တာပဲ..
"လောလောဆယ်ကိုယ့်မှာ ဒါပဲရှိတယ်"
အဲ့ဒီချောကလက်ဝေဖာထုတ်ကလေးကို ဝမ်ရိပေါ် ဆုပ်ကိုင်မိတယ်..
"ဟုတ်.."
ဘယ်လိုအရာဖြစ်ဖြစ် အကို့လက်နဲ့ပေးမှတော့ တန်ဖိုးမြင့်တက်ပြီးသားပဲပေါ့...
"ကဲ.. ဒီနေ့တော့ ဒီလောက်ပဲ... နောက်ရက်မှဆက်တာပေါ့..."
သူ့အတွေးမဆုံးသေး...
မြန်ဆန်တဲ့အကို့ကျောပြင်က အခန်းတံခါးပိတ်သံနဲ့အတူ အပြင်ရောက်သွားပြီ...
သစ်သားခြံတံခါးလေးကိုဖွင့်လို့ထွက်သွားတဲ့အကို့ကို ပြတင်းတံခါးလေးအသာလှပ်လို့လှမ်းငေးမိတယ်။
အပြင်မှာမှောင်နေပြီ...
ဒါပေမဲ့ ဒီလူအတွက်တော့ သိပ်ကိုသမာရိုးကျတဲ့ အိမ်ပြန်ချိန်တွေပဲထင်ရဲ့....
အကို့ကို အိမ်ပြန်လိုက်ပို့ပေးနိုင်မဲ့တစ်နေ့တော့ ရောက်လာလိမ့်မယ်မျော်လင့်ရတာပဲ...
YOU ARE READING
နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]
Romanceနေရာတိုင်းက အေးခဲနေရင်တောင် ခင်ဗျားနဲ့ပတ်သတ်တဲ့ ကျွန်တော့နှလုံးသားကတော့ အမြဲတမ်းနွေဦးရပ်ဝန်းပဲဗျ.... ေနရာတိုင္းက ေအးခဲေနရင္ေတာင္ ခင္ဗ်ားနဲ႕ပတ္သတ္တဲ့ ကြၽန္ေတာ့ႏွလုံးသားကေတာ့ အၿမဲတမ္းေႏြဦးရပ္ဝန္းပဲဗ်....
ep. 3
Start from the beginning
![နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]](https://img.wattpad.com/cover/305055197-64-k638180.jpg)