الجزء الثالث من قصه ـ في ضريح العشق حمامه ....💙🕊

الواحد والعشــــــرون

بس صدمتني اليوم وهي تٵڪدلي هي تحبه وفهمتني من شوڪت بدٵت شرارة هالحب.

بدينا بالڪلام عنها ومالحڪنا نڪمل واتفقنا نڪمل غير يوم بس من خلال ڪلامها عنه اڪدت الها هذا مو حب وانما اعجاب وتعويد. وما شابه هالشي.

وڪان ردها ياريت لان ادري اخرة هذا الحب خساره وڪسرة گلب الي وما اتمناها.

وصلنا لبابهم و رجعنا لبيتنا والماســــٓــه گالت عيالي جايين من البصره وام اجود گالت باجر نسوي حفله ابينا لــ اسيل خطيه ما احتفلت بالبصره.

وعزمتنا وگلت لابوي واستاذنت منه نروح ڪلنا باجر.

فرحت الها تستاهل ڪل الخير قريبه ڪلش لــ مُــــخلـﺪ وحنينه علي.

ومتردده بخصوص حضوري للحفله مره اگول اروح ومره اگول لاااا.

وهي تروايني رسائله وهو يحلفها تقنعني احضر. حتى يشوفني.

والي بعث ڪومة رسائل ؏ الخط و؏ الماسنجر ويطلب مني احضر.

واني فهمته متردده و؏ الاغلب مااحضر.

حضرت فستاني ومتعلقاته ومنتظره باجر.

واڪيد راح اشوفه مشتاگه اله صار اڪثر من اسبوعين ماشفته ومابينا بس الاتصال. اللي صرت اشوفه مايغني عن شوفة ملامحه اللي ڪلش لايگه الها الفرحه وابتسامته ماتفارك شفاهه.

رغم اعشق نبرة صوته وراحتـــــي النفسيه لما اسمع يتغزل بڪلماته الطالعه من عصــب القلب.

ثاني يوم رجعت من الجامعه لگيتهن متحضرات ومنتظريني والياس ياخذنا بدلت بــ استعجال وميوس تساعدني وناصبه تگول شبيج انخبصتي البرنس ما موجود بالبيت بعده بالدوام.

گلت اصلا مايدري راح احضر سٵلني اڪثر من مره وگلت ما مقرره بعد.

اريد افاجٵه والصدگ غير ــ ميته من شوگي اله.

واطلب منج تگولين لــ مهند لايگول اني حضرت .

نزلت للصاله وحسيت ٵمي متردده ماتريد تروح وابوي گالها عيب ماترهم والطرفين اتصلت و دعنڪم للحفله ام اجود وام مهند.

وابوي سلم علينا واتوڪل للبصره يستلم الحاويات ويسلمها.

طلعنا وصلنا لبيتهم الحفله ابيت ام اجود دخلت سلمت ؏ الموجودات ومن وصلتها مااعرف شلون اوصف شعوري بحياتي ما ڪرهت انسان بس اذتني واذتني حيل واذية امي اڪثر من اذيتي.

سلمت سلام عادي وتعديتها وهي بڪل عين صلفه تگول شدعوه الله الڪبير اعتبريني سحر وسلمي عليه مثل ما سلمتي عليها وشارگه حلگج. عبالك سولفت الج نڪته.

شدعوه من وصلتي ليمي عبالك شفتي ملك الموت. اللي جاي ياخذ روحج.

اشو اخذتي مُــــخلـﺪ واخذتي بعد عليمن ضايجه مني ومغثوثه.
وين تروحين من عذاب ربج واخذتي من بنت عمته اليتيمه اللي ڪل املها هو.
طيبه تدعي وتتحسب عليج ليل ونهار اخذتي ابن خالها حبيبها منها.