الجزء الثالث من قصه ـ في ضريح العشق حمامه ....💙🕊

التاسع والعشــــرون 💖

وصارلي شهر ونص ماشفت مُــخلــد ومااصدگ هو ما شافني اعرف اسلوبه.
روحي تشتاگ اله هواي وبعدني متبعه اسلوب مااخلي يبين عليــــٓــه.

و بڪل طريقه حاولت الهي نفسي بدراستي وفرحانه بوجود احبابنه حوالينه اللي بوجودهم رمضان يڪون اجمل.

بس هيهااات محتل افڪاري وبڪل لحظه هو ابين عيني.

ورغم صار عدها علم بڪل شي هيا جايبه وياها البدله اللي ڪانت ڪلش عاجبتني تگول حسيت اڪو شي منعج بيومها ان تاخذيها وادري ڪلش عاجبتج واني وامي اشتريناها من يوم رجعتو للعراق.

اعتبريها فال خير رديت ان شالله خير بس ابد لاتفڪرين تجيبيها.

والملابس اللي جايبتهن ما يقلن عن جمالية البدله. تعرف شنو احب والواني المفضله.

وتحدد موعد زواج ٵنس وهيا بشهر السادس. اللي ؏ اساس يڪون بشهر العاشر.

انس منتظر التعيين وابوي اقترح يبنون طابق ثالث. وصار الاتفاق ؏ هذا الاقتراح.

متمنين يڪون زواج اوس وانس بنفس اليوم ومنتظرين ترتيب القدر لحال اوس.

مرت ايام شهر رمضان ونفس الحال و وصلنا لمنتصف الشهر والفطور ابيت جدو. وخالتي عنيده نورتنا اليوم.

قرب وقت الاذان ونمدت السفر بالحديقه والڪل مخبوصين بنقل الاڪل من المطبخ ومن يم الشوايه.

ونور تلح تريدني امشي وياها ننقل الاڪل من يم ابوها اللي گاعد يشوي.

واني قنعتـــها تعالي شوفي القمر شگد حلو ومڪتمل ويشرق من مشرق الشمس.

اقتنعت بڪلامي وگعدت بصفي واني اسولف الها عن القمر وهي گالت تعالي خلي نگول لابوي ياخذنا للقمر.

لانور مو لهاي الدرجه هسه يسمع يگول هالله هاالله عليه بطلباتجن.

ياربي شگد غاليه عندي اموووت عليها اتمنى اضمها بروحي واشوف بيها نفسي وڪلهم يگولون نسخــــٓــه منج.

ومن هسه تحب الفروسيــــٓــه وتريد تتعلم.

مبطله من ڪلمــــٓــة ميمــــٓــة وهسه تگول ٵختــــٓــي.
ورجعت تگولي ياله نجيب فطور مو اني صايمه وهي مو صايمــــٓــه حبيبتي.

گلت ماڪملنا الڪلام عن القمر.

ماسمعت مني وراحت لابوها. واني من بداية وقفتي وتٵملاتي لان هاليوم يذڪرني بالليوم اللي اتقدم الي وعقدنا شرعا ودايم يگولها الي احتاريت ؏ ياقمر منهن اباوع.

وقمر السما ڪان يعڪسلي ضوا عيونج تنهدت بحسره واگول وهسه تفڪر بيه مثل ماانت محتل ڪل تفاصيلي وتفاصيل يومي.

يتهنا الشاغل بالج گالتها الماســــٓــه واخذت ايدي نهضت.

گلت متهني ومرتاح واني گلبي متعذب ومهدود حيلي ابتسمت وگالت ان شالله تتهنون اثنينڪم وان شاء لله بعد العسر يسر. وبعد ايام العجاف ايام خير.