"ဟေ့ကောင် နေ မင်းအဲလောက်ကြီးမချူပ်ချယ်နဲ့လေကွာ သူလည်းသောက်ချင်မှာပေါ့"
ထက်ပိုင်က မနေနိုင်ဝင်ပြောသည်။ဒီကောင်သူတောင်းစား ငနေက ဒီကောင်လေးနဲ့ကျမှအဖြစ်သည်းနေသည်။အရင်ရည်းစားတွေတုန်းကတော့ နေမကောင်းဘူးသတင်းကြားတောင် သတင်းသွားမေးဖော်မရတဲ့ကောင်က
ဒီကောင်လေး ထန်းရည်မသောက်နိုင်မှာကျလိုက်စိုးရိမ်နေသည်။"ရတယ်..ကျွန်တော် ထန်းရည်ခါးခါး သိပ်မကြိုက်ဘူး"
ထန်းရည်မကြိုက်တဲ့သူက ထန်းရည်ချိူခွက်ကိုတော့ တစ်ကျိူက်တည်းအကုန်မော့သောက်ပစ်သည်။
"သောက်လို့ကောင်းတယ်..နေ ကျွန့်တော်အတွက်အဲဒါပေး"
နေ့ ရှေ့ကထန်းရည်ချိူအိုးကိုဆွဲယူကာ ချမ်း တစ်ခွက်ပြီးတစ်ခွက် မော့သောက်တော့သည်။နေက မသောက်စေချင်မှတော့ သူ မသောက်ရုံပဲပေါ့။ဘာကြောင့်မှန်းမသိ နေ့စကားတွေဆို ချမ်း အလိုလိုနားထောင်ချင်သည်။နေကသူ့အတွက် အရေးကြီးတဲ့လူတစ်ယောက်လိုခံစားရသည်။ချမ်းကသီးသန့်နေရတာကြိုက်သူမို့ ပုံမှန်ဆိုလူတစ်ယာက်ကို အလွယ်တကူခင်မင်တတ်သူမဟုတ်။နေ့ကိုတော့ အချိန်တိုအတွင်း ခင်မင်မိကာ ရင်းနှီးသူတစ်ယောက်လို ခံစားရသည်။
"ချမ်း ကြွက်ကြော် စားကြည့်မလား"
နေ့ လက်ထဲကကြွက်ခြေထောက်ကြော်ကိုကြည့်ရင်း ချမ်း မျက်လုံးပြူးသည်။ကြွက်..ကြွက်ကိုဘယ်လိုကြော်စားကြသလဲ။
"ဒါက အိမ်ကြွက်မဟုတ်ဘူးလေ ၊လယ်ကွက်တွေထဲက တွင်းမှာနေတဲ့ မြေကြွက်ကိုကြော်ထားတာ..စားကြည့်"
နေ က အသားပိုင်းကိုဆွဲမွှာကာ ချမ်း ပါးစပ်ရှေ့တိုးပေးတော့ ချမ်းက ပါးစပ်လေးဟစားလာသည်။
"ကောင်းလား"
နေ က ချမ်းစားနေသည်ကို ချစ်စနိုးကြည့်ရင်းမေးတော့ ချမ်းက ခေါင်းလေးငြိမ့်သည်။
"အွန်း..ကောင်းတယ်"
"ရော့..စား အဲဒါဆို "
ကြွက်ကြော်ပန်းကန်လေးက ချမ်း ရှေ့ရောက်သွားသည်။
YOU ARE READING
Falling In Love With My Husband.
RomanceSeason 1 သာမာန် လူလတ်တန်းစား မိသားစုက တက်ကြွကာ အလုပ်ကြိုးစားသော ခပ်ချောချော လူဆိုးကောင်လေး နေမင်းတာရာ မျိူးရိုးမြင့် မိသားစုကြီးမှ အနေ အေးဆေးတည်ငြိမ်ကာ နူးညံ့လှပသော ကောင်လေး ချမ်း ဆယ်ကျော်သက်အရွယ်တွင် အချစ်ကိုရုးမိုက်စွာ ကိုးကွယ်ကာ နှစ်ယောက်တစ်ဘဝတည...
အခန်း ၃
Start from the beginning