အိမ်အပြင်ကို ရောက်တာနဲ့ သူ့အနားမှာ လာကပ်တွယ်နေတဲ့ ကြောင်ဝတုတ်လေး အိပ်နေတာကိုတွေ့လိုက်ရတယ်။ ဒီကြောင်လေးဟာလေ
ငပျင်းကလေး။"အိုက်ယား~ ကျင်းကော် မင်းဘဲကောင်းတယ်။
စားလိုက် အိပ်လိုက် နဲ့ ...။ကိုကို ပြန်လာခဲ့မယ် အစာရှာပြီးရင် ဒီမှာဘဲပြန်လာနေနော် သွားပြီ ""Mewoo~"
ကျင်းကော် ဟု အမည်ရှိသည့် ကြောင်ကလေးဟာ ရှောင်းကျန့်ပြောတာတွေကို နားလည်သည့်အလား
အသံပြုလို့ ကြည့်တယ်။သူတို့လို သေမင်းတမာန် အမည်ရှိတဲ့ သေဆုံးသူတွေကို ခေါ်ဆောင်ရတဲ့ အလုပ်လုပ်သူတွေမှာ ထိတွေ့လို့ရတဲ့အရာတွေရယ် ၊ ပိုင်ဆိုင်မှုကိုယ်စီရယ်ရှိတယ်။ ရှောင်းကျန့်အတွက် ပိုင်ဆိုင်မှုကတော့ စက်ဘီးတစ်စီးပေါ့ ။ သူ့အဆင့်က ဂျူနီယာကလေးမို့ စက်ဘီးဖြစ်တာပါ ။သူလဲရာထူးမြင့်ရင်မြင့်သလို ကားစီးနိုင်လာမှာပါ။
" ဒီနေ့အတွက် တာဝန်ကျေဖို့ သွားကြစို့ !"
ရှောင်းကျန့်က ကိုယ့်ကိုယ်အားပေးရင်း မစီးတတ်
စီးတတ် စက်ဘီးကလေးကို စီးရင်း လှိုင်ဂူသဖွယ်ရှိတဲ့ လမ်းကနေ ဖြတ်လို့ မြို့ထဲကို ဦးတည်တယ်။****🎐****
ရှောင်းကျန့် စက်ဘီးလေးက လမ်းမကြီးတစ်လျှောက် စီးနှင်လာတယ်။ သူ့ရဲ့စက်ဘီးကလေးက
-Yibo Wang- 5ကြိမ်မြောက်
ဂီတဖျော်ဖြေပွဲ ဟူသည့် ဆိုင်းဘုတ်နားမှာ
တိကနဲ ရပ်တယ်။ထိုအခြင်းအရာကို ကြည့်၍ ရှောင်းကျန့်က မျက်လုံးတွေပိတ်ကျသွားသည်အထိ ပြုံးတယ် ။
လက်မှ နာရီက Alarm ထမြည်ကာမှ သူဦးတည်ရမဲ့ လမ်းကြောင်းကို အလောတကြီးဆက်လို့ မောင်းနှင်ပါတယ်။_ကျိုးဟွေ့ ဆေးရုံ _
ဆေးရုံထဲကို ခြေချလိုက်တာနဲ့ လူနာမျိုးစုံရယ် ၊သေဆုံးသွားတဲ့ လူတွေရယ် ၊ သူ့လိုမျိုး သေမင်း
တမာန်တော်တွေရယ် က ခြေချင်းလိမ်အောင်
သွားလာလှုပ်ရှားနေကြသည်။နားမှာ တပ်ထားတဲ့ နားကြပ်ကို ဖြုတ်လို့ လည်ပင်းမှာပြောင်းချိတ်ပြီး လက်ကနာရီအချက်ပြတဲ့ သူကြိုရမဲ့ဧည့်သည်ကိုလိုက်လို့ရှာတယ်။ သေမင်းတမာန်အချို့ကို ကလန်ကဆန်လုပ်ပြီး အသာတကြည် မလိုက်တဲ့ ဧည့်သည်တွေ။ သေမင်းတမာန်တွေနဲ့ စကားဖောင်ဖွဲ့တတ်တဲ့ ဧည့်သည်တွေ ။ သူ့ရဲ့ ဒီတစ်ခါဧည့်သည်က ဘယ်လိုမျိုး ဖြစ်မလဲ။
![](https://img.wattpad.com/cover/332893023-288-k682825.jpg)
YOU ARE READING
Love From Two Worlds
Fantasyသေဆုံးခြင်းက ကြောက်ဖို့ကောင်းတယ်...။ အထူးသဖြင့် မင်းကို တွေ့ချင်တဲ့ ဆန္ဒလေး မပြည့်ဝခင် သေဆုံးခြင်းက ပိုလို့ခြောက်ခြားဖွယ်။ _ Xiao Zhan _