بين جنوني وبرأتك أنتقام (الأصلية)

بارت 14

السلم عليكم حبايب رجعنه بارت جديد كتبته بسرعه. والله وبدون مراجعة والحداث الجايه تموت تفاعلو حته انزل الكم بسرعه ودمتم في رعاية الله وحفضه

تفاعلو على البارت رحمه للحسين 😂

—————
جنات بنت الجنوب
—————————
هيه مو فركه وجرح خاطر يطيب
هيه كسرت خاطر وشامت ظحك

,,,,,,,,,,,,,,,,,,,,,,,,,,

،

،
حازم، ،صار 3ايام من رجعنه واني وباقر مامبطلين ندور بس الي مخرب علينه ابوي مايرضه لا نخبر الشرطه ولا اكول الاحد يخاف من حجي الناس ومكانته بين الناس واني نار تسعر بنص روحي جدي وعمي حسن ومرته وبناته ومرت جدي كلهم عدنه وباقر وياي ماعافني ابد گعدت من النوم العصر هستوني صحصحت ودك تليفوني رقم غريب فتحت خط واجاني صوت اعرفه صوت هارون حجه حجي يبس عروگي طلعت اركض للباب وجدي وباقر وبوي وكلهم وراي عبالهم مدري شكو ويه طلعتي واهلي وراي طبكت سياره بل باب شوي واني اباوع عليهه والهث مادري تعب خوف طلعو ولد من السياره اخوة هارون عرفتهم وفتحو الباب ونزلت عمتي ونزلت وراهه خزامي بهتت روحي واني اشوفهه گدامي وشفتهه مجروحه من جوه

بدر، ،بدريييه 

بدريه، رحت يم بدر وعيوني بعيونه واني احجي بغصه، ،اي بدريه

خزامي، ،ركضت على حازم حضنته واجتني امي دموعهه بعينهه حضنتهه واني ابجي بصوت

سيد علي، ،والد بدريه )شجابج ولج بدريه شجابج

بدريه، ،درت وجهي على ابوي اباوعله بلهفه وشوك كبران ولشيب غازي ملامحه بل كامل وزايده هيبه وقار ملت راسي وعيوني تحجي عتب وشوك طلعت مني الحجايه كوه ولغصه مصيطره على صوتي

بويه هاذ ستقبالك الي واني صار سنين ماشايفتك

سيد علي، ،،ماريد شوفتج ياعار

بدريه، ،اني عار ?

حسن، ،اخو بدريه الثاني) شجابج بدريه ماتدرين دمج مهدور

بدريه، اباوعلهم بصدمه اباوع بوجوهم واحد واحد اريد واحد يفهمني، ،

شنو دمي مهدور شمسويه اني

سيد علي، ،كل السويتي وشمسويه واج خليتي راسي بل طين

بدريه، ،ماعاش ليخلي راس سيد علي بل طين راسك عالي من يوم يومك مو بدريه التنزل راسك

باقر، ،ياجماعه فوتو جوه مو بل باب الناس تباوع علينه

بدر،،مالهه طبه البيتي واني وياهم كوامه بتي شسوي عدهم

بدريه، ،اني ماضل بيتك يابن امي وخوي بس اريد اعرف ليش هيج ابوي يحاجيني يابدر شذاب عليه من جذب

بدر، ،ماذاب جذب ولا شي رجعي منين ماجيتي

بدريه مامشي منا افتهم الحجي كله