" ဟေ့ defid ပြင်ပေးလိုက်လေ ၊ ဘာလုပ်နေကြတာလဲ ။ ဒုက္ခပဲ "
ထိုအခါမှ defid တစ်ခုက လက်ထဲ ရောက်လာတော့သည် ။
" 100 "
" 1 2 3 လွှတ် "
နှလုံးခုန်နှုန်းမှာ ပြန်တက်လာသည် ။ သို့သော် ခဏတာသာ အလုပ်ဖြစ်ပြီး ပြန်ကျသွားသည် ။
" 150 တင် "
" 1 2 3 လွှတ် "
ယခုတစ်ခါတော့ ပြန်ကျမသွားတော့ ။ defid ကို ပစ်ချကာဖြင့် ရင်ဘတ်ပေါ် လက်တင်ကာ နှလုံးခုန်နှုန်းကို ထိန်းချုပ်ရတော့သည် ။ မော်နီတာမှ မျဉ်း၏ အနိမ့်အမြင့်က ပုံမှန် ဖြစ်လာသော အချိန်မှ လက်ကို လွှတ်လိုက်သည် ။ နှိုင်းသည်လည်း အတော်ကို မောဟိုက်နေလေပြီ ။
" လောလောဆယ် ပြင်ပဒဏ်ရာတွေကို အရင်စမ်းသပ်မယ် ၊ CT ရိုက်ဖို့လည်း ပြင်ပေးကြပါ ။ "
ရုတ်ရုတ်သည်းသည်းအခြေအနေကို ကျော်ဖြတ်ပြီးနောက် နွေကန္တာဦးသည်လည်း လူနာခန်းအတွင်းရောက်သွားတော့သည် ။
" သူငယ်ချင်းလား "
နေသူရာအားခေါ်ဆိုထားပြီး လူနာဆောင် အပြင်ဘက်တွင် ထိုင်နေစဉ် နှိုင်းကို ဝင်ခွင့်ပေးခဲ့သူက အနားရောက်လာသည် ။
" အင်း ဟုတ်တယ် ၊ ဝင်ခွင့်ပေးလို့ ကျေးဇူးပါပဲ "
" ဒေါက်တာ နှိုင်းမခရဲ့ အရည်အချင်းကို မျက်ဝါးထင်ထင် မြင်တွေ့ခွင့်ရခဲ့လို့ ငါက ပိုပြီး ကျေးဇူးတင်ရမှာပါ ။ "
" အစ်မ "
ကြားလိုက်ရသော နာမ်စားကြောင့် ချက်ချင်းမတ်တပ်ထရပ်မိသည် ။
" လွန်းငယ် "
" အစ်မ ဘာဖြစ်သွားသေးလဲဟင် ၊ ဘယ်နေရာထိသွားလဲ ။ "
လွန်းက နှိုင်း၏ ခန္ဓာကိုယ်ကို စစ်ဆေးကြည့်ရှုကာဖြင့် ပြာပြာသလဲ မေးတော့သည် ။
" အစ်မ ဘာမှ မဖြစ်ပါဘူး ကလေးရဲ့ "
" သွေးတွေ ! "
နှိုင်း၏ အင်္ကျီတွင် စွန်းထင်းနေသော သွေးကွက်များကို ကြည့်ကာဖြင့် လွန်းမှာ မျက်ရည်ဝဲလာရသည် ။
" အာ ဒါ ကန္တာ့သွေးတွေ "
" သူရော ဘယ်လိုနေသေးလဲဟင် "
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
