فايا (حسناء قاتنة)

Part 3

‎سلام: هههه اي اني ابنها سلام هذا بيتنا اي شي تحتاجينه تلكينه يمج لان امي كالت عايشه وحدج

‎نور: متقصرون مرا ثاني شكراً الك

‎سلام: ولو ادللي بالخدمة

‎نور: راح واني طبيت للبيت والله زين اكو بعد ناس هيج حبابه
‎اكلت وكل شويه استفرغ الي اكله صار العصر وندك الباب

‎نور: اجيت ركض افتح وذكرت حجايته وكلت
‎منووووو

‎ام سلام: اني حبيبه

‎نور: سمعت صوتها ورئساً عرفتها رحت فتحت الباب جانت وكفه هيه وابنها بتسمت بوجها وكتلها
‎تفضلي خاله

‎ام سلام: يزيد فضلج

‎نور: شفت ابنها يباوعلي ومبتسم كلتله

‎ام سلام: يلا يمه روح اني اريد اكعد ويا هاي الحلوه شويه

‎سلام: تمام بس تكملين تصلي عليه اجيج لان انا رايح لصدقائي

‎ام سلام: الله وياك

‎نور: تفضلي خاله تفضلي
‎طبت وكعدنه على الكاع بس جنت فارشه مثل الدوشك
‎عذريني خاله بس مثل مشوفين بعدني ما مشتريه اثاث للبيت

‎ام سلام: لا يمه اني احب كعدت الكاع معذورا حبيبه

‎نور: فدوه الكلبج خلي اجيبلج شي تشربي
‎رحت حطيت مي وچاي على نار تهدر واخذته

‎نور: تفضلي

‎ام سلام: زاد فضلج تعاي كعدي اريد اسوالف وياج

‎نور: ابتسمت على اسلوبها سوالفي خاله

‎ام سلام: احجيلي انتي ليش هنا وحدج وين رجلج محد يخاف عليج عايفن وحده بجمالج وحدها

‎نور: هههههه وحده وحده هسه اسولفلج بس على الاقل اسئليني شنو اسمي رئساً تردين تعرفين ليش اني وحدي

‎ام سلام: اي والله نسيت شنو اسمج

‎نور: هههه اسمي نور وهسه اسولفلج قصتي بس اشربي چاياتج

‎ام سلام: اسمعج

‎نور: اني اهلي ماتو بحادث قبل ٣ سنين ونطوج عمرهم لهذا ما عدي احد حتى من جانو عايشين ما عدنه لا كرايب ولا شي عايشين بحالنه

‎ام سلام : ان لله وان اليه راجعون الله يساعدج ورجلج المصون وينه

‎نور: اوووف خاله رجلي الله يسلمج تزوجنه عن حب هو جان يراقبني من بعيد لبعيد واخر شي اجه وخطبني جنت بعدني صغيره وحبيته وافقت وبدت مشاكل العيال امه ما جانت رايدتني لان بت بغداد وهما من الانبار وربات عرب وشيوخ جانت شاده وياي بقيت اسولفلها وحجيتلها كل الي سونه بيه