الجزء الثالث من قصه ـ في ضريح العشق حمامه ....💙🕊

التاسع والعشــــرون 💖

وممكن يڪمل الرهان والاتفاق مانتراسل ولانتصل ابعضنا.

تعبت وما لگيت جواب لاسٵلتي.

ومر بعد اليومين والثلاث والاربعه ونفس الحال.
حاولت اتناسى والتهي بدراستي واجمع معلومات واطلع ؏ تقارير وبحوث علميه.

وبيوم تواجدنا بالمنظمه خبرتهم حابه تخصص الاطفال مستقبــــٓــلا.

بس ما لاقيت تشجيع لا من ابو الحسن ولا ڪرستين وگالو خليج ؏ طموحج الاول. وابحثي بالمعلومات عنه افضل.

تناقشنا واقتنعت بــ افڪارهم ومنو مايقتنع والنقاش وياهم.

ورجعت افڪر بطموحي اللي اختاريته مسبقا واتعمقت بي ولهناكــــ ويروح تفڪيري اله.

شنو غايتــــٓــه من هذا ڪلــــٓــه؟؟؟

لحد الان لاسٵل ولا رد ؏ رسائلي. وارجع اعذره بس بداخلي دمار وقدر امڪاني ما اضهر هالشي.

نورتنا الماسه ومهند واولادهم ڪلش مشتاقين الهم ومن سافروا لحد يوم نزولهم يمڪن ما مر يوم الا وذڪرناهم.

وخاصه موده هذه الها مڪانه خاصه ڪلش عند ابوي ويگولها بجد مو مزح من تستقرون بالعراق نسويها قسمه عادله موده يوم يمڪم ويوم يمنا.

وميوس مثل حماها الغائب الحاضر تگولي هاي المرحله الاخيره من الطب من توصلوها تنطي جماليه لو شنو السر تجننين صايره وتطيرين ابراج العقل.

سٵلتني عن اخباري رديت بدون مااذڪره ولاهي ذڪرت شي عنه حتى بعد ما راحت لبيت اخوالهم وادري هو موجود يمهم.

ومو من طبعها ماتذڪره گدامي.

بينما سمعتها تذڪره من ڪان الڪلام وي امي ومرام اللي تتمنى تجيها بنت وهي تتفرج حرڪات موده اللي تاخذ العقل وهي لابسه بدلــــٓــة راقصات الباليـــٓــه ورديه والبوند والحذاء وياها.

وتگول عمها مُــخلــد جابها الها وتڪمل الڪلام عن ذوقه وتوصفــــٓــه ڪلش ذواق وڪل الهدايا اللي جايبها تجنن.

لعد لو تشوفين ملابس الفرسيه اللي جايبها لموده وفيت قياسها ڪلش لايگات الها وياهن البوت. يگول اڪيد تطلع فارســــٓــه منين تميل تغرف عمها فارس وخيال وخالها الحيد. ومهند شبعنا ضحك.

يگول ﭼـــا وابوها مو فارس وخيال؟؟؟

شنو ابوها الحارس مال الاسطبل مالت خيــــٓــول عمها وخالها؟؟
لو الگهوجــــٓــي مالتڪم؟!!

وڪملت ڪلامها بضحك عن مهند.

تنــــٓــهدت وسويت نفسي مشغوله بالمحاضره اللي بيدي.
ترڪتها وصرت اڪتب عنه وعن اشتياقي اله.

وبعد ما نورتنا الماستنا بــ ايام قليله نورونا بيت خالوا ابو هيا. بالضبط وي بداية شهر رمضان.