" خليكي كدة قاعدة لوحدك زي خيال المآتة مش لاقية حد يعبرك " تحدثت تنسيم بسخرية
" لا ومين قالك ان محدش معبرني! " تحدثت بغضب وهى تحاول كبح دموعها
ضحكت " هو انا محتاجة حد يقولي!؟ "
" بقولك ايه!..ما انا مرتبطة "
" لا يا شيخة!! " ضحكت ثم تابعت " على ماما؟ " ثم جلست امامها وحدقت بها وتحدثت بتحدي فهى تعرف انها كاذبة " طب ما تعرفينا عليه بقى بقالك سنة بتقوليلي هعرفك عليه..اه نسيت اصله مش موجود اصلا دي مجرد كلمة بتقوليها تداري بيها نقصك..اياكي الاقيكي بتبصي لحبيبي تاني..بس انا عذراكي اصلك وحيدة بقى وكدة"
" انتِ واحدة مش محترمة انا عمري ما بصتلكوا!..وهعرفك على حبيبي قريب اوي وهتشوفي!"
تحدث بحدة وامتلأت عيناها بالدموع
" ده لو موجود اصلا انا سامعة الحجة دي من زمان اوي اوي لدرجة ان عندي يقين انك بتكدبي اصلا "
نظرت اليها وامسكت بحقيبتها وهرولت للخارج جلست على السور وبمت بقوة
" هعمل ايه انا دلوقتي!..انا معنديش حد اصلا!..هو مش عيب ميكونش عندي حد انا مش اقل منهم انا بس..انا! " لم تكمل وظلت تبكي
" قوم..قوم روحلها!! " تحدث علاء صديق ياسين
" اروح لمين؟ "
" قوم يا ابني فرصتك جت دلال بتعيط وقاعدة لوحدها شوفها مالها انجز! "
" دلال! " تحدث بسعادة وهرول اليها سريعا
" دلال..مالك بتعيطي ليه؟..حصل حاجة؟ " تحدث بتأثر فنظرت اليه
" وانت مالك! "
" وانا مالي!؟..انا بس عايز اشوفك مالك لو حد ضايقك قوليلي "
" هو انت تعرفني اصلا!؟ "
" اه اعرفك..اوي كمان..بس ممكن نتكلم براحة من لازم تزعقيلي كدة "
مسحت عيناها ونظرت اليه بعيناها الحمراوتان
" انا اسفة انا بس متضايقة شوية " تحدثت بندم
" ولا يهمك..لو مستحملتكيش انا يعني مين يستحملك"
تحدث بعفوية فنظرت اليه بتعجب " نعم؟! "
نظر اليها بصدمة وحرج " لا لا آسف مقصدش..المهم بتعيطي ليه؟ "
" انت اسمك ايه؟ "
" انا ياسين كنت السن لغات شرقية وبعمل دراسات عليا دلوقتي "
" اه..وانا دلال رابعة السن اسباني "
" عارف "
نظرت اليه بتعجب " ده انت مركز بقى! "
" اوي اوي " تحدث بثقة ثم تابع " مش هتقوليلي مالك؟"
" لا "
" ليه!؟ "
" عشان متفهمنيش غلط او تتريق عليا "
ESTÁS LEYENDO
A Broken Heart
Romanceأصعب شعور عندما تـرى من تُحب يفعلُ للآخرين، ما لم يفعله لك هكذا يكون الحب من طرف واحد.
