" အထူးကြပ်မတ်ဆောင်ထဲမှာ ၊ အခြေအနေကတော့ ပုံမှန်ဖြစ်သွားပြီ "
" တော်ပါသေးရဲ့ ၊ တစ်ခုခုဖြစ်သွားမှာစိုးလို့ ဘယ်လောက်တောင် စိုးရိမ်နေခဲ့လဲ သိလား "
ချစ်ရသူက မျက်ရည်ကျတော့လည်း နှိုင်းမှာ မနေသာ ။ ထွေးပွေ့ခြင်းဖြင့်သာ နှစ်သိမ့်မှုပေးနိုင်သည့်အခြေအနေ ။
" ခ "
မကြာမှီမှာပင် နေသူရာနှင့် နွေကန္တာဦး၏ ဖခင်က ရောက်လာတော့သည် ။
" ကန္တာ ဘယ်လိုနေသေးလဲ "
" အထူးကြပ်မတ်ဆောင်ထဲမှာ ၊ သိပ်စိတ်မပူပါနဲ့ အန်ကယ် ။ ဆေးအရှိန်ကြောင့် နိုးမလာသေးတာပါ ။ "
နွေကန္တာဦး၏ ဖခင်က အထူးကြပ်မတ်ဆောင်ထဲသို့ မပြေးရုံတမယ် ခြေလှမ်းများဖြင့် ဝင်သွားသည် ။
" Paraplegia သူရာ "
" ဟင် "
နေသူရာ တုန်လှုပ်သလို သူမလည်း ထိုနည်းတူ ဖြစ်ခဲ့ရသည် ။ လွန်းကလည်း နှိုင်းမခကို မော့ကြည့်လာသည် ။
" သေချာရဲ့လား "
" သေချာ မစစ်ဆေးရသေးပေမယ့် သေချာသလောက်ရှိတယ် သူရာ ၊ ကျောရိုးမ ၆ အောက်ကို response ပြန်မလာတော့ဘူး "
" CT ရော "
" MRI ရိုက်ထားတယ် ၊ result တော့ မရသေးဘူး ။ "
ထိုနေ့ညတွင် မိုးကလည်း တစ်ညလုံး သည်းထန်စွာ ရွာသွန်းနေခဲ့သလို ၊ မိုးသံနှင့်အပြိုင် အော်ငိုနေသော နှလုံးသားတစ်ခုလည်း ရှိခဲ့သည် ။
-
နဖူးဆီမှ စပ်ဖျဉ်းဖျဉ်း ခံစားချက်ကြောင့် လေးလံနေသော မျက်လုံးများကို ဖွင့်လိုက်သည် ။ တောင်ပေါ်မှ ပြုတ်ကျထားသကဲ့သို့ တစ်ကိုယ်လုံး နာကျင်နေရသည် ။ ညာဘက်လက်သည်လည်း လှုပ်၍ပင်မရ ။
" သမီး ၊ နွေဦးလေး "
" ဒယ်ဒီ "
ဖခင်ဖြစ်သူ၏ အသံကို ကြားတော့ လုံခြုံသည်ဟူသော အသိစိတ်က ဝင်လာသည် ။
" နွေ လှုပ်လို့မရဘူး "
ခေါင်းရင်းဘက်ဆီမှ တီခနဲ အသံကို ကြားလိုက်ရသည် ။ ဆရာဝန်ခေါ်လိုက်ခြင်း ဖြစ်မည် ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
