الگـاتبه بّـنٌتُ مِـهِدُيّ🫀❤
هلي قبل لا احجي انتم حسوا بيه
هلي مو مال اوصيكم عليه..!!
🦋... 🦋
فتحت عيوني واباوع للساعه شفتها بالتسعه واليوم جمعه بس بعدني نعسانه هسه اني لازم كل ليله اكضيلي اربع ساعات بالفراش مشى النهار كله جان درست للامتحان ولو تعودت اكضي وكت واسخت و من توصل للدراسه اأجلها قبل الامتحان بـ ساعه يالله ضميري الدراسي يكون تحت السيطره ،
كمت بدلت على السريع ومشطت شعري ولازم مضيعه القراصه مثل كل مره ومن اريد اربطه اضل ادور عليها لفيت شعري اخذتلي نظرة ع حور وحوراء وحده نايمه فوك الثانيه جنهن كوالا لمن يشبك الشجره حور الكوالا وحوراء الشجرة عفتهن و نزلت لكيت مرت عمي بالمطبخ.
زمــرد:-صباح الخير عمه.
غنى:- صباح النور من شوكت كاعده ؟
زمــرد:- ماصارلي هواي توني كعدت.
غنى:- جا ماكعدتي البنات وياج.
زمــرد:- شفتهن نايمات وحده فوك الثانيه وكلت خطيه شوي واصعد اكعدهن.
غنى:- عوفيهن نايمات وراهن امتحانات.
زمــرد:- اي عمه حتى اني عندي امتحان.
غنى:- انتي تبطلين وتكعدين بالمطبخ هنه وراهن مستقبل وشهايد لازم يدرسن.
دارت وجهه تكمل طبخ.
خليت القوري على النار افكر بكلامها الي مراضيه بي ابد وكلت بداخلي بسبب التفرقه المبينه ذيج هي كوضوح الشمس واني شنو فرقي عن حور وحوراء وقررت ادرس اذا ارسب تاخذها عمتي حجه حتى تبطلني ماحسيت على نفسي بس من كلت،
زمــرد:- بعيده عن سنونها بالعباس.
غنى حجتها بحاجب مرفوع:- شنو.
زمــرد:- ها.
غنى:- شنو ها شكلتي.
زمــرد:- كلت بس يخلص الجاي اروح انظف البيت.
غنى:- كملي بسرعه واريده احلى من وجهج يجوونه خطار العصر وتعاي حتى تساعديني.
زمــرد:- صبيت جاي واخذت الكوب واني امشي واباوع للبيت والمكان الوصخ اخزره كملت و كمت شديت الدشداشه ورفعت شعري حتى لا يضايقني،
وخرت كلشي من لكاع وطشيت ماي وضليت امسح بالارضيه،
وواني اغني واتمايل
هو بالحسن باليني بلوا
احلى من القمر وشوي اضوا
توه بالعشق ياعمه توه
YOU ARE READING
جنـاح الشمــس
Romanceاليس مايحكۍ لنا عن الجناح ليغطي ويضلم لماذا في كل مره هو من يعتم كان جناحناً يمد لينشر النور لان جناح الشمس كعشقنا تماماً مصدر ضوء الافق لا ينتهي وليس له نهايه اطلاقاً
