حفيدة نوره

النهايه

بعد سنه
دخل سعود : شوي شوي ياهُمام
هُمام : بنت اختي !
سعود : بنت اختك ماتحس ؟
هُمام : لا تدلعها بس
سعود : نشوفك مع بنتك
ايلين : سعود امسك حمود شوي
سعود : تعبان دلع محمد ما يخلص
الجد : عاد انت بتشيله خمس دقايق امه من اليوم رايح جايه فيه
سعود : بشيله وش وراي ... زينه ماجات ؟
ملاك : لا باقي
فيصل وهو يركض للباب: الا اسمع صوت غيم
غزل : سعود تاركه!
فيصل : عاد غيم غير
زينه : هلا فيصل
فيصل : عطيني غيم
زينه : بس غيم ! زينه مافيه
الجد : ادخلي ادخلي زينه
زينه : اشتقت لكم
الجده : وانتي دايم مشتاقه لنا
زينه : شسوي عاد !
فاطمه : سعود ترا هُمام بيذبح حفيدتي !
سعود : يخسي والله اذبحه
الجد : اتركوا العيال وتعالوا تغدو
عزيزه : عبدالعزيز وينه ليه مادق  للحين ؟
غزل : والله مدري خاله بس بدق عليه الحين
الجد : اتركوا الولد يدرس مو فاضي لنا
عزيزه : عاد وحيدي بسأل عنه
نايف : لا تخافين دق علي قبل شوي يقول انه بينام
عزيزه : ينام ذا الوقت !
غزل : خاله هم عندهم ليل
عزيزه : اي نسيت بس بغيت اكلمه
نايف : تدقين عليه في الليل
نوال : يلا كلوا
الجده : سعود اترك محمد ومد يدك صاير نحيف
سعود : يمه وش دخل محمد هو ياكل اكلي ؟
ملاك : والله ماندري عنه صاير دب
ايلين وهو تضربها : بسم الله على ولدي منكم
فيصل : وهي صادقه
ايلين : شوف اخوانك بيعطونك ولدك عين
الجد : الله يحميه لكم واذكروا الله
ملاك : نطقطق حنا حتى ولدهم نحيف
الجده : زينه متى ولادتك ؟
زينه : والله مدري الحين السابع انا
الجده ؛ وغزل ؟
غزل : توي الثالث

بعد ساعتين
سعود : جده وينها ؟
زينه : راحت الغرفه
سعود : تعال ياسمي تعال
هُمام : يعني بيجيك ؟
سعود : مابيجي عطني اياه انت
هُمام : استغربت
سعود : والله البيت صار ازعاج كله ورعان
نوال : والله عاد انتم تزوجوا بوقت واحد
فاتن : زمان كنا كذا وانتوا ورعان
زينه: اكيد ماكنت مزعجه
فاتن : انتي اكثر وحده
فاطمه : انا جاني الصداع منهم
سعود ؛ ذا كله من بنت زينه بنتي نايمه
زينه : ولدك لحاله عن عشره عيال صراخه واصل اهل الرياض كلهم
سعود ؛ بسم الله على سميي ساكت
الجد: فيصل كان كذا وهو صغير
سعود : وانا كنت نفس ولدي ؟
الجد : ايه وانت الحين تنزعج منه
غزل : جدي اصبر لك شاهي ؟
الجد : ايوه
فيصل : بتنام هنا ؟
سعود : والله مدري شوف كيف منزعجين من عيالنا ماضنتي
الجد : لا عادي تعودنا عليهم
نوال : كلكم روحوا الا هُمام وملاك
هُمام : ليه ؟
نوال : يازينكم لا عندكم وراعين ولاشي حتى حسكم ما نسمعه
الجده : الله يرزقهم
ملاك وهي تخفي حزنها :اجل بنقعد عنكم كل يوم
فاتن : البيت بيتك فاقدين حسكم
فيصل : ايلين سعود متى نام ؟
ايلين وهي تناظر سعود وبحضنه سعود الصغير نايم : مادري والله
هُمام : وانت ولدك ينام بكل مكان ؟
فيصل : الصغار كذا
الجد : بعد الشاهي على بيوتكم
هُمام : قبل شوي مو تعزم فينا ؟
الجد : انتهت العزيمه
فيصل : غزل البسي عباتك
غزل : بدري على البيت
فيصل : لا بطلعك
نوال : لا تهج فيها البنت حامل
فيصل : حامل بولدي ولا احد بيخاف عليه كثري
نوال : قلت اذكركم
فيصل : عطني سعود
سعود : وين محمد ؟
ايلين :مع ملاك
هُمام لملاك : تبين تنامين هنا ؟
ملاك : لا نطلع احسن
هُمام : وين ودك ؟
ملاك : مادري نروح نمشي
هُمام : ترا الوراعين بلشه اعطيه ايلين
ملاك : لا والله مو بلشه بالعكس حلوين
هُمام : عاد عيال اخوانك مكفين صح ؟
ملاك : لا
هُمام : يجي يجي ما عليك ونوال تعرفينها هرجها كذا من يوم جاتنا
ملاك : ايه ماعليك
هُمام : يلا
الجد : زوجك وينه يازينه ؟
زينه : جاي اتصلت عليه
نوال : لو فيه نواف كان قال روحي معه
زينه : لا يدري انه نواف مع عزوز
فيصل : مايخالف تروح مع اخوها
نوال : ماقلنا شي