أحد متابعينا بعت المشكلة دي علي صراحة وحقيقي مشاكل الخطوبة بتخلي البنت ف حيرة من أمرها هل تتنازل وتعمل نفسها مش شايفة لمجرد ان الخطوبة تكمل وتقنع نفسها انه بعد الجواز هيتغير ولا المفروض تعمل ايه خصوصا ف المجتمعات اللي بتعتبر سن البنت مقياس لصالحيتها للجواز ولا لا
أتمني اللي عنده اجابة نابعة من المنطق وليس من الاهواء الشخصية والمشاعر يساعد.رأيي الشخصي فانا شايف ان كل اللي بيحصل ف فترة الخطوبة هيحصل اضعافه بعد الجواز لأن فترة الخطوبة هي أول خطوة حقيقية بياخدها أي شاب أو بنت ف أنهم عايزين يعيشوا مع بعض ويكونوا أسرة وفترة الخطوبة المفروض بتمون اكتر فترة كل واحد بيحاول يظهر فيها قد ايه هو مثالي وانسان صعب تلاقي زيه وشاريك ولو كان التمن روحه وطبعا المشاعر دي والاهتمام ده ده بعد الجواز هيقل غصب عن الكل نتيجة للمسؤوليات والمشاغل بس لو هو اصلا من فترة الخطوبة قليل وبيحصل مشاكل زي كده يبقي بلاها, انا عارف ان الأهل مش بيبقوا متقبلين فكرة ان بنتهم تخطب وتفسخ وبيعتبروا ده حاجة وحشة وانها هتعنس جمبهم بس معملوش حساب انها ممكن تتجوز وتخلف وتطلق لأنها مبقتش طايقة ومعملوش حساب انها ممكن تبقي مجبرة علي انها تعيش مع واحد مش طيقاه فتفضل تدعي ليل نهار عليهم ومتفتكرلهمش اي حاجة كويسة انا شايف انك تصلي استخارة تاني وتشوفي الاشارات اللي ربنا هيبعتهالك مضهونها ايه ومن خلالها هتحددي ايه الأفضل ليكي.
أنت تقرأ
مع بعض نقدر
Romanceدايما بتواجهنا مشاكل ومش عارفين نخرج منها وبيبدأ ينمو ويكبر جوانا احساس اننا وحدنا وبنغرق فنقفل علي روحنا الأبواب ونغرق ف ضلمة مبتنتهيش. الكتاب ده اتعمل عشان كل واحد نفسه ف حل لمشكلته, او نفسه يشاركنا بقصة أثرت فيه ونخرج منها بدرس, او موقف حصله وغي...