"အရေးကြီးလို့လား သုတ"
လေးနက်တည်ကြည်သည့်အသွင်ဖြင့် မေးလိုက်သည့်အခါ သုတ၏မျက်နှာတွင်လည်း လေးနက်သည့်အသွင်၊စိတ်ပူပန်နေသည့်အသွင်တို့က အထင်းသား။ထို့နောက် အဂ္ဂအနားသို့တိုးကပ်လာကာ....
"ကျွန်တော်တို့ သီးသန့်စကားပြောမှဖြစ်မယ် အစ်ကိုငယ်"
သုတသည် အဂ္ဂအားပြောပြီးပြီးချင်း မဟာ့ဘက်သို့ခေါင်းတစ်ချက်ညိမ့်ပြသည်။မဟာက အလိုက်တသိဖြင့် လွန်းထံလျှောက်သွားသည်။
"ကိုယ့်ညီလေးက ဒီနေ့လက်ထပ်ခွင့်အတောင်းခံလိုက်ရတာဆိုတော့ ခံစားချက်လေးတွေပြောပြပါဦးကွာ"
လွန်းသည် အဂ္ဂအား တစ်ချက်မျှခွင့်တောင်းသလိုလေးကြည့်ကာလိုက်သွားသည်။လွန်းတို့ထွက်သွားတာသေချာမှ သုတက သက်ပြင်းချကာပြောလာသည်။
"အစ်ကိုငယ် ဦးခွန်စဝ်သွေးနဲ့ဦးကျော်စွာထွဋ်ခေါင်ကိုသိလား"
ထိုနာမည်နှစ်ခုကိုကြားသည့်အခါ အဂ္ဂ၏မျက်ခုံးတို့ကတွန့်ချိုးသွားသည်မှာသိသိသာသာ။ထို့နောက် "ဘာဖြစ်လို့လဲ ဆက်ပြော"ဆိုသည့်သဘောဖြင့် မေးတစ်ချက်ဆတ်ပြသည်။
"ကျွန်တော် သူတို့ကိုမြေအရောင်းအ၀ယ်စာချုပ်ချုပ်ကတည်းက သိပ်ပြီးမသင်္ကာလို့ သူတို့အကြောင်းလိုက်ပြီးစုံစမ်းနေခဲ့တာ"
"အင်း ငါပြောစရာရှိတယ် သုတ"
သုတသည် မွေးစားညီဆိုသော်လည်း ငယ်ငယ်ကတည်းက အတူတူနေလာခဲ့ကြပြီး ညီအစ်ကိုရင်းပမာဖြစ်နေခဲ့၍ သူ့အကြောင်းမှန်သမျှမချွင်းမချန်ပြောပြနိုင်ခြင်းဖြစ်သည်။လောကတွင် သွေးရင်းမတော်စပ်သော်လည်း သွေးရင်းထက်ပို၍ရင်းနှီးပြီး ယုံကြည်ရသောသူရှိခြင်းသည်လည်း ကံကောင်းခြင်းတစ်ခုပင်ဖြစ်သည်။
"ငါ ဟိုနေ့ကဖိုင်တွဲတွေသိမ်းထားတဲ့အခန်းမှာ အဲ့နာမည်နှစ်ခုကိုတွေ့လိုက်တယ်၊တွေ့လိုက်တဲ့ဖိုင်က ငွေအလွဲသုံးစားမှုတွေကိုမှတ်ထားတဲ့ ဖိုင်ထဲမှာ.."
YOU ARE READING
ချစ်ခြင်းတည်စေ
RomanceSeme~အဂ္ဂခွန်းပိုင် Uke~ခန့်ညားလွန်းမောင် မိဘမဲ့တစ်ယောက်ဖြစ်တဲ့ ခန့်ညားလွန်းမောင်။အဒေါ်မိသားစုရဲ့နှိပ်စက်မှုဒဏ်ကိုအမြဲခံနေရပြီး မြေအိုးထမင်းဆိုင်လေးမှာအလုပ်လုပ်ရင်းဘုရားသမိုင်းတွေကိုရှင်းပြရတဲ့ကောင်လေးတစ်ယောက်။သူ့ဘ၀ရဲ့အမှောင်မိုက်ဆုံးအချိန်တွေမှာ ခရ...
Part-35
Start from the beginning