Hunter Online

Chapter 146: Orient Crown VS. Daredevils III

[Orient Crown] Knightmare (Noah): Captain, kumanan ka.

Mula sa kanan ay natanaw ko na mas maraming puno sa parteng ito. Agad kong sinunod ang sinabi ni Knightmare sa akin. Kumanan ako at nakasunod pa rin sa akin si Gunner. Napatingin ako sa health bar ko. "Shit nangangalahati na."

[Orient Crown] Knightmare: Huminto ka sa panglimang puno. Kunwari na-corner ka ni bobo.

Agad kong binilang ang puno kong nadaanan at huminto nga ako sa panglimang puno. Humahangos akong nakatingin sa kaniya. Inilagay ko sa likod ko ang violin ko at hinawakan ang violin bow ko at naging isang espada ito.

"Tingnan natin kung malalapitan mo ako, Shinobi." Nakangiti nitong sabi at ikinasa ang dalawang baril na hawak niya.

This is bad. Kung sunod-sunod na skill ang gagamitin niya ay paniguradong ma-e-eliminate ako sa laro.

Bawat hakbang niya ay lumalakas ang kabog ng dibdib ko. I mean, Callie is the keyholder and shotcaller kung kaya't okay lang din naman kung ma-eliminate ako dahil hindi ganoon kalaki ang impact noon sa grupo. But still, gusto kong tumagal sa laban at makatapat sina Thaddeus.

Isang hakbang pa ang ginawa ni Gunner at ilang metro na lang ang layo niya sa akin. Nagpaputok siya ng baril at mabilis kong pinihit ang aking leeg para maiwasan ang balang papatama sana sa aking ulo. Seryoso akong nakatingin sa kaniya at may butil-butil na pawis ang bumababa mula sa aking noo.

"Yahooo!" Parehas kaming nabigla noong may isang tinig kaming narinig mula sa itaas—Si Knightmare. Holding his scythe he swing it towards Gunner. Hindi ito inasahan ni Gunner, naiwasan niya man ito ay nawalan naman ito ng balanse dahil sa pagkabigla. "Captain, ngayon na!" Knightmare shouted.

Mabilis akong tumakbo tungo sa direksyon ni Gunner. Ilang beses siyang nagpaputok ng baril ngunit sinalo ni Knighmare ang mga balang iyon dahil mas puno pa ang health bar niya kaysa sa akin.

Hindi ko na hinintay na makatayo si Gunner. Malakas ko siyang sinipa sa mukha dahilan para mapagulong siya sa buhanginan.

Sword fire.

Nagkaroon ng apoy ang espadang hawak ko and I sliced Gunner upward. "Sino ngayon ang ma-e-eliminate ng maaga sa laban?" Nakangisi kong tanong sa kaniya. "Knightmare!"

Biglang sumulpot si Knightmare sa likod ko and swing his Scythe multiple times.

[Daredevils] Gunner was eliminated by [Orient Crown] Knightmare!

Nag-apir kami ni Knightmare. "Nice save, Noah!" puri ko sa kaniya. Kumuha ako sa inventory ko ng ilang mga potion at mabilis na ininom. Unti-unting naghilom ang mga sugat ko.

"Mabuti na nga lang at narinig ko ang putok ng baril ni Gunner kung kaya't chineck ko 'yong lugar." Paliwanag sa akin ni Noah. "Sayang nga lang at hindi siya ang keyholder."

"Imposibleng keyholder 'yang si Gunner. Kung siya ang key holder, hindi papalag 'yan." Paliwanag ko sa kaniya. "Kailangan na natin pumunta sa light house."

Matapos mapuno ang buhay ko ay nagsimula na kami ulit ni Knightmare na maglakad. "Napansin ko lang, Captain! Noong huling laban din natin sa Daredevils ay tayong dalawa rin ang magkasama. Mukhang tayo ang destiny na maging duo at hindi si kuya Dion. Do you get déjà vu?" Pagkanta niya pa.

"Pangit ng boses mo." Reklamo ko sa kaniya habang pinagmamasdan ang buong paligid dahil baka may biglaang atake na naman ang mangyari sa amin. "Malas tayo kapag tayo ang magkasama, eh." Biro ko sa kaniya.

"Ay grabe Captain! Alam mo kung sino ang malas? Si Kuya Larkin! Tingnan mo noong sinundan ko siya sa Talon na-deads ako. Malas sa grupo amp."

Nakarating kami sa light house at nakasilong mula sa initan si Rowbinhood (Robi) at Nodaichi (Larkin).