زين شدها ل حضنه: استني بس والله كنت سرحان مخدتش بالي قوليلي مالك
فرح بتنهيده: انت كلمت ياسين امبارح
زين: اه
فرح: و قالك ايه
زين: مقالش حاجه كالعاده متشغليش بالك الحلوه دي بس و انا هحل كل حاجه
فرح: طيب هقوم و يلا ادخل خد دش و قامت طلعت بره
عند سلمي و ياسين
سلمي صحت بصت علي ياسين بحزن و قامت حضرت هدومه و نزلت و هو كان صاحي خلص و نزل لقي فرح قاعده
ياسين قرب منها و قعد قدامها و هي دورت وشها
ياسين باس ايديها: حقك علي قلبي والله يا ست الكل مكنش قصدي ازعلك انتي و بابا
فرح لسه هتشد ايديها ياسين مسكها
ياسين: خلاص بقا اسف والله و اسف علشان عليت صوتي مش هتتكرر تاني و بعدين سامحيني بقا منظري وحش قدام العيال اللي نازلين دول دا انا الكبير
فرح: تمام
ياسين: لا طلاما تمام دي يبقي زعلانه برضو طيب قوليلي اصالحك ازاي
فرح: تعامل سلمي كويس
ياسين بتنهيده: حاضر يا ماما
اخواته نزلو الا فرح و سلمي حضرت الاكل
ادهم: ماما فين فرح
فرح باستغراب: مش عارفه والله اول مره تتاخر كده
يزن: هقوم اشوفها يا ماما
قام و راح خبط و هي قالتله يدخل دخل لقاها بتعيط جامد جري عليها
يزن بخضه: مالك في ايه
فرح بعياط: جنبي بيوجعني اوي مش قادره
يزن: طيب اهدي اهدي هنادي ماما تلبسك و ننزل للدكتوره بسرعه و طلع جري ينده امه
يزن: ماما فرح تعبانه اوي تعالي ساعديها تلبس
كلهم قامو بسرعه علي اوضتها
زين بخضه: مالك
فرح: مش قادره يا بابا
زين: اهدي سلمي لبسيها بسرعه
سلمي طلعت هدومها و جريت تلبسها
خلصت و يزن شالها و راحو المستشفي بسرعه
في المستشفي الدكتوره دخلت تكشف عليها و طلعت بسرعه
الدكتوره: لازم تعمل عملية الذايده فورا
زين: طيب يا دكتوره اعمليه
فرح مسكت ايديها: هتكون خفيفه عليها صح
الدكتوره طبطت علي ايديها: هتكون كويسه والله يا طنط متقلقيش و دخلت العمليات
سلمي رنت علي ياسين كذا مره و هو بيكنسل عليها
زين: مين بيرن
ياسين: سلمي
زين بحده: روح رد عليها علشان زمانها قاعده قلقانه
ياسين: حاضر و طلع بره يكلمها
سلمي بتوتر: الوو
ياسين: عايزه ايه
سلمي بحزن من طريقته: فرح بقت كويسه
ياسين: في العمليات لسه مطلعتش
سلمي بخضه: ليه عمليات ليه
ياسين: هتعمل الذايده
سلمي بتوتر و خوف: طيب ممكن اجي
ياسين ببرود: لا
سلمي بحزن: لو سمحت علشان اكون مرات خالو
ياسين بزعيق: و انا قولت لا
زين من وراه: قولت لا علي ايه و بتزعق كده ليه
ياسين: مفيش يا بابا
زين: هات اكلم سلمي و خد منه التليفون
زين: مالك يا حبيبتي عايزه ايه
سلمي بخوف: كنت بقوله يا خالو اجي علشان اكون مع ماما بس مرضاش
زين بحنان: البسي و هبعتلك السواق يا حبيبتي
سلمي بفرحه: بجد يا خالو
زين: ايوا يلا بسرعه
سلمي: طيب يا خالو اديني ياسين
زين فتح الاسبيكر و ادي ياسين التليفون
سلمي بخوف: اجي يا ياسين
زين بصله بمعني ايوا
ياسين: تمام تعالي و قفل و وجه كلامه ل زين
بابا لو سمحت انا مش هعرف امشي كلامي عليها كده
زين: هي جايه علشان خاطر امك و اختك اتعامل بقا ب اسلوب احسن من كده
ياسين بحده: لما اعرف الحقيقه يا بابا
زين: تمام قريب اوي و سابه و مشي
بعد شويه الدكتوره طلعت و كلهم جريو عليها
زين: ايه يا دكتوره هي كويسه
الدكتوره (يمني): هي كويسه والله الحمدلله و شويه و هتتنقل اوضه عاديه
فرح بابتسامه: شكرا
الدكتوره: العفو انا معملتش حاجه عن اذنكم
فرح طلعت و انتقلت اوضه عاديه و كانت لسه نايمه من البنج و كلهم حواليها
زين: اطلع هات سلمي من تحت يا ياسين
ياسين قام: حاضر و نزل
وقف استناها لحد ما وصلت اول ما نزلت لقاها…
يتبع…
الفصل الثالث الجزء التانى
ابدأ من البداية