فهد بخوف :شنوو طاري الواليدة
♣️الجزء :802
ذكرى ماجاوباتوش
فهد : هضرييييي الواليدة شنووو طاري علاش غوتات عمتي
ذكرى تمتمات : ص صفاء
فهد بسرعة:مااالها
ذكرى:ه هي ه هي
فهد:هضريييي الواليدة
ذكرى: ه هي أ أ ألماس
فهد وقف مشوكي وقرن حاجبو :ش شنو كتقولي الواليدة
ذكرى سرطات ريقها: صفاء هي بنت عمتك ألماس
فهد شاف فيها بصدمة ورجع شاف فصفاء لي مازالة مغيبة فعالم تاني
فهد: متأكدة
ذكرى دموعها بداو كيتسرسبو وماجاوباتش
فهد بصراخ: هدرييييييي الوالييييدة هضريي
ذكرى ببكاء:اه متأكدة لون عينيها نفس عينين بلقيس وزيد نفس التوحيمة حمرة لي كانت فألماس ملي تزادت ، انا أول وحدة شفتها هزيتها بيدي وقلبتها وشفت عندها توحيمة فصدرها
فهد بدون وعي مشى عرا تاني على صدر صفاء وشاف التوحيمة فبزولتها عض على فمو وغطاها ويديه كيترعدو
عقلو فحالا وقع ليه بلووك وبداو أحدات من الماضي يرجعو ليه وهو كيحاول يربط فيهم
_عايشة بوحدها وساكنة فبراكة
_ماعندها حد يتيمة
_لا عندها ماماها لي ماعارفاهاش عايشة ويمكن هربات وخلاتها
-مامسجلاش فالحالة المدنية
هز يديه وحطها على راسو مامتيقش هاد المعلومات كلها لي قدام عينو ومازال مامتيق واقف فحالة صدمة كيحس بكلشي كيضور البيه وكل مرة كيتفكرة حاجة وكيزيد يربطها
-عينيها كيشبهو لعينين باباها
-(دي ان اي ) نتيجتو سلبية وباباها طلع ماشي باباها
-كلامها ملي قالت عمرها مابين 19 و 21 سنة
والماس عمرها 20 سنة
♣️الجزء :803
قرب عندها وشد خدودها بيديه مامتيقش وتمتم بهمس: ح حبيبة و واش بصحة نتي ألماس واش بصح نتي بنت عمتي (عينيه كيدورو على ملامحها وكيفحضوها بشبر بشبر كيشوف جمالها الخرافي لي كيشبه لبلقيس وزيد فرمتها لي هو الوحيد لي شايفها، فيها شبه كبييير من فورمة بلقيس )
واش أنا مكلخ حتى لهاد الدرجة واش كنتي قداامي وأنا ماحااسش ، واش أنا خليت الكلاب ويجريو عليك ومشيت كنقلب عليك فبلاد تانية ونتييييييي قداااامي وكنتي معاااايا بقى ت اني كيفكر بعد عليها وهو مضدوم وبقى
غادي جاي كيفكر وقف وهز يديه وضرب قرعة ديال الزاج كانت فوق الطبلة حتى تشتتات وغوت بصوت عااالي
أجزاء
Start from the beginning
